Автомобилизам

Фото:Шал табла од 49 инчи ќе има најнапредниот автомобил на светот!!!

Вака изгледа кокпитот на најнапредниот автомобил на светот, кинескиот Бајтон.

Шал таблата ќе има вграден екран со димензии 125 x 25 см.

Кинескиот бренд Бајтон „Byton“ ќе ја престави сериската верзија на својот прв автомобил на саемот ЦЕС на почетокот на 2019 година во Лас Вегас.

Пред најавената премиера е прикажен кок-питот на финалниот модел.

Неверојатниот вграден екран ќе има неверојатни 49 инчи и 4К резолуција и ќе се простира низ целата широчина на возилото, со што се брише границата меѓу инфо- забавниот систем и инструмент таблата.

Покрај овој огромен екран, пред возачот ќе биде поставен и неговиот „таблет“ од осум инчи, преку кого ќе се контролираат поголем дел од функциите на автомобилот.

Контролата ќе може да се спроведува со гестови но и со гласни команди со помош на Амазон Алекс виртуелниот асистент.

Инфо-забавниот систем „ Byton Life", ќе овозможува неверојатен број на опции, меѓу кои и прикажување на 3д навигација, видео повик, гледање и филмови, оваа операција ќе биде возможна само кога автомобилот е паркиран или и вклучен авто-пилот модот.

Со поврзувањето преку паметниот часовник или нараквица, автомобилот ќе може да ја следи и здравствената состојба на возачот.

Благодарејќи им на камерите, „Бајтон“ стигнува без клучеви. Покрај возачот автомобилот ќе ги препознава и другите членови на семејството и на основ на информациите од базата ќе ги пушта внатре.

Овој автомобил ќе има камери и во кабината за препознавање на другите патници. На секој патник ќе му биде овозможено индивидуално местење на седиштата, климатизацијата , како и други мултимедијални содржини кои се прикажуваат на екранот.

Според најавите „Бајтон“ ќе биде достапен во две електро верзии, со мотор од 272 КС и вртечки момент од 400 Нм, и вкупна сила од 476 КС, и вртечки момент 710Нм. Автомобилот до брзина од 100 км на час ќе стигнува за време од околу 6 секунди. Со едно полнење ќе може да се минат меѓу 400 и 520 километри.

Најавената цена на овој супер автомобил е само 36 000 евра.

Регион

Бербок повика на брзо прифаќање во ЕУ на земјите кандидати за членство од Западен Балкан

Шефицата на германската дипломатија, Аналена Бербок повика на брзо прифаќање во Европската унија на земјите кандидати од Западен Балкан по повод прославата на 20-годишнината од проширувањето на Европската унија со десет земји во 2004 година.

-Политичките и географските „сиви зони“ на Балканот или во источниот дел на ЕУ се крајно опасни. Не можеме да си дозволиме такви „сиви зони“, бидејќи за (рускиот претседател Владимир) Путин тие се покана за интервенција, за дестабилизација, напиша Бербок во авторскиот текст објавен по повод годишнината.

Свет

ЕУ го заостри визниот режим со Етиопија поради „несоработка“ во реадмисијата на азиланти

Советот на ЕУ денеска реши времено да суспендира одредени одредби од одлуката со кој се регулира издавањето визи за државјаните на Етиопија.

Со денешната одлука се укинува ослободувањето од обврската за поднесување на доказите што треба да ги достават апликантите за виза, се забранува издавањето на повеќекратни визи и се укинува ослободувањето од обврската за плаќање визната такса за имателите на дипломатски и службени пасоши.

Дополнително, како што јави дописникот на МИА од Брисел, рокот за одговор на поднесената апликација за виза се продолжува од досегашните 15 на 45 календарски дена.

Ваквата одлука на Советот на ЕУ е донесена врз основа на оценката на Еврокомисијата дека „соработката на Етиопија на полето на реадмисија на нејзините државјани кои илегално престојуваат во ЕУ е недоволна“.

Според ЕК, има недостиг на одговори од страна на етиопските власти во однос на барањата за реадмисија и постојат потешкотии со издавањето на итни патни документи и со организација на враќањето на одбиените баратели на азил.

Одлуката за суспензија е привремена, но нема конкретен краен рок на нејзината важност, туку тој ќе зависи од понатамошната оценка на Комисијата за постигнатиот напредок во соработката за реадмисија од страна на Етиопија.

Европската комисија редовно ја оценува соработката на трети земји во процесот на реадмисија на илегалните мигранти и одбиените баратели на азил. Врз основа на овие оценки, ЕК може да заклучи дека соработката на одредена трета земја при реадмисијата е „недоволна“ и може да ја суспендира одлуката за визна либерализација или да го заостри постојниот режим за издавање визи.

Во случајот на Етиопија, Еврокомисијата процени дека има „особено ниска стапка на реадмисија“ и се издадени мал бројот на патни документи врз основа на барањата за враќање на етиопските државјани во нивната матична земји, што во целост е оценето како „ниско ниво на соработка“. /МИА

Свет

Иран ги отфрли шпекулациите дека соработува со Северна Кореја во врска со нуклеарни прашања

Иранското Министерство за надворешни работи денеска по пристигнувањето на севернокорејската деловна делегација во Техеран, ги отфрли шпекулациите за соработка со Пјонгјанг во врска со нуклеарни прашања.

„Делегацијата, предводена од министерот за надворешни економски односи Јун Јонг Хо, отпатува во иранската престолнина минатата недела на економска конференција. Секоја поврзаност со соработка за нуклеарни прашања е „неоснована“, рече портпаролот на Министерството за надворешни работи, Насер Канаани.

Во Јужна Кореја имаше шпекулации дека за време на посетата може да се разговара за воена соработка меѓу Северна Кореја и Иран.

Двете земји - и двете се соочија со строги меѓународни санкции и изолација на дипломатската сцена поради нивните нуклеарни активности - постојано беа обвинувани за активна соработка, особено во областа на ракетната технологија.

Контроверзната иранска нуклеарна програма е предмет на обновен интерес во последните месеци по избувнувањето на војната во Газа. /МИА