Македонија

Европскиот парламент и Советот на ЕУ сè уште со различни ставови за буџетот за следната година

 Европскиот парламент и Советот на ЕУ остануваат со различни позиции за заедничкиот буџет на Унијата за следната година, стана јасно за време на пленарната сесија на ЕП во Стразбур.

Утре Парламентот ќе гласа резолуција за позицијата на Советот за буџетот на ЕУ за 2025 година.

Романскиот европратеник Виктор Негреску, од групата на Прогресивната алијанса на социјалистите и демократите во Европскиот парламент, истакна дека буџетот не треба да зависи од преговори меѓу земјите-членки и ја нагласи потребата од инвестиции за зголемување на конкурентноста на Унијата.

Романскиот потпретседател на Европскиот парламент како главна задача го посочи зачувувањето на благосостојбата на граѓаните на Унијата. - За таа цел, неопходно е во сегашниот период на економски предизвици да се инвестира во нашата конкурентност, како што во својот извештај предложи поранешниот претседател на Европската централна банка, Марио Драги, истакна Негреску. Наместо тоа, предупреди романскиот социјалдемократ, ЕУ предлага строги мерки за штедење.

Другиот известувач на ЕП за ова прашање - Германецот Никлас Хербст од групата на Европската народна партија - исто така ја истакна клучната важност за зголемување на конкурентноста на Европската Унија во овие сложени геополитички времиња. Тој повика да се посветат повеќе ресурси „со поглед кон иднината“.

Во име на унгарското ротирачко претседателство со Советот на ЕУ, државниот секретар задолжен за преговорите за буџетот Питер Банај рече дека Советот споделува многу од приоритетите на Европскиот парламент, но истакна дека времињата се тешки. - Поддржуваме некои приоритети на ЕП, но мора да бидеме подготвени за непредвидени ситуации и кризи и да оставиме резерви, нагласи тој, бранејќи ја преговарачката позиција на Советот.

Еврокомесарот за буџет и администрација, Јоханес Хан, го нотираше разидувањето во позициите на Европскиот парламент и Советот на ЕП. - Сепак, уверени сме дека преговорите ќе продолжат во позитивен дух и двете страни ќе постигнат компромис во разумен рок, додаде тој во име на Европската комисија.

Белгиската европратеничка од либералната група „Обнови ја Европа“ Хилде Воутманс повика да се издвојат повеќе средства за одбраната. - Неопходно е ЕУ да инвестира во својата одбрана во овие тешки моменти, нагласи Вутманс, која е членка на Комитетот за надворешни работи на ЕП, и која изрази загриженост особено за можното враќање на Доналд Трамп во Белата куќа по претседателските избори во САД. избори на почетокот на следниот месец. /МИА

Македонија

Мицкоски по средбата со австрискиот претседател: Продолжуваме да се бориме за Македонија

Со состанокот што го имавме со претседателот на Австрија, Ван дер Белен ја завршуваме официјалната билатерална посета во Австрија којашто започна со учеството на настанот во Салцбург.

Зборувавме со голем број европски дипломати на коишто ја пренесов пораката на македонските граѓани како и нашите очекувања како држава.

Ја завршуваме посетата со настанот, учеството на австриската дипломатска академија каде што ќе зборувам со што се соочуваме како држава и кои се нашите приоритети како Влада.

Имавме успешна и плодна билатерална посета во Австрија. Продолжуваме да се бориме за Македонија и македонските граѓани, како и за националните интереси, објави на ФБ премиерот Христијан Мицкоски.

Шоу биз

Моника Белучи на Инстаграм објави фотографии на кои е гола: 20.000 лајкови за 10 минути

Моника Белучи со децении оправдано ја носи титулата една од најубавите актерки на сите времиња, а и во шестата деценија од животот редовно привлекува внимание. Сега реши да „додаде дополнителен зачин“.

Деновиве, можеби инспирирана од тоа што во септември наполни 60 години, убавата Италијанка на Инстаграм сподели серија фотографии на кои, како што објасни, „позирала пред неколку години за италијанското издание на Вог“ и каде, меѓу другото, таа е целосно гола и генерално „убиствено“ сензуална, пренесува Слободна Далмација.

Следеа безброј коментари и комплименти, Инстаграм експлодираше, за 10 минути собра 20.000 лајкови, а за неколку часа повеќе од 300.000.

Белучи ужива во својата новооткриена љубов од минатата година. Среќата и мирот ги нашла со американскиот режисер Тим Бартон, а нивната наклонетост и страсна врска е забележана на бројни филмски фестивали оваа сезона.

Во интервју за француски „Ел“, 60-годишната Италијанка многу отворено проговори за љубовта кон 64-годишниот американски режисер:

"Што да ви кажам, пред се, среќна сум што го запознав. Тоа е една од оние средби кои ретко се случуваат во животот. Го запознав како личност и го сакам", изјави минатата година филмската дива.

Моника Белучи долги години беше во брак со францускиот актер Винсент Касел, со кој има две ќерки, 20-годишната Дева и 14-годишната Леони.

Извор: Аваз

НБА

НБА: Гордон уште четири години во Денвер за 133 милиони долари

Ден пред почетокот на новата сезона во НБА, шампионот од 2023 година, Денвер Нагетс, се договори да ја продолжи соработката со својот крилен кошаркар Арон Гордон (29) за уште четири години.

Гордон, кој имаше договор со Денвер до лето 2025 година, ќе инкасира 133 милиони долари во периодот од 2025 до 2029 година, додека во сезоната 2024/25. неговата плата ќе изнесува 23 милиони долари.

Во сезоната 2022/23 во која Денвер ја освои шампионската титула, Гордон во лигашкиот дел просечно бележеше 16,3 поени, 6,6 скокови и 3,0 асистенции и 13,3 поени, 6,0 скока и 2,6 асистенции во плејофот, додека минатата сезона имаше просек од 13,9 поени, 6,5 скокови и 3,5 асистенции во лигашкиот дел, и 14. 7,3 скокови и 4,4 асистенции во плеј-офот.

Продолжувањето на договори со своите клубови за сума над 100 милиони долари потпишаа и Џејлен Сагс со Орландо Џејлен Џонсон со Атланта и Џејлен Грин со Хјустон. /MИА

притисни ентер