Билатералните односи, ситуацијата во земјата, регионот и пошироко, за споделувањето на истите вредности и ставови за одредени прашања, како и за можностите за понатамошен развој и динамизирање на односите меѓу двата парламента, биле темите на кои разговарале на средбата Џафери и Гжелчик.

- Претседателот Џафери истакна дека агресијата на Руската Федерација врз Украина претставува неочекуван предизвик за Полска, како прв сосед, истакнувајќи дека придонесот на Полска е признаен и поздравен. Тој ја поздрави и поддршката од Република Полска за нашата земја во однос на нашето зачленување во НАТО и за евроинтеграцискиот процес, при што, амбасадорот Гжелчик рече дека Полска е една од земјите што сакаат Македонија што поскоро да стане членка на ЕУ, соопштија од кабинетот на претседателот на Собранието, Џафери.

Претседателот на Собранието Џафери и амбасадорот Гжелчик на средбата констатирале дека билатералните односи можат да се збогатат со уште многу нови содржини од взаемен интерес.

Лирата денеска ослабе за повеќе од шест отсто во однос на доларот. Турската валута падна за осум отсто по назначувањето на новата влада на Ердоган. Валутата од почетокот на годината ослабе за околу 20 отсто.

Вредноста на турската лира во однос на доларот паѓа од 2021 година поради инсистирањето на Ердоган да ги одржува ниски трошоците за задолжување за да се стимулира растот и покрај зголемената инфлација.

Аналитичарите велат дека владата на Ердоган ја зголемила лирата пред претседателските и парламентарните избори во Турција минатиот месец, користејќи ги девизните резерви за да го држи курсот под контрола. /МИА