Македонија

ДИК се прогласи за ненадлежна да одлучува за надлежностите на Чулев

Државната изборна комисија се прогласи за ненадлежна за барањето на министерот за внатрешни работи за толкување на членот 46 од Законот за влада поврзани со неговите надлежности, Комисијата го упати до Собранието за решение.

Државната изборна комисија нема право да толкува закони за прашања кои не се поврзани со организирање на изборите – ова е заклучокот на членовите на ДИК кои едногласно го отфрлија и второто барање на министерот за внатрешни работи Наќе Чулев за појаснување околу врзаните потписи на министрите од техничката Влада. За автентично толкување на членови од Законот за Влада, од ДИК велат дека единствен надлежен орган е Собранието.

Од ДИК велат дека се подготвувуваат за претстојните избори да поминат во фер и демократска атмосфера имајќи ги предвид препораките од ЕУ. Деркоски тврди дека избирачкиот список е чист и редовно се ажурира.

Инаку граѓаните можат да проверат на веб-сајтот на Државната изборна комисија дали ги има на Избирачкиот список. Според претседателот на комисијата, бројката од околу милион и 800 илјади гласачи во земјава е реална.

Според договорот од лидерската средба во октомври, Собранието треба да се распушти на 12 февруари и да ги распише изборите за 12 април.

Македонија

ВМРО-ДПМНЕ: ДКСК да покрене постапка против Битиќи

ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче.

По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката.

Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.

ДКСК не смее да чека, да отвори случај и да се отвори постапка и пред другите институции.

Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност.

Време е да ја вратиме државата на народот. Македонија повторно твоја,се наведува во партиското соопштение.

Македонија

Пендаровски со порака по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака:

„Слободата на медиумите е еден од темелите на демократските вредности и е од суштинско значење за демократскиот развој на македонското општество.

Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.

Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање.

На сите медиумски работници им го честитам Светскиот ден на слобода на медиумите.“, соопштуваат од неговиот кабинет.

Македонија

СДСМ: На 8 ми мај граѓаните масовно да излезат на изборите, се одлучува за иднината на државата

Граѓаните треба масовно да излезат на изборите на 8-ми мај и да гласаат. Се одлучува за иднината на државата.

Прашањето е каква држава сакаме да изградиме?

Дали ќе следи уште една лоша реприза од тоталитарното владеење на Груевски и неговата криминална екипа, или заедно со СДСМ ќе имаме слободна, просперитетна и европска иднина.

Изборот е во рацете на граѓаните но тоа може да има сериозни негативни последици кон иднината на Македонија.

СДСМ ги повикува сите граѓани, да излезат на гласање во среда, да го заокружат бројот 1 и да гласаат ЗА, за европска иднина, за европски стандарди и вредности, за држава во која децата ќе сакаат да останат, се наведува во партиското соопштение.