Ова привлекува изобилство во вашиот дом.
Според законите на Фенг шуи, сликите во домот можат да донесат финансиска благосостојба во животот на поединецот. Енергијата „Чи“ ќе почне да циркулира во вистинската насока и ќе работи во корист на домаќинот. Еве неколку стручни совети како да имате финансиска среќа со помош на слики. Станува збор за фотографии со риби, феникс, бродови, мртва природа и цртежи со стебла.
Стручњаците препорачуваат да обрнете внимание на сликите со риби, а нивниот број треба да биде непарен. Во идеална ситуација, би требало да имате девет слики со риби. Оваа бројка не е случајно избрана, бидејќи оваа година започна „ерата на деветтиот период“, а бројот 9 се смета за најмоќен, особено во полето на парите.
Сликата со феникс може да му помогне на поединецот да ги постигне своите цели. Феникс, птица што се издигнува од пепелта, го симболизира збогувањето со претходната далечна ера и отворањето на портите кон нови страници. Црвената птица се смета за носител на среќа и богатство, и се препорачува во домот да не се занемарува нејзиниот дизајн.
Сликите на бродови исто така имаат посебна улога во привлекувањето на финансиски просперитет. Важно е сликите да прикажуваат луксузни бродови, а клучно е правилно да бидат поставени на ѕидот. Експертите посочуваат дека е важно бродот да биде поставен така што крмата нема да биде свртена кон прозорецот, за бродот да „доплови“ во домот, а не да отплови заедно со парите преку отворениот прозорец.
Оваа слика треба да стои во кујната
Сликите со мртва природа исто така може да помогнат во привлекувањето на богатство во домот. Особено се препорачува сликите со мртва природа да бидат закачени во кујната или во дневната соба, бидејќи тие имаат моќ да привлечат богатство во семејството. Исто така, експертите препорачуваат цртежи со стебла од портокал и мандарина, и истакнуваат дека поставувањето на овие цртежи во одредени делови од домот, како на пример, југоисточниот дел од дневната соба, трпезаријата или кујната, може да привлече богатство и безгрижен живот.
Според стручњаците по Фенг шуи, со комбинирање на овие елементи, секој поединец може да има прилив на позитивна енергија и финансиска среќа во својот дом.