Живот

Едноставен трик на професионалците за да се ослободите од миризбата на пржен кромид

Динстањето кромид е еден од основните чекори при приготвувањето на многу јадења, а неговиот тежок и специфичен мирис се шири низ целиот дом.

Во светските кулинарски кругови постојат вистински мајстори кои со особено внимание пржат кромид и користат трикови за драстично подобрување на вкусот, текстурата и мирисот на овој едноставен зеленчук. Еден од најпознатите трикови доаѓа од познатиот готвач Гордон Ремзи.

Тајната што ја користат најдобрите готвачи

Гордон Ремзи е познат по својата прецизност и иновативност во кујната, тој користи специјална комбинација на состојки при динстањето кромид - сода бикарбона и шеќер. Овој трик помага кромидот побргу да стане сочен, а воедно и побргу и порамномерно да се испржи. Со додавање на малку сода бикарбона, кромидот побрзо ја апсорбира течноста, овозможувајќи побогат, поинтензивен вкус. Шеќерот помага да се карамелизира, давајќи му на кромидот благ, сладок вкус кој совршено се комбинира со различни чорби и сосови.

Она што е особено важно за овој трик е фактот дека содата бикарбона влијае на текстурата на кромидот, правејќи го помек и полесен за варење.

Исто така, овој метод може да биде корисен ако приготвувате јадења за кои е потребна густа основа, на пример, запршка или приготвувате чорба, бидејќи динстаниот кромид со содата ја добива саканата густина без да мора дополнително да правите запршка.

Го нема непријатниот мирис при динстање на кромидот

Еден од најголемите проблеми кога се динста кромидот дома е неговиот мирис. Ослободувањето на сулфур при термичка обработка на кромидот може да предизвика непријатен мирис кој се шири низ целиот дом. Готвачите во елитните ресторани многу добро знаат дека тоа е нешто што може да им ја расипе атмосферата на гостите, па затоа го користат методот со сода бикарбона и шеќер. Оваа комбинација не само што го забрзува процесот на крчкање, туку и го намалува испуштањето на сулфурни гасови, што значи дека вашиот дом ќе биде без непријатниот мирис.

Овие совети не се корисни само кога готвите дома, туку се стандардни во професионалните кујни. Исто така, пржењето кромид со сода бикарбона овозможува побрзо и поефикасно приготвување на храната, што е клучно во средина која се занимава со голем број нарачки за краток временски период.

Македонија

Утрово најстудено во Берово, најтопло во Гевгелија, Крушево и Виница

Најниска температура од минус три степени утрово е измерена во Берово, а највисока од 4 Гевгелија, Крушево и Виница.

УХМР информира дека -3 степени се измерени во Берово, -1 Тетово, Битола, 0 Скопје-Петровец, Прилеп, Велес, Струмица, 1 Крива Паланка, Демир Капија, Куманово, Лазарополе, 2 Скопје-Зајчев Рид, Штип, Кавадарци, Маврови Анови, Попова Шапка, а 3 степени во Охрид и Претор.

Во текот на ноќта времето било ведро со мала до умерена облачност. Утрово е променливо облачно со сончеви периоди. Во Скопската Котлина има појава на магла, а во долниот тек на Повардарието ниска облачност. Дува слаб променлив ветер.

Времето претпладне ќе биде променливо облачно со сончеви периоди. По одделни котлини со појава на магла или ниска облачност. Во текот на денот ќе биде сончево со мала до умерена облачност. Ќе дува слаб до умерен јужен ветер. Максималната температура ќе достигне од 8 до 14 степени.

Во Скопје претпладне во делови од котлината има појава на магла. Преку денот ќе биде променливо облачно и тивко. Максималната температура ќе достигне до 11 степени.

Македонија

Без вода дел објектот на Министерството за финансии и дел од корисниците од ул. „Даме Груев“

Поради уличен дефект ф-150мм на ул. „Даме Груев“ бб (пред Министерство за Финансии), денеска прекинато водоснабдување ќе имаат корисниците на дел од истата улица, вклучително и објектот на Министерството.

Како што информираат од ЈП „Водовод и канализација“ водоснабдувањето ќе биде прекинато од 09:30 часот до завршување со санација на дефектот. Исто така, дел од коловозот ќе биде затворен за сообраќај.

Свет

Германски разузнавач: НАТО може да го активира членот 5 поради руска саботажа

Руската саботажа на западни цели на крајот може да го поттикне НАТО да размисли за повикување на клаузулата за заемна одбрана од членот 5 на Алијансата, изјави синоќа шефот на германската служба за надворешно разузнавање (БНД).

Говорејќи на настанот на тинк-тенк DGAP во Берлин, директорот на БНД, Бруно Кал, рече дека очекува Москва дополнително да ја засили својата хибридна војна.

„Широката употреба на хибридни мерки кон кои прибегнува Русија го зголемува ризикот НАТО на крајот да размисли за повикување на клаузулата за заемна одбрана од член 5“, посочи тој.

„Истовремено, зголемувањето на рускиот воен потенцијал значи дека директен воен конфликт со НАТО станува една од можните опции за Кремљ“.

Според член 5, доколку е нападната членка на НАТО, другите членки на алијансата се должни да и помогнат да одговори.

„Ако Русија нападне еден или повеќе од своите сојузници во НАТО, нема да го стори тоа за да приграби огромни делови од земјата“, рече Кал, туку повеќе да ги тестира црвените линии поставени од Западот за да го порази западното единство и НАТО како одбранбен сојуз.

„Се уште немаме никакви индикации дека Русија има намера да влезе во војна, но ако таквите чувства надвладеат во владата во Москва, тогаш ризикот од воен конфликт ќе се зголеми во наредните години“, вели тој.

притисни ентер