Автомобилизам

Дали е ова последниот Bugatti Chiron? (ВИДЕО)

Скоро е невозможно да се избројат сите специјални верзии на Chiron кои се најдоа во колекционерските гаражи во последните години.

Претходникот Veyron имаше бројни специјални верзии, но Chiron е апсолутен рекордер. Продадени се 500 планирани примероци, а последните примероци се комплетираат. Со цел да се одржи возбудата до пристигнувањето на новиот модел најавен за неколку месеци, Bugatti реши да ни претстави уште една специјална изведба.

Тоа е уникатен Chiron Hommage T50S. Тој е заснован на Super Sport, а неговата завршница буди спомени на иконскиот автомобил од историјата. Се разбира, овде не се мисли на T50-ите на Мареј, туку на Type 50S, тркачки автомобил од 1931 година.

Таа година, Bugatti го имаше своето деби на Ле Ман и познатиот француски Circuit de la Sarthe. Шест години подоцна Bugatti триумфираше со друг автомобил, познатиот Type 57G Tank произведен во три примероци.

Овој специјален Chiron Super Sport наликува на својот претходник со истиот модел на предната решетка во облик на потковица со насликано лого „5“. Тркачкиот број се повторува на вратата каде што е рачно обоена во бело за контрастен ефект. Профилот се одликува со графика на Ле Ман од 1931 година пред задните тркала, додека долната страна на активниот заден спојлер го прикажува распоредот на колото на Circuit de la Sarthe. Покрај тоа, капакот на моторот е моделиран по оригиналот.

Поврзаноста со историскиот модел е видлива и во деталите во кабината. Точката на i е стаклениот покрив што носи дополнителни сантиметри простор за главата на возачот. Кој знае, можеби идниот сопственик на автомобилот е личност со натпросечна височина.

Можеби никогаш нема да го дознаеме тоа, ниту цената на автомобилот, но сосема е сигурно дека купувачот треба да изброи најмалку четири милиони евра.


Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер