Забава

Фото: Ќерката на легендарниот Мајкл Џексон прогласена за „најубава жена на светот“

Парис Џексон, ќерката на легендарниот Мајкл Џексон, моментално ужива голема популарност на социјалните мрежи, каде многу обожаватели ја нарекуваат „најубавата жена на светот“.

Позната по нејзиниот волшебен изглед и уникатниот моден стил, Парис изгради име надвор од нејзиниот идентитет како ќерка на кралот на попот, водејќи кариера како модел, актерка и музичар.

Парис, единствената ќерка на кралот на попот Мајкл Џексон, изгради свој идентитет во очите на јавноста. Роден на 3 април 1998 година во Лос Анџелес, од Мајкл и неговата поранешна сопруга Деби Роу.

Нејзините најнови појавувања на модната недела во Париз значително ја зголемија нејзината привлечност. Облечена во прекрасни комбинации, Парис ги воодушевува обожавателите ширум светот со нејзиниот неверојатен изглед и природна смисла за мода.

Позната како талентирана пејачка, модел и актерка, Парис Џексон го надмина идентитетот на ќерката на кралот на попот. Нејзините уметнички потфати во музиката и филмот ги истакнуваат нејзините вештини, додека нејзиниот уникатен моден стил и самодоверба ја истакнуваат нејзината позиција во светот на модата.

Македонија

Приведен скопјанец поради криумчарење мигранти

На автопатот Табановце - Куманово, во близина на село Табановце, синоќа околу 19.35 часот полициски службеници од Полициската станица за граничен надзор Сопот го лишиле од слобода К.Н.(27) од Скопје.

Од МВР денеска соопштија дека на наведеното место, полициски службеници сопреле возило „ауди“ со скопски регистарски ознаки, од кое излегол К.Н. со осум лица мигранти од Сирија и се обидел да избега.

- Набргу бил фатен и лишен од слобода. К.Н. и возилото биле задржани во полициска станица, а по наредба на јавен обвинител, мигрантите биле сместени во Прифатниот центар за странци во Скопје и во Транзитниот центар Табановце. По целосно документирање на случајот, против лицето ќе биде поднесена соодветна пријава, соопштија од МВР.

НБА

Џејмс трет натпревар по ред постигна трипл-дабл

Екипата на Лос Анџелес лејкерс ноќеска на домашен терен го победи Торонто со 128:123. За домаќините, Леброн Џејмс го постигна третиот трипл-дабл во последните натпревари.

Џејмс натпреварот го заврши со 35 поени, 12 скока и 14 асистенции. Претходно, 39-годишниот Американец стана најстариот кошаркар кој забележал два трипл-дабл по ред.

Лејкерси ја забележаа седмата победа и се наоѓаат на 6. место во поредокот на Западната конференција од НБА-лигата, додека Мемфис кој го претрпе петтиот пораз е на 7. место.

Следен натпревар на Лејкерс е в сабота на гостински терен со Сан Антонио спарс.

Здравје

Над 800 милиони луѓе во светот имаат дијабетес

Во светот во 2022 година околу 828 милиони луѓе над 18 години биле заболени од дијабетес од типот 1 и 2.

Повеќе од 800 милиони возрасни луѓе во светот имаат дијабетес, што е двојно повеќе од претходните процени, а повеќе од половина од нив на возраст од 30 и повеќе години не се лекуваат, покажа новото истражување на медицинскиот списание „Лансет“ (The Lancet).

Во светот во 2022 година околу 828 милиони луѓе над 18 години биле заболени од дијабетес од типот 1 и 2. Во студијата е наведено дека кај возрасните лица над 30 години, односно 445 милиони или 59 отсто од нив не се лекуваат од дијабетес.

Глобалната стапка на дијабетес се удвои од 1990 година од околу седум на 14 проценти, главно поттикната од зголемувањето на случаите во земјите со низок и среден приход.

Светската здравствена организација (СЗО) претходно процени дека околу 422 милиони луѓе ширум светот имаат дијабетес, хронична метаболистичка болест која вклучува покачени нивоа на шеќер во крвта што може да го оштети срцето, крвните садови, нервите и другите органи доколку не се лекува.

притисни ентер