Технологија

Џон Мекфол се надева дека ќе биде првиот астронаут со инвалидитет

Кога Џон Мекфол видел оглас за работа на астронаут, веднаш се пријавил.

Три години подоцна, Мекфол е на пат да стане првиот инвалид астронаут по повеќе од 60 години истражување на вселената, пишува Гардијан.

Откако ја загубил десната нога во несреќа со мотор кога имал 19 години, станал параолимписки спринтер и освоил бронзен медал во Пекинг. Подоцна станал хирург.

Тој поминал низ шест фази од напорниот процес на селекција во АВРМ - од повеќечасовни психомоторни тестови до интервјуа со комисии. Во 2022 година, ЕСА објавила дека ќе им се придружи во поместувањето на границите на истражувањето на вселената со учество во повеќегодишна истрага за тоа дали лице со физичка попреченост може да живее и работи во вселената.

Нема гаранција дека 43-годишниот Мекфол ќе замине во вселената. ЕСА систематски проверува дали ги исполнува условите за шестмесечна мисија на Меѓународната вселенска станица (ISS).

Бидејќи вселенските операции се наменети за физички способни луѓе, тестовите испитуваат како Мекфол би се движи и одржувал стабилност во услови на микрогравитација и како условите во вселената би влијаеле на неговата протеза.

Досега, сите знаци укажуваат дека патувањето во вселената е изводливо за Мекфол, што дава надеж дека тој - или некој со слична попреченост - би можел да биде обучен за идна мисија. Иако наодите на ESA се специфични за Мекфол, дел од проектот е да им овозможи на другите луѓе - со слични или различни попречености - да го следат неговиот пат.

„Го менуваме наративот околу физичката попреченост и тоа започнува дискусија и ја разбива стигмата“, вели Мекфол.

Таа дискусија го вклучува прашањето како да се нарече Мекфол. Тој не го прифаќа широко употребуваниот термин „парастронаут“.

„Јас не сум парахирург, јас сум хирург. Јас не сум парадад, јас сум татко“, вели тој и додава дека не е добро да се додаде „пара“ пред она што го прави некој со попреченост. „Тоа создава празнина, која не е потребна.“

Неговиот став укажува на една поширока ситуација во која многу луѓе со попреченост ширум светот се соочуваат со голема дискриминација. Податоците од сите делови на Европската унија покажуваат дека луѓето со попреченост се со поголема веројатност да бидат невработени и да живеат под прагот на сиромаштија.

Со предизвикување на перцепцијата на луѓето за тоа како изгледа астронаутот, Мекфол се надева дека малку ќе ги подобри работите: „Ова е можност да се создадат повеќе можности за лицата со попреченост во различни професионални области“.

„Мојата работа е да се осигурам дека луѓето имаат сеопфатна и информирана дефиниција за попреченост. Ова не е за инвалидитет од 1950-тите, 1920-тите“, додаде тој.

Свет

Северна Кореја повторно испрати балони со ѓубре во Јужна Кореја

Северна Кореја денеска по воздушен пат испрати во Јужна Кореја околу 100 балони за ѓубре, втор ден по ред од ваквата провокација, соопшти јужнокорејската армија.

Според новинската агенција Јонхап, началникот на Здружениот Генералштаб соопшти дека околу 60 товари со отпад биле откриени околу делови од Сеул и провинцијата Ѓеонгги, по последното лансирање кое започнало рано утринава.

Како што е соопштено, товарите се состојат од ѓубре од домаќинство - хартија, најлонски кеси и шишиња, а не се откриени опасни материи.

Од крајот на мај, Северна Кореја испрати повеќе од 5.000 балони преку границата во Јужна Кореја.

Во своето претходно лансирање, Северна Кореја испрати околу 120 балони за ѓубре во понеделникот.

„Ќе одговориме силно, не само на местото на потекло на кампањата, туку и на силите за поддршка и команда. Веруваме дека Северна Кореја ја премина границата во врска со провокациите со балони за ѓубре“, изјави министерот за одбрана Ким Џонг-хјун пред пратениците при неговото излагање на собраниската седница.

