Бектеши: 16 милиони евра поддршка од Владата за ваучери за домашен туризам и домашна платежна картичка за 100 илјади граѓани

Министерот за економија Крешник Бектеши денеска во Струга одржа состанок со претставници на Хотелска асоцијација на Македонија (ХОТАМ ) и градоначалникот на општина Струга Рамиз Мерко

На состанокот министерот ги презентираше мерките за поддршка на туризмот од Третиот пакет мерки на Владата и ги слушна барањата и мислењата на туристичките работници за тоа како побрзо да се рестартира овој сектор.

Министерот ги информираше туристичките работници дека во Третиот пакет мерки кој го донесе Владата предвидени се ваучери за домашен туризам од 100 евра и домашна платежна картичка од 50 евра. Со оваа мерка како што потенцираше Бектеши се опфатени сите вработени граѓани што примаат плата помала од 15.000 нето месечно и немаат други приходи. Како што кажа Бектеши ваучерот може да се користи во домашните хотели и други сместувачки капацитети, додека со платежната картица поттикнуваме купување на домашни производи и услуги.

„Денеска ми беше чест и задоволство заедно со градоначалникот на Струга Рамиз Мерко, претседателот и членовите на ХОТАМ, отворено да разговараме за последните мерки за подршка на секторот туризам ,кои ние како Влада веќе ги усвоиме. Ја искористив оваа можност пред присутните да го објаснам начинот за реализација на мерките, кои се резултат на нашата заедничка координација на сите засегнати страни во секторот туризам, при што ние како претставници на Владата отворено разговаравме, но воедно и ги разгледавме нивните сугестии, коментари и барања а во интерес на хотелиерството во целина како и подобрување на услугите за сите посетители на нашата држава“, истакна Бектеши.

Министерот информира дека во сетот на мерките во третиот економски пакет, предвидени се над 16 милиони евра, односно на над 100 илјади граѓани ќе им се доделат ваучери, со цел да ги искористат во категоризираните хотели но и во приватни капацитети категоризирани во склоп на општините, со што ќе се поттикне потрошувачката, ќе се подржи овој многу важен сектор за економијата во нашата држава.

Бектеши истовремено истакна дека веќе наредна недела очекува дека ќе ја имаат првичната драфт верзија на јавниот повик за оваа сезона.

„Како министерство за економија и како Влада, продолжуваме посветено да работиме и да се координираме со сите засегнати страни во секторот туризам, се со цел заеднички да го надминиме со што помал ризик ова здравствена но секако и социо економска криза“, рече Бектеши.

Претседателот на ХОТАМ ја искористи можноста да се заблагодари на министерот за економија и градоначалникот, за укажаната можност за дискусија на овој состанок многу важен за туристичкиот сектор , затоа што секојднево се соочуваат со се повеќе откажувања од странски тур оператори, а надежта ја гледаат токму во домашните гости.

„Се собравме да дискутираме како тоа технички би се реализирале мерките за брзо време бидејќи сезоната почнува многу брзо. Загубитесе големи , посебно во хотелско-угостителскиот дел, но исто така и во ресторанскиот дел, но мораме сето ова да го надминеме заеднички и да продолжиме понатака. Земјите од регионот веќе полека почнуваат да се отвараат, се надевам дека и нашите стручни служби ќе излезат со препорака за отварање на сезоната, дека оваа пандемија за брзо време ќе заврши а ние ќе можеме да функционираме нормално понатака.

“Денешната средба е уште една потврда дека заложбите кои ги превзема министерот за економија и Владата генерално за помош на туристичкиот сектор, се добредојдени и во охридско-струшкиот регион. Искрено посакувам што поскоро враќање во нормала на турстичкиот сектор, посета од домашните гости но секако добредојдени се и странските туристи“ истакна Мерко.

Министерство за економија

Одделение за односи со јавност

„Гответе со Дракче“ - Вапцување јајца

Во четврток (02.05.2024) во емисијата гостин ни беше Снежана Миловановска.

Состојки за денешниот рецепт:

20 бели јајца

креп хартија во разни бои

црвена боја за јајца

шарени салфети

златен фломастер

1 лажица оцет

1 лажиче сол

Погледнете како се подготвува овој рецепт:

Авион на пат кон египетско одморалиште, принудно слета во Грција (ВИДЕО)

Авион на EasyJet бил пренасочен и принудно слетал во Ираклион, Грција, поради многу непријатно и бучно однесување на еден пар.

