Гонзалез: Прва цел е да играме како голем тим

Македонската ракометна експедиција од утрово е во Загреб, каде в сабота ќе го започне својот настап на Европскиот шампионат.

Новитет во информирањето од Првенството е отвореното студио кое го има телевизиската продукција на Европската ракометна федерација (ЕХФ ТВ), во кое меѓу првите гости беше македонскиот селектор Раул Гонзалез.

- Ова е големо натпреварување. Сите сакаат да бидат овде. Се е перфектно, со нетрпение чекаме да почнеме да играме. Мислам дека немавме доволно време за подготовки, но среќен сум дека минавме доволно време заедно, па мислам дека, сепак, сме доволно подготвени, изјави македонскиот селектор.

На прашањето која е првата цел, и кои се очекувањата во групата, Шпанецот Гонзалез истакна дека најважно е да одиграат како голем тим.

- Првата цел е да изгледаме како тим, да играме заеднички и силно, сите до еден. За да имаме шанса да ја минеме групата, најважно е како ќе го одиграме првиот меч против Словенија, од тоа зависи понатамошниот тек на шампионатот. Треба да одиме чекор по чекор, прво мора да се фокусираме на Словенија, а потоа ќе размислуваме за другите, дополни Гонзалез.

Тој не го криеше задоволството што при престојот во нашата земја имаше можност да го научи македонскиот јазик.

- Ние зборуваме на македонски. Во мојот клуб Вардар вложивме голем труд и сите да научиме македонски. Во екипата има Руси, Срби, Хрвати, Шпанци, но решив да зборувам македонски, и мислам дека одлично се разбираме. Впрочем, зборувам македонски бидејќи имам почит кон народот, нацијата, земјата, истакна Гонзалез.

Според програмата, селекторот Гонзалез и неговите избраници, попладнево треба да го одработат првиот тренинг во загрепската „Арена“, каде в сабота против Словенија ќе го одиграат првиот меч./MИА

Сообраќајот се одвива непречено по влажни коловози

Сообраќајот на државните патишта се одвива непречено, по влажни коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Најстудено на Попова Шапка и во Лазарополе, најмногу дожд во Виница

Утрово најниска температура во земјава од 2 степени Целзоусови е измерена на 2 Попова Шапка и во Лазарополе. 

Следат Маврови Анови со 4 степени, 6 во Крушево, 7 Претор, 8 Крива Паланка, Прилеп, Охрид, 9 Берово, Битола, Дебар, 10 Скопје-Петровец, Тетово, 11 Скопје-Зајчев Рид, Виница, Куманово, Демир Капија, Струмица, 12 Штип, Кавадарци, Велес и 13 степени во Гевгелија, соопшти УХМР.

Најмногу воден талог за изминатите 24 часа до 07 часот е наврнат во Виница 28 л/м2, потоа 27 л/м2 во Берово, 21 Куманово, 17 Крива Паланка, 13 Маврови Анови, 12 Лазарополе, 10 Демир Капија, 9 Штип, 7 Охрид, Велес, 6 Дебар, 5 Прилеп, Ѓуриште, Претор, 4 Гевгелија, 3 Скопје – Петровец, Тетово, Кавадарци, 2 Битола, Крушево, Тополчани, Попова Шапка и 1 л/м2 во Скопје – Зајчев Рид, Струмица и во Пожаране. Количините на врнежи, се наведува, се од дождомерните места на УХМР и локално количината на воден талог може да варира и да биде поголема од измерената.

Времето денеска променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Во западните делови ќе дува засилен ветер од западен правец. Максималната температура ќе биде во интервал од 14 до 22 степени.

Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Максималната температура ќе достигне 21 степен.

Светската награда на УНЕСКО за слобода на медиумите за палестинските новинари

Организацијата на Обединетите нации за образование, култура и наука (УНЕСКО) денеска ја додели својата Светска награда за слобода на медиумите на сите палестински новинари кои известуваат за војната во Појасот Газа .

Организацијата на Обединетите нации за образование, култура и наука (УНЕСКО) денеска ја додели својата Светска награда за слобода на медиумите на сите палестински новинари кои известуваат за војната во Појасот Газа од почетокот на конфликтот меѓу израелските сили и палестинското движење Хамас на 7 октомври.

„Во овие времиња на темнина и безредие, сакаме да испратиме силна порака за солидарност и признание до палестинските новинари кои ја следат оваа криза во драматични околности“, рече Маурицио Вајбел, претседател на Меѓународното жири на медиумски професионалци.

Според него, човештвото им должи огромен долг на палестинските новинари за нивната храброст и посветеност на слободата на изразување.

Генералната директорка на УНЕСКО, Одре Азуле, ја истакна „важноста на колективната мобилизација за новинарите, насекаде во светот, да можат да продолжат да ја вршат својата суштинска работа за информирање и истражување“.

Според Комитетот за заштита на новинарите (CPJ), организација со седиште во Њујорк, 97 новинари и медиумски работници, од кои 92 Палестинци, се убиени, а 16 се повредени од почетокот на војната меѓу Израел и Хамас на 7 октомври.

притисни ентер