Тој им се извини на народот за зголемените непријатности предизвикани од балоните од Северна Кореја, наведувајќи дека армијата ќе го разгледа најдобриот одговор, имајќи ја предвид безбедноста на населението пред сѐ.

Тој го повика парламентот да усвои резолуција со која се осудува кампањата со балони за ѓубре и најави „строги“ воени мерки доколку севернокорејската кампања со балон за ѓубре предизвика сериозна штета на јужнокорејскиот народ.

Како одговор на лансирањето на балони, војската на Јужна Кореја има секојдневни преноси против севернокорејската пропаганда преку звучници долж границата од 21 јули, но се воздржуваат од директно соборување на балоните, повикувајќи се на безбедносни причини.

Регион

„Сите Грци ќе ги собере под една маслинка“- алармантен апел на грчките демографи

Бројот на жители во Грција во последните години драстично се намалува, а нискиот наталитет е проблем со кој земјата ќе се соочи во иднина.

Во 2022 година Грција забележала најмал број раѓања, што е алармантна бројка, за што во иднина мора да се преземат сериозни чекори, објави Хеленик Њуз.

Феноменот на низок наталитет во Грција како и стареењето на населението е факт кој континуирано се развива веќе 35-40 години.

Инаку, Грција е една од земјите со најнизок наталитет во Европа, а во некои села со години нема родени.

Министерството за здравство сега интензивно работи на подигање на свеста за важноста од мерење на индексот на плодност и зачувување на здрави јајце клетки за подоцнежно оплодување.

„Ќе обезбедиме 500 бесплатни прегледи на 40 острови“, нагласи директорот на Грчкото друштво за репродуктивна медицина, Константинос Патулис.

„Веќе четврта година имаме негативен биланс меѓу родените и умрените во нашата земја. Се проценува дека во 2050 година населението на Грција нема да надмине 7,5 милиони“, рече тој.

Директорот на Грчкото здружение за репродуктивна медицина рече дека нема доволно информации за фертилитетот и третмани за неплодност во Грција.

Само една жена од 10 знае дека по 35-тата година резервите на јајце клетки постепено се намалуваат, што го достигнува својот врв по 40-тата година. Шансите жената да забремени по 40-та година се меѓу 30 и 50 проценти, додека во реалноста е меѓу 3 и 5 проценти.

Македонија

Милошоски: Потактични и помудри заради извесност во интегративниот процес

Спасовски: Доколку дојдеме во ситуација Албанија да влезе во ЕУ пред Македонија сигурно ќе се отворат и други прашања кои што ќе ни бидат пречка

Милошоски :

Освен соработливост и конструктивност од опозицијата бараме да не се испраќаат сигнали до официјална Софија и меѓународната јавност дека еден ден уставот би бил сменет само заради чувство на очај. Да бидеме поиздржливи, потактични и помудри за да обезбедиме извесност во интегративниот процес. Одложено дејство на уставните измени не е некој новитет, ако зборуваме за европски модел тоа е проблемот меѓу Словенија и Хрватска кои се договорија за арбитража но и за компромис со поддрша на земјите членки на ЕУ кој ќе биде апликативен кога пристапниот договор на Хрватска за членство во ЕУ ќе се ратификува во Словенскиот парламент. Да почекаме до крај на октомври што ќе одлучат граѓаните на Бугарија на нивните избори.

Спасовски:

Факт е дека имаме застој во евро-интегративниот процес. До сега нема барање за да седнеме да разговараме, најавата има, но се уште нема официјално барање за средба, понуден состанок или затворени седници. Едно е тоа што бара опозицијата, сега е момент за тоа што ќе понуди Владата. Да седнеме и да разговараме, да видиме на кој начин ќе се смени преговарачката рамка. Ад-хок не одбиваме, но да го видиме предлогот. Доколку дојдеме во ситуација Албанија да влезе во ЕУ пред Македонија сигурно ќе се отворат и други прашања кои што ќе ни бидат пречка.