Бесиан Ахмети од вчера веќе не е прв секретар во амбасадата во Брисел

Внукот на Али Ахмети, Бесиан Ахмети повеќе не е прв секретар за привлекување на странски инвестиции во амбасадата во Брисел.

МНР донесе одлука за негово повлекување по барање испратено од министерот за економија Бесар Дурмиши, во чие министерство Бесиан е вработен од 2022 година, а според министерот тој во рок од една година колку што и престојувал во Брисел нема постигнато никакви резултати.

Бесиан Ахмети бил испратен во Брисел во 2023 година со 4 годишен мандат, но наместо до 2027, тој во земјава треба да се врати следниот месец.

„На барање на министерството за економија и труд, МНР вчера донесе решение со кое на Бесиан Ахмети му завршува мандатот како прв секретар во Амбасадата во Брисел.“- МНР.

Во меѓувреме против Бесиан Ахмети и неговиот брат Дрин Ахмети, МВР поднесе кривична пријава, за злоупотреба со концесија за минерални суровини. Според пријавата, станува збор за концесијата која ја добила фирмата Еверест ЏД, во која актуелниот дипломат во Брисел Бесиан Ахмети бил директор до 2017-та, а потоа на негово место доаѓа неговиот брат Дрин Ахмети, а тие ја оштетиле државата за 27 илјади евра, кривични има и за седдумина други, дел службеници од министерството за економија, дел од државниот инспекторат за техничка инспеција, кои според пријавата на МВР го овоможиле прекршувањето на законите. Доцна синоќа се огласи Дрин Ахмети кој тврди дека од 2016 до 2024 година фирмата ги има подмирено сите давачки, и апелираа до МВР да ги проверат исказите во нивната истрага.

Од власта и денеска повикаа на одговорност.

„Власта на СДС и ДУИ и нивните луѓе во Министерството за економија знаеле дека концесионерот не доставувал геодетски елаборати со пресметка на откопаните количини на минерални суровини, предвидена во член од Законот за минерални суровини, како и дека не вршел исплата на концесиските надоместоци утврдено со склучениот договор, и покрај тоа му овозможиле на фирмата на Ахмети да ги користи придобивките од концесијата и непречено да остварува приходи.“-изјави Миле Лефков – ВМРО – ДПМНЕ.

Во меѓувреме, од засега непознати причини на 6 август на консултации во МНР е повикан и македонскиот амбасадор во Романија, Андерј Жерновски.

Освен Жерновски, на консултации во МНР досега беа повикани и амбасадорот во Обединетите Нации, Љубомир Фрчкоски, македонскиот амбасадор во Рим, Весел Мемеди, а по пописот во Албанија, на консулатции беше повикан и Данчо Марковски, но откако вината била лоцинара во претходното раководство на МНР во Скопје, кое не презело мерки за надминување на проблемите, тој се врати во Тирана да го заврши мандатот.

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер