Здравје

Предолгото спиење може да го зголеми ризикот од мозочен удар

Премногу долгото спиење  или долго попладневно дремење се поврзани со зголемен ризик од мозочен удар, покажуваат новите истражувања.

Кинеските научници испитувале 31.750 мажи и жени во текот на шест години, со просечна возраст од 62 години, користејќи испитувања и податоци дадени од испитаниците за должината на спиењето.

Откриле дека споредено со седумчасовен или осумчасовен сон или лежење во кревет во обид да спијат повеќе од девет часа, ризикот од мозочен удар се зголемил за 23 проценти. Спиењето помалку од шест часа немал ефект врз ризикот од мозочен удар.

Студијата објавена во списанието Neurology исто така открила дека попладневните дремки кои траат повеќе од 90 минути се поврзани со 25 проценти поголем ризик од мозочен удар во однос на дремките пократки од 30 минути на ден.

А, луѓето кои спиеле повеќе од девет часа на ден и дремат повеќе од 90 минути на ден, имаа 85 проценти поголема веројатност да добијат мозочен удар.

Студијата го разгледала и влијанието на пушењето, алкохолот, вежбањето, семејниот живот, индексот на телесната маса и други показатели за здравјето и однесувањето.

Не е јасно која е причината за оваа врска, но должината на спиењето е поврзана со зголемени знаци на воспаление, неповолен однос на типовите холестерол во крвта и зголемен обем на половината, сите фактори кои се познати за зголемување на кардиоваскуларните ризици.

„Спиењето премногу долго е ризик за мозочен удар“, рече водачот на студијата Др. Ксиаомин Џанг, професор на Медицинскиот факултерт Тонџи во Вухан, Кина.

„Одржувањето на соодветна должина на спиењето може да биде ветувачки како метод за примарна превенција од мозочен удар“.

Тој исто така вели дека долгите дремки и спиењето исто така можат да укажат на генерално неактивен живот, кој исто така е поврзан со зголемен ризик од мозочен удар и дека може повеќе спиење да биде поврзано со луѓето кои се болни, со што може да го објасни и зголемениот ризик од мозочен удар.

Во набљудуваниот период, 1557 анкетирани лица имале мозочен удар.

Од вкупниот број испитаници, осум проценти дремеле повеќе од 90 минути на ден, а 24 проценти спиеле девет или повеќе часови во текот на ноќта.

Меѓу луѓето кои спиеле до девет часа на ноќ или дремеле помалку од 90 минути на ден, само еден процент имале мозочен удар.

Кај оние што спиеле и дремеле пократко, 0,7 проценти имале мозочен удар за време на студијата.

Претходните истражувања покажаа дека дремењето еднаш или двапати неделно во попладневните часови од пет до 60 минути има корисен ефект врз здравјето на срцето.

Живот

Родители од пеколот: До смрт ги претепале своите едномесечни близначки, имале скршеници

Анџелина Белинда Калдерон и Фернандо Вега, двајцата на 21 години, од Хјустон, Тексас, се обвинети дека до смрт ги претепале своите едномесечни близначки.

Полицијата открила дека бебињата претрпеле повеќе модринки и скршеници за кои медицинските експерти претпоставувале дека биле предизвикани од серија трауми од тапа сила.

Една недела по ужасниот настан, мајката на близнаците отворила страница GoFundMe за да собере пари за погребите на девојчињата. Меѓутоа, полицијата тогаш открила дека таа и таткото на девојчињата се одговорни за смртта на новороденчињата.

Полицијата во Хјустон пристигнала во дом во близина на Линден Крик Лејн на југоисточната страна на градот веднаш по 11 часот на 4 октомври 2023 година, по повик 911. Кога влегле, откриле дека Масаил и Мирена Вега трагично починале.

Според судските документи, Вега на полицијата ѝ рекол дека откако ја однел на работа неговата сопруга, мајка на близнаците, ги нашол бебињата во креветчињата како не дишат. Тој тврдел дека ја оставил баба му да се грижи за нив додека тој бил отсутен.

Таткото ѝ рекол на полицијата дека тој и уште еден член на семејството се обиделе да ги оживеат бебињата, но не успеале. Извештајот од обдукцијата покажал дека двете бебиња биле покриени со модринки.

Д-р Хесус Рико, патолог од Институтот за судска медицина во округот Харис, рече дека првото дете имало неколку повреди, вклучувајќи дехидрација и контузии на различни делови од телото, како и скршеници што укажуваат на претходно злоставување. Тој ги известил надлежните дека овие повреди се нанесени намерно, а не случајно, пренесува Дејли Меил.

Другата близначка, исто така, имала модринки по телото, како и гребнатинки и скршеници, за кои се верува дека се во согласност со физичко малтретирање.

