Свет

Европската Унија ќе ја засили депортацијата на имигранти- почнува лидерскиот самит во Брисел

Претседателката на Европската комисија, Урсула фон дер Лајен изјави дека Европската унија може да „научи поуки“ од спорниот италијански закон за обработка на мигранти, кој се врши надвор од нејзината територија, во Албанија.

Изјавата на претседателката на Европската комисија уследи пред дводневниот самит на лидерите на ЕУ што денеска почнува во Брисел, објави Би-Би-Си.

Таа во писмото до земјите-членки наведе дека Европската комисија ќе претстави нов законски предлог за зголемување на депортацијата на мигрантите.

Фон дер Лајен, која неодамна го започна својот втор петгодишен мандат како претседателка на Европската комисија, очигледно реагираше на притисокот што доаѓа од цела Европа во врска со миграцијата.

Во своето писмо таа наведува дека стапката на враќање на мигрантите од земјите на ЕУ во моментов е само околу 20 отсто, што значи дека огромното мнозинство луѓе на кои им е наредено да ја напуштат земја-членка на ЕУ не го прават тоа.

„Многумина едноставно остануваат или се преселуваат во друга земја во блокот“, рече таа и продолжи:

„Земјите-членки треба да ги признаат одлуките донесени од другите земји на ЕУ за да се осигураат дека мигрантите кои имаат одлука за враќање во една земја не можат да ги искористат дупките во системот за да избегнат враќање.“

Нејзините коментари доаѓаат кога Италија го започнува својот долгоочекуван план да испрати некои од мигрантите спасени во Медитеранот во специјални центри во Албанија додека се обработуваат нивните барања за азил.

Претходно оваа недела, 16 мажи од Бангладеш и Египет беа префрлени од мигрантски центар на островот Лампедуза во близина на Сицилија во еден од двата специјално изградени центри на албанскиот брег, каде што ќе се испитаат нивните барања за азил.

Овие центри, кои чинат околу 650 милиони евра, требаше да се отворат минатата пролет, но се соочија со долги одложувања. Тие се платени од италијанската влада и ќе бидат во функција според италијанскиот закон.

Тие ќе ги сместат мигрантите додека Италија ги испитува нивните барања за азил. Од овој план ќе бидат исклучени бремените жени, децата и ранливите лица. Политичките противници на десничарската италијанска премиерка Џорџија Мелони, како и неколку невладини организации, го критикуваа италијанскиот договор со Албанија.

Рикардо Маџи, член на левичарската партија „Европа плус“, рече дека планот за Албанија е „суров, бескорисен и скап“, додека невладината организација Лекари без граници рече дека „може да резултира со дополнителна штета и кршење на човековите права. “.

Сепак, говорејќи пред пратениците во вторникот, премиерката Мелони тврдеше дека планот е „нов, храбар и невиден пат“ кој „совршено го одразува европскиот дух“.

Имплементацијата и резултатите од договорот со Албанија ќе бидат внимателно следени од многу земји-членки на ЕУ, од кои неколку веќе се обидоа да се спротивстават на зголемувањето на поддршката за екстремно десничарските партии со заострување на нивната реторика и пристап кон миграцијата.

Само во изминатите неколку недели, Германија повторно ги воведе граничните контроли, француската влада рече дека ќе размисли за заострување на имиграциското законодавство, додека Полска ги објави плановите за привремено суспендирање на правата за азил за луѓето што ја преминуваат границата.

Полскиот премиер Доналд Туск рече дека контроверзниот потег има за цел да ја спречи Белорусија да ја „дестабилизира“ Полска со тоа што ќе дозволи голем број мигранти да ја преминат границата.

Во Франција и Германија, страшните убиства од страна на баратели на азил предизвикаа повици за построги мерки за имиграција. Сириски барател на азил со нож уби три лица во Солинген, додека марокански државјанин уби студент во близина на Париз.

Во двата случаи, убиствата ги извршиле мажи на кои им биле издадени наредби за протерување кои не биле извршени. Минатиот месец, 15 земји-членки потпишаа предлог на Австрија и Холандија за подобрување на „ефикасноста“ на системот за депортација.

