Живот

Банкар на удар на јавноста поради плата од 15 милиони евра:Ако можат спортистите,зошто не и јас

Серџо Ермоти, шеф на најголемата швајцарска банка UBS, не планира да се пензионира иако наскоро ќе наполни 65 години.

По турбулентната 2023 година и преземањето на Credit Suisse, Серхио Ермоти најавува дека ќе остане на чело на банката до 2027 година.

- Иако веќе постигнав многу, морам повторно да се докажам. Ова е голема одговорност – изјави Серџо Ермоти во неодамнешното интервју за швајцарскиот Мигрос-Магазин.

Неговиот работен ден започнува во 5:45 часот наутро, а работното време често му трае и до 14 часа дневно. Двапати неделно не пропушта тренинзи во теретана, одржувајќи ја дисциплината која го донесе на врвот на групата UBS.

Враќајќи се на чело на UBS по драматичното преземање на болниот Credit Suisse во март 2023 година, Серџо Ермоти го виде тоа како своја должност.

- Бев привлечен од можноста да учествувам во пишувањето на едно од најважните поглавја на глобалната финансиска индустрија - објаснува Серџо Ермоти, банкар кој веќе успешно ја водеше UBS низ кризни времиња од 2011 до 2020 година.

Неговата годишна плата од околу 15 милиони евра предизвика бурни реакции во швајцарската јавност.

Сепак, Серџо Ермоти, кој се сеќава на своите почетоци и првата плата од 360 евра месечно како практикант во банката Корнер, не гледа проблем, пишува Блик.

-Ја знам вредноста на парите и разбирам дека на многумина мојата сегашна плата не им изгледа нормална. Понекогаш се прашувам зошто високите плати во економијата предизвикуваат толкаво внимание, додека истите суми во спортот и забавата поминуваат без коментар - вели првиот човек на УБС, Серџо Ермоти.

Во врска со спојувањето на Credit Suisse со UBS, Серџо Ермоти истакнува дека најголем предизвик е поврзувањето на компјутерските системи на двете банки во едно. Новата, обединета банка денес има значително помалку средства отколку пред финансиската криза од 2008 година, што ја прави постабилна и побезбедна.

Со капитал од речиси 200 милијарди долари за покривање на можните загуби, Серџо Ермоти убедливо тврди дека ризикот за даночните обврзници е минимален:

- Дури и да има проблеми UBS, речиси е невозможно даночните обврзници да загубат дури и франк.

Серџо Ермоти ги отфрла критиките за прекумерна концентрација на моќ во рацете на УБС, потсетувајќи дека повеќе од 200 домашни и странски банки работат во швајцарскиот банкарски сектор.

- Конкуренцијата е жива и здрава - нагласува тој, додавајќи дека големите банки денес претставуваат фактор на стабилност, а не на ризик во време на криза, пренесува Вечерњи лист.

Фудбал

Трент Александар-Арнолд не е расеан од гласините за трансфер во Реал Мадрид, вели Слот

Трент Александер-Арнолд не е расеан од гласините за преселба во Реал Мадрид, изјави менаџерот на Ливерпул, Арне Слот откако англискиот репрезентативец одигра далеку под неговите стандарди во ремито 2-2 со Манчестер Јунајтед во Премиер лигата.

Александар-Арнолд привлече критики за несигурниот настап, а најгласен беше стручњакот на „Скај спортс“, Рој Кин.

-Постојано зборуваме за тоа колку добар играч е Трент и колку може да биде подобар. Сепак, начинот на кој тој играше во одбраната беше на ниво на ученик. Се шпекулира дека претстои преселба во Реал Мадрид, но со својот настап попрво треба да оди во Транмере Роверс, тој треба да игра далеку подобро од тоа, рече Кин.

Запрашан дали Александар-Арнолд бил деконцентриран од извештаите за трансфери или новиот договор со Ливерпул, Слот рече: „Мислам дека не. Веројатно 9 од 10 луѓе би рекле дека е, но јас сум десетти. На него влијаеше играњето против Бруно Фернандеш и Диого Далот, кои се португалски интернационалци и одлични фудбалери“.

Коди Гакпо и Мохамед Салах ги постигнаа головите за „црвените“, кои остануваат на врвот на табелата во Премиер лигата со 46 бодови, шест повеќе од второпласираниот Арсенал. „Црвените“ имаат и натпревар помалку, откако средбата со Евертон во декември беше одложена поради лошите временски услови. Единствениот пораз на тимот дојде против Нотингем Форест во средината на септември.

-Се чувствуваме како да сме испуштиле два поени. Сепак, тоа беше тежок натпревар. Беше слично на Нотингем Форест бидејќи стилот на двата тима е сличен. Тие се бранат длабоко и со многу луѓе. Тие не ризикуваат кога ја имаат топката во свои нозе. Не е лесно да се игра против такви тимови, додаде Слот. /МИА

Свет

УНРВА: Седум бебиња починаа во Газа од студ бидејќи немале засолниште

Најмалку седум бебиња починаа од студеното време бидејќи немале засолниште во Газа, соопшти Агенцијата за помош на палестинските бегалци при ОН (УНРВА).

Според објавата на УНРВА на платформата Икс, до 7.700 новороденчиња во конфликтната зона живеат во несоодветни услови, резултат на судирите меѓу Израел и милитантната група Хамас, пренесува денеска ДПА.

Палестинската новинска агенција WAFA во декември објави дека четири бебиња починале од хипотермија.

Повеќе од 15 месеци борби оставија стотици илјади Палестинци без домови. Раселените живеат во шатори кои не нудат соодветна заштита од студот и дождот, со температури што паѓаат под 10 степени Целзиусови.

Израелската управа за палестински прашања (COGAT) објави на Икс дека соработува со меѓународни хуманитарни организации како Rahma Worldwide за обезбедување шатори, ќебиња, топла облека и хигиенски производи за жителите. /МИА

Свет

Конгресот на САД ќе го потврди изборниот резултат и ќе го отвори патот за Трамп

Конгресот на САД денеска во Вашингтон ќе се состане за официјално да го потврди резултатот од претседателските избори, што е последниот чекор во процедурата пред Доналд Трамп да ја преземе функцијата подоцна овој месец.

Пред четири години, поддржувачите на Трамп насилно упаднаа во Капитол, обидувајќи се да спречат потврда на победата на демократот Џо Бајден на изборите во 2020 година. Оваа година, по неспорната победа на Трамп на ноемвриските избори, се очекува седницата да помине мирно, пишува ДПА.

Демократката Камала Харис, која изгуби на изборите од Трамп, ќе го објави конечниот резултат на крајот од нејзиниот мандат како потпретседателка. Како претседавач на Сенатот, Харис ќе ја води заедничката седница на двата дома на Конгресот.

Трамп освои 312 изборни гласови, додека Харис обезбеди 226. На состанокот, ќе бидат прочитани и преброени резултатите од поединечните сојузни држави.

Иако членовите на Конгресот теоретски можат да вложат приговори на резултатите, тоа не се очекува оваа година. Инаугурацијата на Трамп е закажана за 20 јануари.

притисни ентер