Американската актерка Мелиса Беноист (31), позната по улогата во серијалот „ Supergirl “ во која ја глуми Кару Данверс и, во средата објави на Инстаграм дека поранешниот партнер ја злоупотребил, јави Скај Њуз.
Беноист ја објави својата тажна приказна во 14-минутно видео кое е насловено „Животот не е секогаш како што изгледа“, но не го именуваше насилникот.
Актерката, која од септември годинава е во брак со својот колега од Supergirl , актерот Крис Вуд изјави дека нејзиниот поранешен партнер бил дарежлив и шармантен човек. "Тој беше полн со хумор, манипулативен и предавнички. Беше помлад од мене, но очигледно зрел. По некое време, не ме интересираше. Јас бев надвор од врската и го барав својот пат во животот", раскажа Беноист.
Актерката изјави дека злоупотребата во почетокот била емотивна и дури подоцна станала физичка. Беноист изјави дека нејзиниот партнер ја контролирал во толкава мерка што и кажувал како да се облекува и дека ја присилувал да ја смени облеката пред излезе од дома. Таа додаде дека тоа влијаело на нејзината кариера затоа што ги одбивала улогите затоа што нејзиниот партнер бил љубоморен на актерите со кои работела.
Беноист раскажува дека со месеци трпела физичка злоупотреба.
„Ужасна вистина е што научив што значи кога некој ве удира по подот и постојано ви удара шлаканици, кога ве погодува толку силно што ви го избива воздухот од градите, кога ве влече по тротоарот за коса, кога ве удира по главата, кога ве удира толку силно што мислиш дека ти пука кожата, кога те гуши и кога толку силно те турка во ѕидот што пука малтерот , брзо научив дека не треба да се заклучувам во просторијата затоа што вратата ќе се сруши. Научив да не го ценам својот имот , да не се ценам себеси “, рече актерката.
Беноист изјави дека насилникот еднаш га погодил со мобилен телефон во главата. Овој напад резултираше со скршен нос и тешка повреда на окото.
"Од ударот ми беше повреден ирисот, скоро ми го прободе окото и ми го скрши носот. Областа околу левото око се зголеми до тој степен што ми го затвори окото. Усната ми беше отечена. Мојот вид никогаш нема да се подобри заради тоа". додаде таа.
Актерката вели дека нејзиниот партнер започнал да ја злоставува после пет месеци во врска и дека се започнало кога еднаш и фрлил сок во лицето.
"Процесот на заздравување ме донесе до овој момент и се чувствувам доволно силно да зборувам јавно за моето искуство . Искрено и без срам. Се надевам дека со мојата приказна ќе ги мотивирам другите да бараат помош и да ги напуштат насилните партнери. Никој не го заслужува тоа", објасни таа. „Преживеав семејно насилство. Никогаш не помислив дека ќе го изговорам ова“.