Македонија

Димитриевски: Нашите дипломатски напори треба да продолжат со бранење на националните интереси

„Официјалната бугарска политика кон Македонија не може да се смени, Радев не е пилот во Ф-16 туку во МИГ-29“

Војната во Украина ќе заврши, големите сили повторно ќе седнат на маса и ќе соработуваат, ЕУ и натаму ќе тежнее онаму каде има наголем пазар.

Ми пречи терминот западен балкан, нашите дипломатски напори треба да продолжат но со бранење на националните интереси.

Неколку пати се обидоа да не понижат, но тоа не го отсликува расположението на бугарската јавност.

ние треба да се обединиме за националните интереси со ставање акцент кон албанската заедница дека тоа е важно за нашите чувства.

За сите граѓани во Бугарија што се чувствуваат како Македонци не се почитуваат пресудите од Стразбур, ние сакаме да бидеме дел од Еу поради што таму е модерниот свет, но ако мора да го поминеме истото што го минавме со Преспанскиот договор, тогаш треба да седнеме и сериозно да размислиме.

Треба да се бара алтернативно решение кое Македонија нема да ја стави во подредена состојба.

Ако се прашуваме како влада не би продолжиле многу работи почнати од претходната влада како што е договорот со Бехтел и енка.

Од Бугарија никогаш не стигна извинување, најмал број жртви во Македонија има од германски фашисти, најмногу се од бугарските фашисти.

Доаѓам во светот на политиката од приватен бизнис, имавме идеја со партнери од регионот, но фирмата не профункционира до ден денеска.

Од земји членки на ЕУ добивам пораки дека треба да работиме на реформите и штом дојде погодно време тоа ќе ни биде дополнителен ветер во грб кога ќе ги почнеме преговорите.

Официјалната бугарска политика кон Македонија не може да се смени, Радев не е пилот во ф-16 туку во миг-29

Свет

Карикатурист доби 23 години затвор во Саудиска Арабија- ги цртал лидерите

Саудиски карикатурист е осуден на повеќе од две децении затвор за политички карикатури кои наводно го навредувале раководството на кралството, соопштија неговата сестра и организација за човекови права.

Случајот на Мохамед ал-Хаза (48) ја зголеми загриженоста за слободата на изразување под престолонаследникот Мохамед бин Салман, бидејќи Саудиска Арабија, најголемиот светски извозник на нафта, се обидува да се отвори за туристите и инвеститорите по долгогодишна изолација.

Таткото на пет деца бил уапсен во февруари 2018 година во Саудиска Арабија за време на „насилна рација“ во која безбедносните сили упаднале во неговиот дом и го демолирале неговото студио, објави лондонската организација за човекови права „Санад“, пренесе „Дејлимејл“.

Според судскиот документ што го видел АФП, обвиненијата против Хаза се однесуваат на „навредливи карикатури“ што ги направил за катарскиот весник Лусаил, како и објави на социјалните мрежи кои наводно биле „непријателски“ кон Саудиска Арабија и во корист на Катар.

Неговото апсење доаѓа помалку од една година откако Саудиска Арабија, заедно со неколку сојузници, ги прекинаа дипломатските односи со Катар, тврдејќи дека Доха ги поддржува екстремистите и одржува премногу блиски врски со Иран, што Катар го негираше.

Овие две земји ги обновија односите во јануари 2021 година. Специјалниот кривичен суд на Саудиска Арабија, основан во 2008 година за да постапува во случаи поврзани со тероризам, првично го осуди Хаза на шест години затвор.

Меѓутоа, оваа година, кога Хаза требаше да биде ослободен, случајот беше повторно отворен и неговата казна е зголемена на 23 години, потврди телефонски за АФП од САД неговата сестра Асрар ал Хаза.

„Беше на чекор до слобода. За малку ќе излезеше од затвор. А потоа, од никаде, случајот беше повторно отворен и казната беше продолжена на 23 години“, рече таа.

Саудиските власти не одговориле веднаш на барањето за коментар за случајот.

