Еден доктор кој на Тик Ток се претставува како [email protected] вели дека повеќето луѓе го користат спрејот за нос сосема погрешно. Тие ќе го вметнат апликаторот во ноздрата и ќе притиснат, а така лекот завршува во горните носни канали од каде истекува како последица на гравитацијата пред да почне да делува.
Покрај тоа, повеќето луѓе ја навалуваат главата наназад за време на нанесувањето, што исто така е погрешно, бидејќи синусите се на страна, под окото, а не горе. Наместо тоа, овој лекар препорачува да ја спуштите брадата и да го свртете апликаторот на страна, така што спрејот би доспеал до синусните канали. На овој начин, спрејот ќе се задржи во каналите и ќе имате доволно време да делува.
Лекарот кажа и кои три знаци укажуваат на тоа дека не сте го нанеле правилно спрејот.
-спрејот или лекот не делуваат
-имате назална иритација што може да доведе до крварење
-го чувствувате спрејот во устата
Според него, не вдишувајте длабоко по нанесувањето бидејќи течноста ќе ви се слее во грлото и ќе го проголтате лекот. Наместо тоа, вдишувајте кратко за лекот да се задржи во синусните канали.
Дозирана употреба
Како што предупредија лекарите, оптималната употреба на спреј за нос е помеѓу три и четири дена, најмногу седум дена. Сè што е надвор од овој период може да доведе до медикаментозен ринитис и наместо заздравување, се јавуваат контра-ефект, кога поголемите дози од спрејот предизвикуваат несакана реакција.
Затоа е важно спрејот за нос да се користи дозирано, а за запушен нос да се применуваат алтернативни методи, како што е инхалација или испирање со солен раствор.
Исто така, треба да се грижите за составот на спрејот поради неговата комбинација со други лекови што ги користите, што може да предизвика несакани ефекти. Затоа, консултирајте се со вашиот фармацевт пред да го купите спрејот и проверете со него дали можете да го користите со редовната терапија пропишана од вашиот лекар.