Фудбал

Фалкао на последниот ден од преодниот рок мина во Манчестер Јунајтед

До доцна во ноќта фудбалските трансфери беа во центарот на вниманието на спортската јавност на последниот ден од летниот преоден рок.

Најголемо име кое направи трансфер беше Колумбиецот Радамел Фалкао, кој од Монако замина во Манчестер Јунајтед, иако пред неколку дена беше најавено дека е веќе во редовите на европскиот шампион Реал Мадрид. Овој трансфер е остварен како позајмен играч за оваа сезона со можност на целосен трансфер следната сезона.

Во редовите на „црвените ѓаволи“ пристигна и играчот од одбраната на холандската репрезентација Дејли Блинд, кој од Ајакс за 16 милиони евра ја смени клупската средина.

Од Манчестер Јунајтед во Арсенал мина англискиот репрезентативец Дени Велбек. Висината на обештетувањето е 16 милиони фунти.

Манчестер Сити на позајмица во шпанската Валенсија го испрати повредениот Алваро Негредо, а Лигата на шампионите во дресот на Реал Мадрид ќе ја игра оваа сезона и Хавиер Чичарито, кој го напушти Манчестер Јунајтед.

Купуваа и позајмуваа и помалите клубови, а не ги сменија своите екипи „бараните на пазарот“: Марко Ројс (Борусија Дортмунд), Матија Настасиќ (Манчестер Сити), Артуро Видал (Јувентус).

Свет

Протест пред Берлинскиот слободен универзитет во знак на солидарност со Појасот Газа

 Пропалестинските активисти денеска протестираа пред Берлинскиот слободен универзитет, апелирајќи на студентски отпор низ Германија во знак на солидарност со луѓето во Појасот Газа.

Според процените на портпаролката на Универзитетот во протестите учествувале од 80 до 100 луѓе.

Активистите на групата Студентска коалиција Берлин повикаа на запоседнување на германските универзитети и побараа крај на „колонијалното угнетување“.

Околу 150 активисти на 3 мај протестираа пред Универзитетот Хумболт во Берлин.

Повеќе од две недели на голем број универзитети во САД, во Велика Британија и други земји има протести против израелската офанзива врз Појасот Газа./МИА

Македонија

Јом Хашоа одбележан во Меморијалниот центар на холокаустот во Скопје

Со едноминутно молчење во чест на жртвите во холокаустот, денеска беше одбележан Денот на сеќавањето на жртвите. Традиционално овој ден  се одбележува на годишнината на востанието во Варшавското гето.

Маја Нану, член на управниот одбор на еврејската заедница, нагласи дека Македонија, рамо до рамо со целиот свет, им оддава почит на своите 7.144 евреи, жртви на нацизмот, депортирани во логорот на смртта, Теблинка.

Самоил Садикарио, пензиониран професор на медицинскиот факултет, член на Еврејската заедница, чии предци биле партизани, изразува жалење што се помалубројни се Евреите во Македонија. Особено му е жал што поради, како што рече, нечија луда идеа, загинале шест милиони евреи во светот.

Во чест на Денот на сеќавањето на жртвите од холокаустот, во музејот на холокаустот беше отворена и детска изложба, а најдобрите три цртежи беа и наградени.

Свет

Катарската делегација пристигна во Каиро

Делегација на Катар пристигна во главниот град на Египет, Каиро, каде ќе продолжат индиректните преговори меѓу Израел и Хамас.

Хамас вчера соопшти дека го одобрил предлогот за прекин на огнот во Појасот Газа, што го предложиле посредниците од Египет и од Катар.

Разговорите во Катар треба да доведат до итен и траен прекин на огнот во Појасот Газа. /МИА

притисни ентер