Хаза најмногу работел за весникот Лусаил пред бојкотот во 2017 година и повеќето од неговите карикатури биле посветени на внатрешните прашања на Катар. Обвинителството не обезбедило докази за карикатури кои би биле навредливи за Саудиска Арабија, ниту за објави на социјалните мрежи кои би го поддржале Катар за време на бојкотот.

Под раководство на престолонаследникот Мохамед бин Салман, Саудиска Арабија се соочи со критики од активисти за сузбивање дури и на најблагите форми на онлајн критика.

Според организациите за човекови права „Амнести интернешенел“ и „АЛКСТ“, во изминатите две години, судовите во Саудиска Арабија „осудија десетици лица на долги затворски казни за изразување на своето мислење на социјалните мрежи“.

Пресудата на Хази дојде само неколку дена откако на Саудиска Арабија ѝ беше одбиено место во Советот за човекови права на Обединетите нации.

Саудиската влада продолжува да се обидува да ја прикаже земјата како реформирана, истакнувајќи го напредокот во родовата еднаквост и човековите права.

Режимот исто така изрече долги затворски казни на голем број жени, често по тајни судења, откако беа фатени како користат социјални мрежи за да се залагаат за поголеми права и слободи на жените.

Еден од нив, Манахел ал Отаиби (30) е осуден на 11 години затвор за „терористички дејствија“. Оваа саудиска фитнес инструкторка објави пораки за зајакнување на жените на Интернет.

На почетокот на овој месец, Манахел му кажа на своето семејство дека некој ја прободел во лицето со остро пенкало, поради што повредата морало да биде сошиена. Меѓутоа, кога семејството се обидело да го пријави нападот до Комисијата за човекови права на Саудиска Арабија, наводно биле игнорирани.

Сепак, Саудиска Арабија е избрана во март за претседател на комисијата на ОН задолжена за промовирање на родовата еднаквост и зајакнување на жените.

На разочарување на организациите за човекови права ширум светот, претставникот на Саудиска Арабија во ОН, Абдулазиз Алвасил, е избран за претседател на Комисијата за статусот на жените без противење на годишниот состанок на групата во Њујорк.

Свет

Се огласи Нетанјаху по ликвидацијата на лидерот на Хамас: Победи доброто над злото

Бенјамин Нетанјаху, израелскиот премиер, вели дека злото „претрпело тежок удар“, но предупреди дека задачата на Израел „не завршил“.

Во изјавата по потврдената смрт на Јахја Синвар, израелскиот премиер рече дека Израел го направил „тоа што ветивме дека ќе го направиме“ со убиството на лидерот на Хамас.

„Денес злото претрпе тежок удар, но задачата пред нас се уште не е завршена“, рече тој.

Обраќајќи им се на семејствата на заложниците, Нетанјаху рече дека тоа е „важен момент во војната“.

„Ќе продолжиме со сите сили до враќањето дома на сите ваши најблиски, кои се наши сакани“, рече тој, нарекувајќи го тоа своја „најголема посветеност“.

Тој исто така имаше порака до жителите на Газа, велејќи: „Синвар ви го уништи животот. Ви кажа дека е лав, но всушност се криеше во мрачно дувло – и беше убиен кога панично бегаше од нашите војници“.

Тој ја нарече смртта на Синвар „важна одредница во падот на злобното владеење на Хамас“.

Израелскиот премиер вети дека Хамас „повеќе нема да владее со Газа“, а убиството на Синвар е „почеток на крајот на Хамас“.

Тој, исто така, инсистираше на тоа дека преостанатите лидери на Хамас ќе бидат „елиминирани“.

Нетанјаху рече дека светлината преовладува над темнината во Газа, Бејрут и на целиот Блиски Исток. Тој рече дека регионот сега има можност да ја запре „оската на злото“ и да создаде „иднина на мир“ и „просперитет“.

„Денеска повторно разјаснивме што се случува со оние кои нè повредија. Денеска уште еднаш му ја покажавме на светот победата на доброто над злото“, рече израелскиот лидер.

притисни ентер