„Денес сме сведоци на сè погубната динамика во светската политика. Од година во година се оддалечуваме од целта, меѓународната соработка и мирот во светот“, рече Штајнмаер на отворањето на безбедносната конференција во Минхен.
„Враќањето на националните интереси не води во ќорсокак, во мрачни времиња“,рече тој пред светските лидери собрани во главниот град на Баварија.
Тој ги обвини Русија и Кина за несигурноста и недовербата во светот, како и неговиот сојузник, Соединетите држави. „Нашиот најблизок сојузник ,САД под сегашната администрација ја отфрла идејата на меѓународната заедница“, рече Штајнмаер.
„Повторно е голема, дури и на штета на соседите и партнерите“, истакна Штајнмаер, алудирајќи на главната идеја на американскиот претседател Доналд Трамп за „Да ја направиме Америка повторно голема“.
Тој рече дека Русија „ воената сила и промената на границите во Европа ги направи повторно политичка алатка“ и ја критикуваше Кина за „преземање на меѓународното право селективно кога тоа ќе користи на нејзините интереси“.
Исходот е „зголемена недоверба, поголемо вооружување, помалку безбедност, до следната трка во нуклеарно вооружување“, предупреди германскиот претседател.
Како одговор на однесувањето на светските сили, Берлин е подготвен да преземе поважна улога во меѓународната заедница, посочува тој.
„Германија треба да го зголеми својот воен буџет со цел да придонесе за европската безбедност и да го зачува сојузот со САД, имајќи предвид дека американските интереси се префрлаат од Европа во Азија“, рече Штајнмаер.