Сакаат пак да ни ги исперат мозоците, да ни ги изманипулираат емоциите, пак да гласаме за нив и пак исто да владеат и да не крадат - како и до сега!
Нема никаква разлика од порано:
- СДС ќе не внесува во ЕУ, ама ќе си мести тендери и ќе ги краде европските пари - како и до сега!
- ДРПНЕ ќе не брани од лошите бугари, и ќе не одбрани како што не одбрани од лошите грци, од промената на името Македонија, од терористите 2001 г, од територијалната прераспределба... И ќе си краде, пере и рекетира буџетски пари од општините и од буџетот - како и до сега!
- ДУИ ќе се бори за правата на албанците во Македонија и регионот, на штета на државните интереси и буџетот, ќе се бори за што повеќе институции да водат албанци и ќе си местат тендери и перат пари, а државата ќе пропаѓа и албанците ќе се иселуваат - како и до сега!
- И сите тие ќе си прават затворени изборни листи и ќе ги рангираат кандидатите според спремноста да крадат за партијата и да ги чуваат криминалните партиски тајни, нема да дозволуваат да се промени изборниот закон и да се воведат отворените листи, и ќе си ги прават истите изборни измами и криминали - како и до сега!
Епа нема веќе да биде како до сега - доаѓаме ние ДЕМОКРАТИ, и правиме политичка револуција!
На овие избори ние граѓаните имаме можност и опција да гласаме за партија која ја разбива оваа политичка мафија, овие крвници и душмани на граѓаните и државата - и затоа сега сите ќе гласаме за ДЕМОКРАТИ!
Ние ДЕМОКРАТИ, заедно со граѓаните, сме хероите на денешното време - бидејќи само ние се бориме за итно воведување на отворените изборни листи, и со нив за враќање на државата и власта на граѓаните!
Ние ДЕМОКРАТИ не се плашиме од заканите на политичките криминалци, и со граѓаните херојски ќе одолееме на сите притисоци, манипулации, закани и уцени.
На избори, смело и одлучно, сите граѓани гласаме за себе, за нашите семејства и деца, за Македонија, за иднината - и за 16 ДЕМОКРАТИ!
И така по изборите ништо веќе во Македонија нема да биде како до сега, ќе ги сузбиеме криминалот и корупцијата, ќе се почитуваат и спроведуваат законите, и со ДЕМОКРАТИ и отворените листи - на сите во Македонија незапирливо ќе ни тргне на подобро!
ДЕМОКРАТИ: ЛИЦА СО ПОПРЕЧЕНОСТ
Родителите на децата со посебни потреби водат живот што може да го разберат само оние кои тоа го доживеале или имаат такви семејства во нивната непосредна околина каде живеат.
Живот полн со одрекување и жртвување со дете кое не може самостојно да обавува некои основни дневни потреби како одење во тоалет, облекување, не може само да јаде храна, често не комуницира или има комбинирани психомоторни проблеми.
Како пријател на повеќе такви родители потполно ја разбирам суштината на темата, едниот родител тешко може да воспостави работен однос и притоа да се грижи за своето дете, тоа е како секогаш дома да има мало бебе, тоа е особено тешко по навршувањето на 25-та година од детето, кога престануваат сите организирани училишни и воннаставни активности за овие деца и оттогаш тие практично се насочени исклучиво кон нивните семејства. Поради неможноста истовремено да се работи и да се грижи за дете, често тие семејства што имаат дете со посебни потреби се сиромашни и во немаштии.
РЕШЕНИЕТО за статусот на родители на деца со посебни потреби е донесување на закон „родител - негувател“ со кој државата би можела да обезбеди плата за еден родител согласно слични решенија кои ги имаат развиените европски земји и некои земји во нашата околина. Ваков еден закон треба да биде усвоен во Собрание на Македонија.
Ниту една влада во Македонија досега нема донесено ваков закон, а тоа им оди на душа на сите претходни влади и никогаш до собрание не стигнал еден таков предлог.
ДЕМОКРАТИ нудат квалитетен предлог-закон „родител - старател“.
Родителите на децата со посебни потреби треба да знаат дека тоа што немаат поддршка од државата каква што би требало да имаат, можат само да им се заблагодарат на оние кои владеат со Македонија 33 години
кои немаа политичка волја да го решат ова прашање.
Апелираме на разумот и совеста (ако ја имаат) и повикуваме одма по формирање на идниот парламент (кој и да го формира) веднаш да влезе во процедура и прв приоритет да им биде овој закон и истиот да се донесе за доброто на сите семејства на деца со посебни потреби, се наведува во партиското соопштение.