Шоу биз

Дензел Вашингтон размислува да се збогува од актерството (ВИДЕО)

Иако планира наскоро да се пензионира, Дензел Вашингтон во неодамнешното интервју за Empire откри дека Ридли Скот успеал да го наговори да се појави во неговиот Гладијатор II.

Двократниот оскаровец, кој последен пат со Скот соработуваше во 2007 година на филмот Американски гангстер, изјави дека Скот е негова инспирација.

„Ми останаа многу малку филмови кои ме интересираат. Режисерот мора да ме инспирира, а Ридли успеа во тоа“, рекол актерот, пренесува Deadline.

"Нашата прва соработка беше одлична и тука сме повторно. Тој е зафатена личност. Возбуден е за животот и неговиот следен филм. Тој е инспирација. Сите треба да се стремиме да се чувствуваме така на 86 години", додаде тој.

Скот претходно изјави дека долгоочекуваното продолжение на неговиот оскаровски филм од 2000 година е најдоброто нешто што некогаш го направил, пред да појасни: „Една од најдобрите работи. Снимав неколку добри филмови... Полно е со брутална акција“.

Во Гладијатор II, Вашингтон игра поранешен роб кој се бори за превласт во Рим. Тој му помага и на главниот јунак Луциус и му дава совети за гладијаторскиот живот.

Пол Мескал го игра Луциј, внук на поранешниот римски император Маркус Аурелиј, кој живеел во Нумидија со сопругата и децата, но откако Римјаните го принудиле на ропство, тој мора да се бори како гладијатор во Колосеумот.

За време на посетата на Американскиот фестивал на црн филм во јуни оваа година, Вашингтон навести дека се повлекува од актерството за да се фокусира на работата зад камерата. Имено, како режисер и продуцент работеше на филмовите Antwone Fisher, The Great Debaters, Fences и A Journal for Jordan.

„Нештата што се случуваат зад камерата сега ми се исто толку важни како и работите што се случуваат пред камерата“, изјави тогаш актерот. „Мислам дека ќе поминувам се помалку време пред камера.“

Иако наскоро планира да се повлече од актерството, Вашингтон ќе можеме да го видиме во новиот филм во режија на Спајк Ли - криминалистичкиот трилер High and Low, на кој што работи студиото А24.

Свет

Ужас во Швајцарија: Ја задавил сопругата и телото ѝ го сомлел во блендер, вели дека се бранел

Судот во Швајцарија оваа недела одби да го ослободи од притвор Томас (41), кој ја убил сопругата Кристина Јоксимовиќ (38), а потоа со миксер ѝ ги исецкал деловите од телото.

Федералниот суд во Лозана вчера ја отфрли неговата жалба, наведувајќи дека има „конкретни индиции за ментална болест“.

Во март, обвинетиот му признал на државниот обвинител дека ја убил сопругата и мајка на неговите две деца - наводно затоа што пред тоа го нападнала со нож. Тој претходно тврдеше дека Кристина ја нашол мртва и во паника ја распарчил. Но судско-медицинскиот извештај укажува дека не се работело за самоодбрана, пишува швајцарски Блик.

Експертите утврдиле дека Кристина, која своевремено влегла во финалето на изборот за Мис на Швајцарија, била задавена на 13 февруари. Според Sky News, остатоците од нејзиното тело биле пронајдени во куќа во Бининген, во близина на Базел.

Обдукцијата покажала дека по убиството жртвата била распарчена во пералната со пила, нож и ножици. Убиецот потоа исецкал некои делови од телото со блендер и потоа ги растворил во хемикалии.

Во наодите на истрагата се наведува дека Томас по убиството на сопругата покажал недостаток на емпатија и социопатско однесување и се обидел да го прикрие злосторството. Забележано е и дека пред убиството ја задавил сопругата, како што стои во пресудата. Инаку, Кристина ја освоила титулата Мис на северозападна Швајцарија и била финалистка на Мис на Швајцарија во 2008 година.

Во февруари, пријателите на двојката рекоа дека немало индикации за лош брак: „Тие изгледаа како совршено семејство“. Но, други рекле дека парот бил во криза со месеци. Наводно, пред убиството, полицијата интервенирала при расправија поради насилство.

Свет

Страшна несреќа во Мичиген среде бел ден- возачот заврши на покрив, возилото смачкано (ВИДЕО)

Несреќата се случила во градот Сагинау, во американската сојузна држава Мичиген, откако 28-годишен возач изгубил контрола и со камионетот удрил во куќа на раскрсница.

Возилото се запалило, но тоа не е најбизарниот детал. Неименуваниот возач, очигледно замаен, завршил на покрив од семејна куќа.

На социјалните мрежи кружи видео од инцидентот, а јасно е дека возачот лежи неподвижен на покривот. Недолго потоа се освестил, пренесува ABC 12 News.

На местото на настанот пристигнала и противпожарната единица која го изгаснала пожарот, а донесена е и скала за безбедно да го симне човекот од покривот.

Тој е пренесен во болница во критична, но стабилна состојба. Трите лица кои биле во куќата не се повредени.

Полицијата не соопштува детали, вклучително и како се случила несреќата, бидејќи истрагата е во тек.

Свет

На Шведска ќе ѝ требаат најмалку 25 години за го реши проблемот на малолетните криминални банди

Шведска, која до пред десетина години важеше за идилична скандинавска земја, сега е на врвот на листата на членки на ЕУ според стапката на криминал извршен со огнено оружје.

Меѓународните банди сега регрутираат деца, пишува Politico.

На Шведска ќе ѝ требаат најмалку десет години за да го реши проблемот со криминалот на малолетничките банди, изјави министерот за правда.

„Проблемите се секако многу сериозни и ќе биде потребно време за успешно да се смени тој тренд, не само што се однесува до децата“, рече Гунар Стромер, министер за правда.

Шведска е потресена од бран на насилство од банди во последниве години, со стапки на криминал со оружје меѓу највисоките во Европската унија. Според официјалните податоци, во 2022 година во Шведска биле убиени 62 лица, а во 2023 година бројот на жртви бил 54.

„За да се осигураме дека децата што растат во Шведска не запаѓаат во криминал, потребна е најмалку една деценија. Тоа е многу реален поглед на временската перспектива“, рече Стромер.

Криминалот на бандите и миграцијата станаа жешки прашања во Шведска, што ја доведе крајната десница до изборен успех. Најголем дел од злосторствата се извршени од меѓународно поврзани банди кои регрутираат деца во своите редови.

Минатиот септември, откако една 25-годишна жена беше убиена во напад на банди, премиерот Улф Кристерсон во ретко телевизиско обраќање вети дека ќе ги „лови бандите“. Претходно оваа година, шведскиот парламент ја овласти полицијата да воспостави таканаречени безбедносни зони, дозволувајќи им да пребарува одредени области без налог или само со причина.

Стромер рече дека владата исто така ги заострува казните за младите престапници.

„Постои постојан ризик од спирала на ново насилство што клокоти под површината“, предупреди тој.

притисни ентер