Други спортови

Бизарен инцидент: Најдобриот шахист е исфрлен од Светското првенство поради - панталоните

Од сите спортови кои моментално се актуелни и популарни во светот, шахот е можеби еден од најтрадиционалните.

Токму оваа доследност со традицијата го погоди најдобриот шахист на сите времиња, Магнус Карлсен.

Имено, Магнус мораше да го напушти турнирот во Светскиот шампионат во брз шах, а причината е бизарна - носел погрешни панталони.

Според правилникот на ФИДЕ, секој шахист мора да биде соодветно облечен за големите настани, па затоа мора да носи целосен костум.

- Очигледно ова не е многу добар турнир за мене. Првиот ден загубив еден натпревар и можев да освојам уште два. Генерално, не играв добро, бев малку надвор од контрола. Добро спиев и ручав пред да дојдам. Едвај имав време да отидам во собата и да се пресоблечам. Облеков кошула, јакна и не ни помислив кога облеков фармерки. Дури и облеков чевли. Не размислував. Дојдов овде. Прво ја платив казната од 200 долари, што е во ред. Тогаш добив предупредување дека нема да можам да настапам ако не отидам да се пресоблечам. Рекоа дека можам да го направам тоа по третиот натпревар во денот – изјави Карлсен.

Сепак, Магнус на шах се појави во фармерки, што ги натера организаторите да му дадат предупредување, кое тој, согласно неговиот карактер и темперамент, одби да го послуша.

- Реков дека ќе се пресоблечам утре, рекоа дека морам денес. Во тој момент ми стана принципиелна работа и тоа е тоа. Нема да се жалам за одлуката, премногу сум стар за да се грижам за тоа. Сега никој не сака да се повлече. Ако тоа е она што тие го сакаат, тоа е во ред со мене. Веројатно ќе одам некаде каде што времето е поубаво од Њујорк. Нема да играм ниту турнир во брз шах, не знам што би требало да се случи за да играм - јасен е Магнус.

За се да се почитуваат правилата, на организаторите им остана само да му забранат учество, што на крајот и го направија.

На крајот тој имаше поостар коментар за целата ситуација.

- ФИДЕ има свои правила и тоа е во ред. Ако не сакате да играм, во ред е, во ред е – заклучил тој.

Македонија

МФ: Издадена нова 23-та емисија на обврзници за денационализација во износ од 1,5 милиони евра

Обврзниците за денационализација, како што се наведува во соопштението на Министерството, се хартии од вредност кои ги издава Министерството за финансии, во евро валута, а гласат на име и се неограничено преносливи. 

Министерството за финансии ја издаде 23-тата емисија на Обврзници за денационализација во вредност од 1,5 милион евра, со која се обесштетуваат баратели со правосилни решенија за денационализација донесени во период од 1 јануари 2023 до 31 декември 2023 година. Станува збор за обесштетување на вкупно 108 баратели.

Обврзниците за денационализација, како што се наведува во соопштението на Министерството, се хартии од вредност кои ги издава Министерството за финансии, во евро валута, а гласат на име и се неограничено преносливи. Номиналната вредност и каматата од 2 отсто годишно на имателите на обврзници се исплаќа еднаш во годината во период од 10 години, односно на 10 еднакви рати, а за оваа емисија исплатата ќе започне од 1 јуни 2025 година. Имателите на обврзницата може истата да ја материјализираат, односно со неа може да тргуваат на секундарниот пазар на Македонската берза.

-Согласно Законот за издавање на обврзници на Република Македонија за денационализација, Министерството за финансии, почнувајќи од 2002 година, еднаш годишно врши емисија на обврзници за денационализација, а Владата со одлука го утврдува износот на обврзниците за денационализација коишто се издаваат. Државата досега има издадено 22 емисии на обврзници за денационализација на износ од 397 милиони евра, стои во соопштението.

Фудбал

Трент не го известил Ливерпул дека ќе премине во Реал

Според „Ливерпул Ехо“, до денес немало таков разговор и иднината на играчот останува неизвесна до отворањето на јануарскиот преоден рок.

Ѕвездата на Ливерпул, Трент Александер-Арнолд не го известил клубот за неговата желба да се приклучи на Реал Мадрид. „Марка“ вчера објави дека дефанзивецот за ова го известил раководството на англискиот клуб, откако тие повторно се обиделе да го убедат да го продолжи договорот.

Според „Ливерпул Ехо“, до денес немало таков разговор и иднината на играчот останува неизвесна до отворањето на јануарскиот преоден рок.

Александер-Арнолд, од друга страна, секогаш инсистирал на тоа дека нема јавно да зборува за својата иднина од почит кон матичниот клуб. Сепак, тој јасно стави до знаење дека сака да ја дочека оваа сезона до крајот со „црвените“.

Еден ден пред објавувањето на написот на „Марка“, англиски „Телеграф“ објави дека Ливерпул останува смирен за ситуацијата со договорот на Трент, како и за Мохамед Салах и Вирџил ван Дајк.

Трент Александер-Арнолд во тековната сезона во Премиер лигата одигра 16 натпревари и забележа 4 асистенции.

Забава

Концерти и театарски претстави на „Зимска приказна“ во Битола

Новогодишната „Зимска приказна“ организирана од Општина Битола продолжува со концерти и театарски претстави за деца кои ќе се одржат во старата битолска чаршија и на платото од Офицерски дом.

Според програмата претпладнево членови на општинската организација на „Црвен Крст“ ќе ја изведат театарската претстава „Зошто Дедо Мраз носи црвено?“, а за најмладите, различни групи и актери ќе ги изведат претставите „Снежилка и Дедо Мраз“, „Пишувајте му писма на Дедо Мраз“, „Пипи долгиот чорап и снежната кралица“, „Новогодишни подароци“ и „Кралот Студ и Дедо Мраз“.

Во старата битолска чаршија денеска ќе настапат членовите на студиото Езгија кои ќе приредат концерт на изворни инструменти, како и групите „За мерак“ и „Ѓердан“ со што ќе биде заокружена дневната програма.

Во вечерната програма на платото пред Офицерски дом во Битола ќе натапат групите „Еликсир бенд“, „Чоканче“ и „Паркети“.

притисни ентер