Македонија

Царовска: За само две години платите во образованието СДСМ ги покачи за 2.150 денари, а ВМРО-ДПМНЕ за 7 години само 850 денари!

ВМРО-ДПМНЕ 11 години ја дробеше државата, земаа од најсирмашните, ги дисркиминираа а денеска не можат ниту конструктивна опозиција да бидат особено кога интересите на граѓаните и покачувањето на платите се во фокусот. 

Во Собранието земаат дневници нивните пратеници не гласаат за покачувањето на минималната и законот за раст на платите. Срамно е тоа однесување, рече потпретседателката на СДСМ, Мила Царовска на вечерашната граѓанска трибина во Охрид.

-Го слушаме денеска Мицкоски, без никаков срам и перде, вели дека покачувањето на платите во образованието од нови 10%, односно покачувањето за вкупно 20% биле трошки кои оваа власт предводена од СДСМ го реализира. Неговата влада, на ВМРО-ДПМНЕ, за 7 години во образованието за само 850 денари обезбедиле покачување на платите а ние од СДСМ за 2,5 години сме ги качиле платите за 2.150 денари!, рече Царовска.

Заеднички со вас, граѓаните ја креиравме програмата со која ја добивме довербата во 2016 година, денес пак заедно со вас правиме пресек што сме оствариле и повторно заедно со вас бараме нови решенија кои го подобруваат животот, заедно ја креираме и новата изборна програма, порача потпретседателката Мила Царовска на граѓанска трибина „На прав пат" во Охрид.

Потпретседателката Царовска направи споредба со неодговороното однесување на опозициската ВМРО-ДПМНЕ која нема идеја, нема програма, нема ниту план а од друга страна е против покачувањето на платите.

-СДСМ ги покачува платите на работниците и го подобрува животниот стандард на граѓаните. Од друга страна ВМРО-ДПМНЕ неделава ги кочи законите кои обезбедуваат раст на минимална плата, поддршка за раст на платите во приватниот сектор. Тие доаѓаат во Собрание земаат плата и дневници а не гласаат за мерки што обезбедуваат повеќе пари кај граѓаните. Тоа е се уште истата матрица со кои 11 години ја крадеа државата. Но залудно, платите ќе продолжат да растат, истакна Царовска.

Шоу биз

Ен Хатавеј доживеа непријатност во студио, водителот ја спаси (ВИДЕО)

41-годишната оскаровка Ен Хатавеј гостуваше во емисијата The Tonight Show на Џими Фалон.

Ен е една од ѕвездите на претстојниот филм The Idea of ​​You, наскоро на Prime Video. Таа ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.

Филмот е заснован на истоимениот роман на Робин Ли од 2017 година. Ен имаше прилично непријатен момент во шоуто кога ја изнесе книгата на Робин и ентузијастички ја праша публиката: „Дали некој овде ја прочитал книгата?“

Одговорот на публиката беше - целосна тишина. Од нејзиниот израз се виде дека е засрамена и шокирана од недоволната реакција на публиката, но Џими Фалон веднаш се вклучи за да ја спаси. Тој рече: „Не, ние тука не читаме“. Таа реченица ја прекина тензијата во студиото, а публиката и Ен се насмеаа.

„Ова е The Tonight Show. Одете кај Стивен Колбер ако сакате да имате луѓе кои читаат книги. Сиромашно. Тука сме на Audible, дали тоа се смета? тој додаде.

Ен беше неверојатно благодарна што Џими ја спаси. Тогаш Џими ѝ рекол на Ен: „Значи, се заснова на книга?“, на што Ен одговорила: „Што е книга?

Непријатниот момент од шоуто се споделува на социјалните мрежи и многумина ја фалат реакцијата на Џими.

„Џими всушност беше одличен домаќин во оваа ситуација“, „Ова е всушност многу паметна шега“, „Фелон целосно ја разбира својата улога во овој момент и ја вади Ен Хатавеј од тишина додека го исмева Стивен Колбер“, се дел од коментарите.

Свет

Осигурителна компанија треба да плати милионска сума по уривањето на мостот во Балтимор

Осигурителната компанија Chubb се подготвува да ѝ плати 350 милиони долари на американската сојузна држава Мериленд за уривањето на мостот Френсис Скот Ки во Балтимор во март, објави денеска Wall Street Journal (WSJ).

Весникот наведува дека исплатата на компензацијата се очекува да биде одобрена за неколку недели, пренесе Ројтерс.

Исплатата од 350 милиони долари би можела да биде првата од многуте за уривањето на мостот, а аналитичарите велат дека инцидентот би можел да ги чини осигурениците 4 милијарди долари, што е рекордна исплата за транспорт.

При уривањето на мостот во Балтимор шест лица загинаа кога товарен брод, кој пловел под знамето на Сингапур, удрил во еден од столбовите на мостот долг 2,4 километри, поради што се урнала целата структура.

Осигурителната компанија Чаб, заедно со државата Мериленд и семејствата на жртвите во несреќата, најверојатно ќе го тужат сопственикот на бродот за да ги надомести загубите поради уривањето на мостот, пишува WSJ.

Македонија

Николоски од Гевгелија: Во исто време се градат 10 спортски игралишта, така ќе продолжиме

Навистина е големо задоволство да се присуствува повторно на отворање на проекти кои што ги реализира општина Гевгелија.

Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот.

По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.

Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.

Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија.


притисни ентер