Свет

Германските имиграциски власти предупредувале за осомничениот од Магдебург

 Германската федерална канцеларија за миграција и бегалци соопшти дека минатата година добила дојави за човекот обвинет за нападот на божиќниот пазар во Магдебург во кој загинаа пет лица, јави ДПА.

-Предупредувањето дојде преку социјалните мрежи на крајот на 2023 година, напиша сервисот во „Х“. „Ова, покрај многу други укажувања, е сфатено сериозно“, велат тие.

Бидејќи канцеларијата за имиграција не е истражна агенција, информациите биле проследени до соодветните органи, се вели во публикацијата.

На интернет кружат слики од екранот на кои се прикажани пораки во кои одредено лице ја предупредува Канцеларијата за наводниот сторител, Талеб А.

Талеб А., чиј целосен идентитет не е објавен поради германските закони за приватност, претходно денеска беше обвинет за убиство со умисла, обид за убиство со умисла и други кривични дела.

Во нападот во петокот вечерта загинаа пет лица, а 200 се повредени.

Забава

Видео: Кој е познатиот личен телохранител на Меси?

Еден од најдобрите фудбалери на сите времиња, аргентинскиот волшебник Лионел Меси ужива во посебни безбедносни мерки откако е член на американскиот Интер од Мајами.

Неговиот личен телохранител Јасин Чеуко стана познат по својата посветеност и вештини во заштитата на славниот фудбалер.

Инаку, Јасин Чеуко е поранешен припадник на американската армија, со искуство во мисии во Ирак и Авганистан. Покрај воената кариера, тој е експерт и за боречки вештини, вклучувајќи бокс и теквондо. Неговата физичка подготвеност и боречки вештини го прават идеален за улогата на личен телохранител.

Чеуко е ангажиран да ги штити Меси и неговото семејство во секое време. Неговата посветеност оди дотаму што го придружува Меси дури и за време на натпреварите, следејќи го покрај линијата за да реагира брзо во случај на упад на навивачите или други потенцијални закани. Оваа практика стана вообичаена откако Меси дојде во Интер Мајами.

Поради постојаното присуство со Меси и забележителните интервенции, Чеуко стекна голема популарност на социјалните мрежи, со стотици илјади следбеници. Неговата посветеност на работата и импресивните вештини дополнително ја зголемија неговата популарност.

Јасин Чеуко стана незаменлив дел од тимот на Меси во Соединетите Американски Држави, обезбедувајќи му безбедност и овозможувајќи му да се фокусира на играта, додека неговото присуство дополнително ја зголемува популарноста на фудбалот во регионот.

Свет

Во Кремљ средба на Путин со словачкиот премиер Роберт Фицо

Рускиот претседател Владимир Путин денеска во Кремљ има средба со словачкиот премиер Роберт Фицо, еден од ретките европски лидери со кои остана пријателски, јавија руските медиуми.

„Путин моментно води разговори во Кремљ со словачкиот премиер Фицо“, јавија руските медиуми.

Шоу биз

Фото: Севе во секси комбинезон!!

Хрватската пејачка Северина на својот Инстаграм сподели уште едно одлично модно издание кое многумина ги потсети на препознатливиот стил на американската старлета Ким Кардашијан.

Кланот Кардашијан е познат по тоа што носи комбинезони, а Ким е во првите редови на трендот, поради што комбинезонот стана еден од нејзините заштитни знаци.

Северина за своето издание избра светло-кафеав комбинезон без ракави од брендот La Mania, кој го усогласи со едно многу популарно парче - долга бунда во беж боја.

Комбинацијата ја надополни со мини „Nile“ чанта од брендот „Chloe“ и проѕирни сандали на потпетици од брендот „Versace“.

притисни ентер