Поконкретно, необичен инцидент се случил на 29 април на летот EZI3165 на EasyJet од Глазгов до Хургада, Египет. Капетанот на авионот го сменил курсот кога парот влегол во жестока расправија со другите патници и членови на екипажот.

Податоците за следење на летот покажале дека авионот бил над Грција и го преминувал Средоземното Море пред конечно да слета во Ираклион.

Патниците незадоволни од чекањето навиваа и аплаудираа на екипажот кој тргна во акција и ја извлече двојката од летот.

"Беше страшно. Половина час се расправаа со другите патници пред да интервенира екипажот. Му се заканија на екипажот... На жената седум пати ѝ беше кажано преку разглас да седне, но таа продолжи да станува", рекол Мајкл Мекленан, британски турист, пренесе Дејли Меил.

Предметната двојка била уапсена од грчката полиција при слетувањето.

EasyJet Airbus A320-251N продолжил до својата прва дестинација и слетал во Хургада.

„EasyJet може да потврди дека летот EZI3165 од Глазгов до Хургада слетал во Ираклион на 29 април за да ѝ предадат брачен пар на грчката полиција за предизвикување нарушување во авионот. Летот потоа продолжил за Хургада откако патниците се симнале. Екипажот на EasyJet бил обучен да ги процени сите ситуации и да дејствува брзо и соодветно за да ја обезбедиме безбедноста на летот и другите патници, и иако таквите инциденти се ретки, ние ги сфаќаме многу сериозно и не го толерираме ваквото однесување на патниците и екипажот се секогаш главен приоритет на EasyJet“, се вели во соопштението на компанијата.

Маж прави акробации со бебе - сите се шокирани: Ти требаат часови по родителство (ВИДЕО)

На социјалните мрежи кружи видео на кое маж, наводно таткото, прави „акробации“ со бебе, држејќи го за нозе и раце.

Бројни корисници на Инстаграм и Твитер жестоко ја критикуваа сцената, а лекарите предупредија на можни последици, пишува Daily Mail.

Во видеото кое трае 35 секунди, го гледаме мажот како го ниша бебето напред-назад, над главата и меѓу нозете, а луѓето истакнаа дека тоа претставува „опасност не само за неговите зглобови, туку и за мозокот“.

Видеото е придружено со порака „врска меѓу татко и дете“, но многу корисници беа вознемирени од сцената, што е јасно од нивните коментари.

Д-р Стјуарт Фишер, лекар по интерна медицина и поранешен педијатар во одделот за итни случаи, исто така реагира:

„Мислам дека е морално и легално да се направи КАТ скен или МРИ, што можеби нема да покаже микроскопски повреди на мозокот.

Експертите предупредуваат дека овој тип на игра потенцијално може да доведе до синдром на потресено бебе, бидејќи мозокот на таа возраст е исклучително подложен на повреди.

Дополнително, кревањето на бебето за раце или нозе, без поддршка за грбот, може да доведе до исчашување на зглобовите.

Останува нејасно колку е старо бебето, но се верува дека има околу една година.

„Ова е ментална болест и каква, дали е важно? Ова може да се смета за кривично дело. Тој не разбира каква скапоцена дарба има. Му треба, во најмала рака, долготрајна инструкција и советување“, заклучи др. Стјуарт Фишер.

Корисниците го критикуваа и однесувањето на човекот, со илјадници коментари на мрежите.

„Ова не може да биде легално.Кутрото дете“, „Ти требаат часови за родителство. Ова е толку ужасно“, гласеа некои од пораките.

Од друга страна, поединци тврдат дека родителите така си играле со нив без да имаат никакви (здравствени) проблеми.

Се огласи на Твитер тренерот на познатиот УФЦ борец Конор Мек Грегор. Тој го сподели видеото и коментира:

„Каква глупост. Дури и да сфатите погрешно еднаш во 1.000 пати, тоа е трауматска повреда плус потрес на мозокот. Колку луѓе ќе го повторат ова за неколку лајкови и ќе го повредат своето дете? Можеби не требаше да споделам. Не правете го ова“, напиша Џон Кафеа.

притисни ентер