Откако последниот „ТТ“ беше произведен во ноември 2023 година, вториот спортски „Audi“ ја напушта сцената. Последниот „R8“ излезе од склопувачката лента на локацијата Белингер Хефе во Хајлброн, Германија.
Станува збор за Вегас жолто купе (исто како она на фотографијата), во изведба „Performance quattro“ со надворешен стилски пакет од карбонски влакна и тркала од 20 инчи.
„Audi“ мораше да го продолжи производството на „R8“ за да биде во чекор со порастот на нарачките на клиентите по најавата на компанијата дека го гасне суперспортскиот автомобил.
Првично, последниот автомобил требаше да биде произведен на крајот на 2023 година, но тоа се случи дури овој месец.
Минатата година продажбата е зголемена за 49 отсто, достигнувајќи 1.591 единица.
Гледајќи наназад на продажните резултати, побарувачката за „R8“ отсекогаш била ниска, што е разбирливо со оглед на огромната цена и класата на овој автомобил. Својот врв го достигна во 2008 година, кога „Audi“ испорача дури 5.016 примероци на клиентите.
Овие продажни бројки ги вклучуваат варијантите „Coupe“ и „Spyder“.
Крајот на „Audi R8“ значи и дека познатиот „V10“ мотор на „Volkswagen“ групацијата е „со едната нога во гробот“. „Lamborghini“ дефинитивно ќе го прекине сестринскиот автомобил на „Audi R8“, „Huracan“, подоцна оваа година.
Сите возила што ќе бидат завршени годинава се веќе резервирани. Ова практично значи дека повеќе не можете да го нарачате овој суперавтомобил „Lamborghini“ со атмосферски мотор од 5,2 литри.
„Huracan“ постојано беше попопуларен од „R8“, па веројатно затоа само тој „Lamborghini“ ќе добие наследник.
Извор: Б92