Македонија

ДКСК оформи предмет за Коцевски и Адеми

Анонимен граѓанин поднел претставка до Антикоупциска со која бара утврдување на дали има конфликт на интереси.

Антикорупционерите оформиле предмет по претставка на анонимен граѓанин со која бара да утврдат дали има судир на интереси бидејќи републичкиот јавен обвинител Љупчо Коцевски и претседателката на Врховниот суд Беса Адеми истовремено се и членови на управниот одбор на Академијата за судии и јавни обвинители и дека за истото примаат надоместок од државниот буџет. Ова за Канал 5 го потврди претседателката на ДКСК Татјана Димитровска која рече дека постапувањето е отпочнато и по утврдување на фактичката состојба тие ќе донесат одлука.

„Пристигната е претставка од анонимен подноситле со навоид дека јорм и Претсеателот на Врховен суд истоврмеено се и членови на управниот одбор на академијата за судии јавни обвинители. Претставката се однесува на претседател на Врховен суд и ЈО на државата дека истовремено се и членови на УО на академијата, за кое што вршење и члнови на уо на академија примаат и паричен надоместок од државата.“

За ова Канал 5 ги контактираше и Коцевски и Адеми. Републичкиот обвинител во писмен одговор вели дека тој бил номиниран за член во управниот одбор од неговиот претходник Љубомир Јовески кон крајот на ноември минатата година, поради заминување во пензија на друг јавен обвинител и дека неговиот мандат во управниот одбор истекува за неколку дена. Тој не гледа ништо спорно во тоа што е дел од ова тело.

„ Мојата номинација и извршување на функцијата се целосно согласно Законот за АСЈО, каде конкретно е наведено дека членовите на УО треба да бидат судии и јавни обвинители. Дека членувањето во ова тело на Академијата не може да биде конфликт на интерес укажува и фактот што во УО членуваат и други вршители на високи функции во правосудството – Претседател на Врховниот суд, на Советот на јавните обвинители и сл. “

Од канцеларијата за односи со јавност на претседателката на Врховен, во одговор за Канал 5 велат дека без да навлегуваат во мотивите за поднесување на претставката, која велат дека не е доставена до нив, ниту пак можат да ја потврдат укажуваат дека ниту законот за судовите, ниту во законот за Академијата нема пречки претседател на суд да биде член на управниот одбор, бидејќи според закон таму членувале судии, членови на судскиот совет и советот на јо па и претседатели на судови.

„ Целта на ваквото законско решение е да обезбеди репрезентативност на судството и обвинителството во органот на управување на Академијата. Оттука, претседателот на Врховниот суд, согласно законските надлежности е предложен од Општата седница на Врховниот суд, поаѓајќи од резултатите во работењето и придонесот за судството.“

Оваа претставка доаѓа во период кога во јавноста името на државниот обвинител Коцевски се споменува за наводно вршење на притисок врз скопското вишо обвинителство преку мешање во предмет поврзан со бонусите на СЈО, за што од Советот на јавните обвинители информираа дека веќе добиле известување од вишиот јавен обвинител Мустафа Хајрулахи.

Автомобилизам

Милионска сообраќајка: Два Бугати Хирона се судрија на собир на возачи во Мароко (ВИДЕО)

Мате Римац, основач на Rimac Automobili и извршен директор на Bugatti Rimac, веќе неколку дена објавува приказни од Мароко на Инстаграм од настанот Bugatti Grand Tour Morocco 2024.

За време на настанот дошло до тешка сообраќајна несреќа во која учествувале два модели на Chiron вредни околу пет милиони евра и камион, а моментот на судирот при престигнување го снимил возачот на автобусот со кого се разминале на патот, пренесува Автоклуб.

Инцидентот се случил во понеделникот, на 21 октомври, на главниот пат што ги поврзува градовите Тангер и Тетуан кога возачот на сребрениот Chiron Super Sport се обидел да престигне бел Chiron напред и камион на тесен пат.

