Ѕвезда на НФЛ во рок од пет месеци добил три деца од три жени, ниедна не му е сопруга

Член на НФЛ клубот Мајами Долфинс, Тајрик Хил, се најде во центарот на вниманието на светските медиуми откако за пет месеци стана татко со три различни жени, од кои ниту една не му е сопруга.

Имено, Хил добил тужби за татковство од две различни жени кои тврдат дека децата родени во февруари и мај се негови, а од него бараат издршка. Во меѓувреме, третата жена, Камил Валмон, изјавила за Дејли Меил дека нејзиниот син, кој е роден во април, исто така е на Хил.

Таа, исто така, го именувала по неговиот татко, Тајрик Д'Шон Хил Џуниор, но таа не била критична кон играчот на НФЛ, за разлика од другите две жени. „Не можам да зборувам за ништо друго што се случува надвор од нашиот родителски однос бидејќи тоа едноставно не е моја работа. Она што можам да го кажам, сепак, е дека тој е одличен татко, не само за нашиот син, туку и за сите негови деца. “, рече Валмон.

Жената, која се породила во февруари, рече дека пренаталниот тест за татковство утврдил дека Хил е татко на нејзиното дете со поголема од 99,9 отсто веројатност, а тој доброволно ѝ понудил да и плаќа 2.500 долари месечно како издршка.

Сепак, таа ја опиша сумата како „ужасно несоодветна“ со оглед на неговата плата, додека другата тврди дека добивала 2.500 долари од Хил секој месец, но рече дека грижата за детето чинела близу 10.000 долари. Хил има договор вреден 12,8 милиони долари годишно со Мајами Делфинс.

Инаку, ѕвездата на НФЛ веќе има три деца од претходната врска со поранешната свршеница Кристал Еспинал, додека минатиот месец се ожени со долгогодишната партнерка Кита Вакаро.

УНЕСКО: Убиени се 44 новинари, кои известувале за еколошките проблеми

Новинарите кои известуваат за еколошки прашања се соочуваат со зголемено насилство ширум светот од страна на државните и приватните актери, објави УНЕСКО, истакнувајќи дека 44 од тие новинари биле убиени меѓу 2009 и 2023 година.

Повеќе од 70 отсто од 905 новинари анкетирани од агенцијата на ОН во 129 земји рекле дека биле нападнати, им биле упатени закани или притисоци и дека насилството врз нив се влошило, а само во последните пет години биле пријавени 305 напади.

УНЕСКО, културната агенција на ОН, во својот извештај извести за физички напади, повреди, апсења и малтретирање, како и правни дејствија против новинари, вклучувајќи тужби за клевета и кривични постапки.

Најмалку 749 новинари, новинарски групи и медиумски куќи биле нападнати во 89 земји во сите региони, се вели во извештајот, при што државните актери се одговорни за најмалку половина, а приватните актери најмалку за една четвртина.

„Државните актери, полицијата, воените сили, државните службеници и вработени, локалните власти се одговорни за повеќето напади за кои се достапни информации за сторителите“, се вели во извештајот.

Овие новинари покриваа широк спектар на теми, вклучувајќи протести, конфликти за рударство и земјиште, сеча и уништување на шумите, екстремни временски услови, загадување и еколошка штета и индустријата за фосилни горива.

Мажите обично се почесто напаѓани, а жените почесто дигитално, се вели во извештајот.

Од 44 новинари убиени во 15 земји додека известувале за еколошки прашања, само пет случаи резултирале со пресуди, се вели во извештајот. Во 19 од 44 убиства, сторителите останале неидентификувани.

Најмалку 24 новинари ги преживеале обидите за атентат.

Санкционирани 100 возачи во Скопје, 14 возеле без возачка дозвола

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки.

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење и пет санкции за некористење сигурносен појас.

-Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР.

Демократски сојуз: Мандат за состав на влада добива кандидатот на партијата која има мнозинство

Демократскиот сојуз ги потсетува партиите, посебно ДУИ, но и сите граѓани, дека соглано член 99 од  Уставот на Република Македонија, мандат за состав на Влада добива кандидатот на партијата/ партиите кои имаат мнозинство (најмалку 61 пратеник).

Влада ја избира Парламентот со мнозинство гласови од 120-те пратеници. Мнозинство се 61 пратеник.

За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса.

Се работи за класична манипулација или непознавање на политичкиот систем и Уставните решенија за избор на Влада.

Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.

Наводната проевропска партија "ги отвори вратите на ЕУ", при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади албанци.

Сите партии се изјаснија дека по изборите нема да коалицираат со ДУИ.

Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ.

Демократски сојуз

притисни ентер