Ројтерс не можеле да ги одредат барањата на демонстрантите или обемот на немирите.

Некои жители ги поврзуваат демонстрациите со притисок и насилство насочено во последните денови против припадниците на алавитското малцинство, секта која се смета за лојална на поранешниот претседател Башар ал Асад, кој беше соборен од сунитските исламистички бунтовници на 8 декември.

Портпаролите на новата сириска влада, предводена од групата Хајат Тахрир ал-Шам (ХТС), поранешен огранок на Ал Каеда, не одговориле на барањата за коментар за полицискиот час.

Државните медиуми објавија дека полицискиот час е воведен за една ноќ, од 18 часот по локално време до четврток во 8 часот.

Новите водачи на земјата редовно ја повторуваат својата посветеност за заштита на малцинските религиозни групи кои стравуваат дека поранешните бунтовници, сега на власт, би можеле да се обидат да наметнат конзервативна форма на исламистичко владеење.

Помали демонстрации се одржани и во други области во близина на сирискиот брег, дом на мнозинството од алавитското малцинство во земјата, вклучувајќи го и градот Тартус.

Тие се случија околу времето кога на социјалните мрежи почна да кружи видео од пожар во алавитски храм во градот Алепо, при што вооружени мажи влегуваа и позираа во близина на човечки тела.

Не е јасно кога се случило ова.

МВР на својот официјален профил на Телеграм објави дека видеото е од бунтовничката офанзива на Алепо на крајот на ноември, а насилството го извршиле непознати групи.

Оние кои сега го шират видеото сакаат да поттикнат секташки конфликт, велат од Министерството.

Исто така, објавија дека некои членови на поранешниот режим денеска ги нападнале силите на Министерството за внатрешни работи во крајбрежната област на Сирија, и дека нападот резултирал со неколку загинати и повредени.

Спортист на годината е Бобан Илиоски - кикбокс маитаи, а спортистка таеквондистката Милијана Релиќ.

Илиоски освои 1-во место во категоријата -86кг., на Европското првенство во кикбокс маитаи, одржано во Атина, додека Релиќ стигна до четвртфиналето на Летните Олимписки Игри 2024 во Париз.

Во категоријата млад спортист на годината, наградата ја доби Силвио Мировски за неговото прво место во кикбокс маитаи во категоријата до 71 кг на Светското Првенство во Будимпешта. Млада спортистка на годината е ракометарката Ива Младеновска, која со својот тим го освои 18-то место на Европското Првенство во Унгарија, Австрија и Швајцарија.

Најуспешен машки национален тим е ракометниот национален тим-сениори, кој го освои 17-то место на Европското Првенство во Германија. Најуспешен женски национален тим е ракометниот национален тим-сениорки, кој го освои 18-то место на Европското Првенство во Унгарија, Австрија и Швајцарија.

Наградата за најуспешен спортист на лице со инвалидитет ја доби Оливера Наковска Бикова за нејзините две осми места во финалето на 10м воздушен пиштол и 25м спортски пиштол на Параолимписките Игри 2024 во Париз.

Најуспешен тренер/селектор за 2024 година е Кирил Лазаров, кој ја водеше ракометната репрезентација, а најуспешна национална спортска федерација е Таеквондо федерацијата.

Признанието за најуспешен училишен спортски клуб од основните училишта го доби Основното училиште „Ѓорѓија Пулевски“ од Скопје, а најуспешен училишен спортски клуб од средните училишта е Средното училиште „Јане Сандански“ од Струмица.

Најуспешна универзитетска екипа за оваа година е машката кошаркарска екипа на Универзитетот „Св.Кирил и Методиј“.

Специјално признание за достоинствено претставување на земјава на олимписките игри, светските и европските првенства, Лига на шампионите и бројни меѓународни ракометни натпревари добија ракометните судии Славе Николов и Ѓорѓи Начевски.

Откритие на годината за талентиран млад спортист кадет за 2024 година е Теодор Стојановски, кој освои сребрен медал на Европското таеквондо првенство за кадети.

Таа веќе некое време живее во изолација, а лекарите ѝ даваат 50 отсто шанси за преживување, пишува The Telegraph.

Сопругата на соборениот сириски диктатор Башар ал-Асад се држи подалеку од другите за да се спречи инфекција и не може да биде во иста просторија со никој друг.

Нејзиниот татко Фаваз Ахрас се грижел за својата ќерка во Москва, а извори блиски до нејзиното семејство велат дека нејзиниот татко бил со скршено срце.

Асад и неговата сопруга побараа азил во Москва откако неговиот брутален режим ја загуби власта по 13 години разорна граѓанска војна.

Претседателството на Сирија во мај годинава објави дека на тогашната прва дама ѝ била дијагностицирана акутна миелоидна леукемија, агресивен рак на коскената срцевина и крвта.

Таа, исто така, претходно се лекуваше од рак на дојка и во август 2019 година објави дека болеста е целосно исчистена по една година лекување.

Британски Телеграф пишува дека леукемијата ѝ се вратила по период на ремисија.

„Асма умира. Таа не може да биде во иста соба со никого“, рече еден извор кој бил во директен контакт со претставник на семејството во последните недели.

Друг извор, кој бил во контакт со семејството во Москва, вели дека е многу опасно кога ќе се врати леукемијата.

Британските медиуми јавуваат дека Асма заминала на лекување во Москва пред нејзиниот сопруг Башад да побегне во Русија и да побара азил.

Нејзиниот татко, истакнат кардиолог од Харли Стрит, се грижел за неа во последните шест месеци, прво во Обединетите Арапски Емирати, а подоцна и во Москва.

Откритието доаѓа по информациите дека таа е уморна од ограничувањата што ѝ се ставени во Москва и дека бара лекување во Лондон и сака развод.

Двојката Асад не ги коментираа медиумските извештаи, иако Кремљ подоцна негираше дека таа сака да се разведе од сопругот.