Во исто време, возачот на белиот Chiron Pur Sport почнува да го престигнува камионот... По судирот, сребрениот Chiron Super Sport драматично се ротира и завршува во ендек, белиот Chiron Pur Sport некако остана на патот, а камионот се превртел на страна избегнувајќи го.

Фотографии од последиците се споделени од локалната Tanjaoui.ma, покажувајќи ја големината на штетата. Патниците во Бугатито, наводно, поминале без повреди, но состојбата на возачот на камионот, сепак, се уште не е позната.

На настанот имало 12 хиперавтомобили, вклучувајќи примероци на Veyron Vitesse, Chiron, Chiron Pur Sport, Chiron Super Sport и Chiron Super Sport 300+, сите со W16 мотори од 1500+ коњски сили.

Свет

Најмалку еден загинат кога патнички воз излета од шините во Норвешка

Најмалку едно лице загинало, а четири се повредени кога воз што сообраќал долж северниот брег на Норвешка излетал од шините со најмалку 50 патници, објавија норвешките медиуми.

Според првичните информации, на местото на настанот се пронајдени лица со полесни повреди, објави Индипендент.

Железничкиот оператор СЈ изјави дека биле продадени 90 билети за возот, но не можеле веднаш да кажат колку луѓе имало во него.

Портпаролот на полицијата Кенет Лауритсен за весникот Дагбладет изјави дека едно лице загинало во излетувањето од шините. Повредени се пет-шест лица. Полицијата претходно изјави за норвешката новинска агенција NTB дека на местото на настанот биле пронајдени луѓе со полесни повреди. Тие биле предупредени за излетување од шините во 12.38 часот по Гринич.

Полицијата изјави за NTB дека лизгање на карпа најверојатно го предизвикало излетувањето од шините. Весникот VG објави фотографија од огромна карпа на пругата која удрила во вагон.

Арктичкиот експрес бил на пат од Трондхајм кон северниот град Бодое. NTB, цитирајќи го Заедничкиот координативен центар за спасување за северна Норвешка, рече дека во возот имало „од 50 до 70 луѓе“.

„Мислиме дека сите патници се надвор. Но, ние двапати го проверуваме возот бидејќи немаме список на патници“, изјави портпаролот на полицијата Бент Аре Ајлертсен за норвешката телевизија ТВ 2.

Еден од патниците, Ингварт Странд Молстер, изјави за норвешката телевизија NRK дека „карпа удрила во возот“.

Странд Молстер рече дека никој во неговиот вагон не бил повреден, со исклучок на едно лице кое претрпело полесна повреда на глуждот. Друг патник изјавил за локалниот весник Ависа Нордланд дека луѓето биле евакуирани низ прозорците.

НРК објави видео од возот што излетал од шините, удирајќи низ дрвја и надолу кон патот, кој бил затворен за сообраќај поради излетувањето од шините.

Фотографиите на норвешките медиуми ја покажаа локомотивата и она што изгледало дека се најмалку два патнички автомобили. Излетувањето од шините се случило во близина на Бодое, северно од Арктичкиот круг.

Живот

Кит орка скокнал од базен среде настап, публиката испрскана со измет (ВИДЕО)

Посетителите на водениот парк „SeaWorld“ во Сан Антонио доживеале непријатност за време на настапот на китот орка, а видеото се појавило на интернет.

На почетокот го гледаме китот убиец како се олеснува во базенот, а збунетите деца ја прашуваат мајка си: „Дали таа кака?“.

Орка продолжила да плива во заградениот простор, а потоа решила да скокне.

Посетителите кои биле најблиску до базенот ги попрскала со кафена вода! Тие биле шокирани кога сфатиле што се случило, пренесува New York Post.

„Не очекувавме дека ќе го направи ова. Беше ненадејно“, напишал авторот.

Бројни корисници на шега реагираа по објавувањето на видеото кое за краток период „собра“ повеќе од 470.000 прегледи.

Имаше и такви кои веруваа дека се работи за „одмазда“ на китот убиец.

„Ова е упатено до сите кои поддржуваат фаќање животни“, напиша едно лице.

„Ова изгледа како да е лично“, додаде друг.

притисни ентер