Лекарот нагласил дека овие повреди не се случајни и дека настанале во неколку инциденти. Наводно, имало три различни настани.

Двете близначки биле неухранети, при што едното покажало акутно мозочно крварење, додека другото претрпело крварење во мозокот и 'рбетниот мозок, што укажувало на неодамнешна траума. Патологот објаснил дека овие повреди може да се предизвикани од секундарна или директна траума со тап предмет.

Мајката и таткото моментално се во притвор.

Свет

Педофилот кој беше изрешетан од полицијата во Сиетл, бил воен лекар (Вознемирувачко видео)

Лицето кое беше брутално изрешетано од полицијата минатата недела во хотел во Сиетл за време на антипедофилска операција, е идентификувано како пензионираниот армиски лекар Брус Ковал Менели.

Менели е убиен околу 15 часот на 17 април во хотелот „ДаблТри“ од страна на полицијата, пренесува Фокс 13.

Видеото снимено од боди кам, објавено од полицијата минатата недела, покажа операција за апсење на 67-годишната Менели, кој бил осомничена за сексуални злосторства врз деца.

Полицајците излегле од хотелската соба за да му пријдат и, според камерата, тој извадил пиштол од јакната.

Сите тројца полицајци пукале кон него и испукале околу 30 куршуми.

Според медицинските податоци, Менели починал од „повеќе прострелни рани“.

Менели бил капетан на морнарицата и лекар кој служел во заливот Гвантанамо и зборувал за Њујорк Тајмс во 2016 година за злоупотребата на пациентите во далечинскиот центар за притвор. Тој исто така бил командант на мултинационалната медицинска единица на НАТО Role 3 во Авганистан.

Менели ја напуштил функцијата во Гвантанамо во 2009 година, а потоа и во НАТО во 2012 година.

Според властите, Менели бил под истрага за наводно извршување на интернет злосторства врз деца.

Според началникот на полицијата Адријан Дијаз, осомничениот се среќавал со две девојчиња, на возраст од 7 и 11 години.

Еден полицаец бил ранет во ногата, но куршумот само го огребал. Повредите му биле полесни и не бил пренесен во болница. Други повреди немало.

Според кривичната пријава видена од FOX 13, Менели е обвинет за сексуални злосторства во 2017 година, кога бил уапсен за време на рација за трговија со луѓе/проституција во Бремертон. Детективите се претставувале како сексуални работници на интернет и договориле средба со Менели, но тој всушност бил пречекан од неколку заменици на шерифот на округот Кицап. Бројот на Менелиус бил поврзан со две одделни операции на проституција.

Во документите од 2017 година се наведува дека Менели за време на интервјуто со детективите признал дека бил уапсен за сличен прекршок во Тексас неколку години претходно. Потоа бил испратен на општествено корисна работа.

Свет

Незапаметени поплави во Кенија- најмалку 30 загинати (ВИДЕО)

Според последните податоци, најмалку 32 лица загинале, додека двајца се водат за исчезнати, како последица на катастрофалните поплави што ја погодија Кенија.

Како што јави Си-Ен-Ен, речиси половина од земјата е потопена, додека повеќе од 100.000 луѓе се загрозени.

Обилните дождови започнале во средината на март, но поројните дождови се интензивирале во текот на изминатата недела, што доведе до огромни поплави. Кенискиот Црвен крст објави дека од почетокот на март интервенирале во речиси 200 спасувачки операции. Во главниот град Најроби, вчера беа затворени бројни патишта, а неколку населени места беа поплавени по уште еден ден со поројни врнежи.

- Ситуацијата во Најроби ескалира до екстремни нивоа. Окружната влада, и покрај нејзините најдобри напори, беше преоптоварена. Потребни ни се сите национални служби за итни случаи, тие мора да се мобилизираат за да спасат животи - напиша градскиот сенатор Едвин Сифуна на својот профил на социјалната мрежа Икс, поранешен Твитер.

Тој сподели видео од жителите заробени на покривите на нивните куќи во сиромашниот кварт во Најроби.

Црвениот крст на Кенија соопшти дека спасиле 18 лица во населбата Матаре 4А. Два главни автопати надвор од Најроби беа силно пренатрупани во средата откако делови од патиштата беа поплавени. Затворени се четири патни правци, а на два воведени се вонредни мерки.

– Сообраќајната полиција и нашиот технички тим се на терен за насочување на сообраќајот и подобрување на безбедноста на учесниците во сообраќајот, соопштија надлежните.

Кениските железници ги суспендираа приградските возови низ целата земја. Истовремено, метеоролозите најавија нови врнежи во поголем дел од земјава.

притисни ентер