Актерката го промовираше својот филм Ширли, за Ширли Чишолм, кој сега се емитува на Нетфликс, а тоа беше нејзино прво појавување во доцната ноќна емисија на ABC по смртта на нејзиниот син.
Кимел директно не го спомна синот на актерката, Иан Џуниор, кој изврши самоубиство на 26-годишна возраст во јануари 2022 година, но ја допре темата кога ѝ кажа дека е добро да ја види и праша како е. Актерката одговорила дека е добро. „Добро, мило ми е што го слушнав тоа. Знам дека си поминала низ многу изминативе неколку години“, рече Кимел, кој беше видно тажен и емотивен. Водителот и актерката во тој момент се држеа за рака.
Синот на Регина, Иан Александар Џуниор беше нејзиното единствено дете. Таа го имаше со нејзиниот поранешен сопруг, продуцентот Иан Александар, со кого беше во брак од 1997 до 2007 година. „Сега сум поинаква личност отколку што бев на 19-ти јануари. Тагата е патување. Разбирам дека е“, рече актерката оскаровка претходно оваа недела за време на гостувањето во Добро утро Америка.
„Тагата е љубов која нема каде да оди. Сите ние различно се справуваме со неа. Знам дека ми е важно да му оддадам почит на Иан во целост каков е тој, да зборувам за него во сегашноста, бидејќи тој е секогаш со мене, како и радоста и среќата што ни ги дадоа сите“, додаде таа.
Таа исто така рече дека луѓето очекуваат депресијата „да изгледа на одреден начин“. „Тие очекуваат дека ќе изгледа тешко. Го почитувам и го разбирам изборот на Иан. Тој не сакаше повеќе да биде тука, а тоа е тешко за другите луѓе да го прифатат бидејќи не го живееле нашето искуство и не го живееле животот на Иан“,рече ѕвездата на Watchmen.
„Понекогаш чувствувам голема вина. Кога родителот ќе изгуби дете, секогаш се прашувате: „Што можев да направам за да не се случи ова? Знам дека ја делам таа тага со сите, но никој друг не е мајка на Иан, знаете? Само јас. Значи, таа е моја и таа тага никогаш нема да исчезне, секогаш ќе биде со мене“, заклучила таа.