На настанот кој МВР го организираше во паркот во О. Аеродром, присуствуваше раководството на министерството како и претставници на дипломатскиот кор. Признанија и благодарници им беа доденелени на најистакнати во својата работа од различни сектори.

Министерството за внатрешни работи со низа активности го одбележува 7 мај – Денот на македонската полиција. Во рамки на прославата изложена е и опремата на различни полициски единици.

Граѓаните имаа можност да ги погледнат возилата со кои располага министерството, меѓу нив и дел од најстарите модели кои некогаш биле копристени. Голем интерес предизвика опремата и начинот на работата на форензичарите. Дел од нив и раскажаа за својата работа, односно каква е форнзичката техника и на кој начин земаат отпечатоци.

-Ако имаме траги од папиларни линии кои со голо око може да се видат ги фиксираме и фотографираме- изјави – Даниела Божиновска Мариновска - Оддел за форензички испитувања.

Интерес имаше и за начинот на утврдување при пукање со огнено оружје.

Денот поминува со одбележување и во другите полициски станици низ земјава, а со владина одлука од 1993 токму 7 мај е прогласен за Ден на македонската полиција.

Портпаролот на МВР Тони Ангеловски информира дека како и за првиот круг и претходните изборни циклси избори така и за овие формиран е посебен оперативен штаб кој е насочен кон реализацијата на изборниот процес.

Во меѓувреме, Јавното обвинитлство постапува по однос на пријавата на полицијата откако поради сомнеж за изборен поткуп вчера беа уапсени две лица од селото Мелница, општина Чашка. При претресот во нивните домови полицијата пронашла оружје. Кај , 52 годишниот И.И. биле пронајдени и одземени еден пиштол со две рамки, 58 куршуми и 4 зрна-испукани проектили кои ги поседувал без дозвола, како и копија од преглед на гласачи за изборно место во Чашка. Кај вториот осомничен, 50 годишниот А.Ч. биле пронајдени и одземени три пиштоли со една рамка и 139 куршуми.

Овој случај ќе биде дел од сумарниот извештај со податоците меѓу двата изборни циклуси, кој утре ќе го презентира привремената комисија на Јавното обвинителство за следење на евентуални кривични дела против изборите и гласањето, велат од Јавното обвинителство. Од таму информираат дека граѓаните можат да пријавуваат секакви сомненија за кривични дела поврзани со изборите на електронската адреса [email protected], а граѓаните ќе можат да пријават каква било повреда на избирачкото право и кај Народниот правобранител на бесплатната телефонска линија 0800 54321, како и лично во канцелариите на Обудсманот.

Државната изборна комисија е целосно подготвена за двојниот процес, велат оттаму, но потсетуваат дека за разлика од вообичаените изборни циклуси, сега важат поразлични правила на самите избирачки места. Овојпат за да биде разграничена излезноста, преку која ќе се знае дали е исполнет неоходниот цензус од 40 отсто за претседателски избори, гласачот ќе добие прашање - дали сакате да гласате за претседателските, за парламентарните или за двата процеса?

-Државната изборна комисија е подготвена да го спроведе изборниот процес. Веќе после 19 часот ќе имаме некои првични неофицијални информации коишто ќе се соопштуваат на пресконференција. Граѓаните кога ќе пристигнат на избирачкото место ќе треба да се одлучат за кои вид избори сакаат да гласаат, за парламентарни, претседателски или за двата вида на избори и соодветно на тоа ќе добијат гласачко ливче според изборот којшто го направиле,-Радица Тодоровска Алексовска – портпарол на ДИК.

На вториот круг од претседателските избори, исто како и за првиот круг на 24 април, право на глас имаат 1 814 317 избирачи кои овојпат избираат меѓу двајца кандидати. За изборите да бидат прогласени за успешни, на гласање треба да излезат најмалку 725 илјади избирачи.

За парламентарните пак, избирачкиот список е подолг за 1033 гласачи, а ќе може да бираат меѓу 17 пратенички листи. Од Државната изборна комисија појаснуваат дека причината за поголемата бројка на гласачи е поради лицата кои наполниле 18 години помеѓу двата претседателски круга и согласно актот за распишување на изборите, тие немаат право да гласаат за претседател, туку само за нов пратенички состав.

За овие двојни избори се акредитирани 2000 набљудувачи, како и бројни новинари од кои 66 се од странски медиуми.

ПРЕТСЕДАТЕЛСКИ ИЗБОРИ

право на глас 1.814.317 ГРАЃАНИ / цензус 40%

ПАРЛАМЕНТАРНИ ИЗБОРИ

право на глас 1.815.350 ГРАЃАНИ