Откако се повлекол од бизнисот, истетовираниот Италијанец ги воодушеви социјалните мрежи кога со својата партнерка заигра на јахта.
Оттогаш доби преку 11 милиони следбеници на Инстаграм, а со нив секојдневно го споделува привилегираниот начин на живот – авиони, јахти, брзи коли и неверојатен вкус за мода.
Екипата на „Бизнис Инсајдер“ направила интервју со педесетгодишниот Ваки, кога слетал во Италија, каде бил за да ја посети својата мајка за Божик. И покрај славата која ја стекнал имал многу филозофски одговор на прашањето за тоа што мисли за социјалните “инфлуенсери“, откривајќи дека дури ни самиот не сака да се сфати сериозно.
Така Џанлука сфати дека неговиот живот се дели на два дела – првиот, кој траел до 45 година и кој го нарекува “работен живот“.
„На 45 години сфатив дека немам што повеќе да дадам. Не ме интересира собирањето пари, сакам да ги поместам границите на својата љубопитност“ – изјавил тој.
Со семејниот бизнис почнал да се занимава на 25 години, откако завршил студии по економија. Заедно со својата роднина, реконструирал една стара семејна компанија и започнал со нејзино раководење. На 29 години одлучил да стане акционер, па така купувал и продавал компании во различни сектори, а како што изјави бил присутен во 12 различни дејност во исто време.
Иако во моментот не управува со ниту една компанија, себе си се уште се смета за бизнисмен и акционер. И понатаму е сопственик на компанијата IMA која произведува машини за пакување на фармацевтска опрема и други производи.
Тоа што навистина почнало да го интересира се социјалните мрежи.
„Не сум остарел толку многу да не ме интересира начинот на кои младите луѓе разговараат, но и се забавуваат“ – изјави и додаде дека брзо сфатил дека сака да биде дел од тоа. Па, така освен бизнисмен стана и ѕвезда.
За својата физичка состојба води многу грижа, па така секојдневно вежба но и танцува!
„Танцувањето е голем дел од мојот живот. Никогаш не сум отишол на час за танцување. Тоа е во мојата крв“ – изјавил и додал дека танцот ја отсликува другата страна од филозофијата на која го базира својот начин на живот и ги привлекува луѓето.