Европската недела на тестирање, граѓаните на Скопје ќе можат бесплатно да се тестираат од хепатит Б и хепатит Ц

По повод европската недела на тестирање, граѓаните на Скопје ќе можат бесплатно да се тестираат од хепатит Б и хепатит Ц.

 Испитувањата ќе се извршуваат во Поликлиника Бит Пазар, а ќе биде во организација на Здравствен Дом Скопје и Хепар центар Битола

Хепатитисот како болест на годишно ниво може да одземе и до 1 ипол милион животи глобално, од ХЕПАР повикуваат граѓаните да се испитаат затоа што симптомите на овој вирус тешко се приметуваат и многу често развивањето на  доведува до смрт, додека навремено дијагностицирање може да ја излечи болеста за 12 недели.

Во Македонија има околу 25 илјади граѓани заболени од хепатитни вируси, но за нив нема лекови на позитивната листа, пациентите можат да ја набават само приватно но цената изнесува колку просечна плата во државава,додека пак за Хепатитис Ц може да се купи во странство, а цената на лекот е многу висока.

Во овие неколку дена ќе бидат тестирани и здравствените работници кои се изложени на најголем ризик од хепатитни заболувања, додека пак во затворите Идризово и Шутка ќе се извршат ХИВ испитувања.

Научниците потврдија : Удар на астероид е причина за изумирање на диносаурусите (ФОТО)

Причината за исчезнувањето на диносаурусите од лицето на Земјата пред 66 милиони години веќе долго време е нејасна, но група научници сега веруваат дека имаат конечен одговор на ова прашање.

Најпрво се дискутираше за идејата дека истребувањето на диносаурусите е причинето од огромна вулканска активност во праисторијата. Проф. Пол Вилсон за Би-Би-Си изјави дека виновникот е астероид. Тим на проф. Вилсон анализирал седименти на океаните кои покажале дека големите вулкани што избувнале во Индија не ги смениле климатските услови на Земјата до тој степен што ќе предизвикаат истребување на диносаурусите.

Вулканите можат да ослободат огромни количини на гасови во атмосферата што можат да ја разладат и затоплат планетата во исто време.

Студирајќи ја вулканската област во Индија каде стотици илјади кубни километри стопена карпа биле опфатени со површината на земјата во текот на илјадници години, истражувачите откриле дека постои несовпаѓање помеѓу ефектот и времето на вулканската активност.

Проф. Вилсон од универзитетот Саутемптон и неговите колеги од други научни институти од Европа и САД го дупчат океанското дно во Северен Атлантик со цел да стигнат до античкиот кал во кој се сместени микроскопски ситни морски организми наречени Фраминифера. Научниците ги користеле лушпите на овие организми за да дознаат информации за температурните промени што се случиле пред истребување на диносаурусите.

,,Откривме дека влијанието на астероидот се случува во исто време со истребувањето”, изјави проф. Вилсон за БиБиСи.

Виновник за катастрофата бил астероид широк 12 километри, кој што ја погодил Земјата пред 66 милиони години и оставил белег на дното на Мексиканскиот Залив - кратер од 200 километри. Кога ја погодил Земјата, астероидот веднаш предизвикал цунами и огромни пожари, а милијарди тони негови остатоци летале во сите правци.

Научниците неодамна утврдија дека овој астероид удрил во карпа богата со сулфур. Кога испарувал сулфурот и преминал во повисоки слоеви на атмосферата, тоа можело да доведе до брзо и длабоко ладење на климата за краток период, што довело до изумирање на многу растителни и животински видови.

Стресната промена во условите на животната средина, едноставно, не можешеле да ја издржат диносаурусите, за разлика од цицачите кои се искачиле над остатокот организми од синџирот на исхрана.

Индиските слаткари направија најдолга торта на светот (ВИДЕО)

Над 1 500 индиски слаткари го урнаа Гинисовиот рекорд и направија торта долга 6,5 километри.

Стотици индиски слаткари во државата Керала направија најдолга торта на светот, долга 6,5 километри, уривајќи го претходниот рекорд поставен од кинеските слаткари.

Огромната торта од ванила, тешка 27 тони, беше прикажана на неколку илјади маси во градот Трисур.

Шпанија воведе мерки против пијаните туристи – Нема веќе „среќни часови“

Шпанските Балеарски острови забранија попусти на алкохолни пијалоци познати како „среќни часови“ и понуди кои вклучуваат неограничено количество на алкохолни пијалоци.

Забраните се воведуваат на некои од најпопуларните туристички дестинации со цел да се стави крај на таканаречениот „пијан туризам“, пренесува Еуроњус.

Властите на островите, вклучително и Минорка и Мајорка, објавија денеска дека наметнуваат петгодишна забрана во градовите Аренал, Сант Антони де Портмани и Магалуф.

Покрај тоа што решија да ги забранат пијалоците со пониски цени, надлежните на Балеарите забранија и таканаречени пијани бродски забави, туристички тури што ги носат посетителите од бар до бар. Забрането е и скокање од балкони во хотелите.

Покрај тоа, на продавниците нема да им биде дозволено да продаваат алкохол по 21:30 часот. Баровите што нема да ги почитуваат овие забрани, ќе добијат казни до 60.000 евра и ќе бидат затворени до три години.

Балеарските острови се една од најпопуларните туристички дестинации во Шпанија. Во 2018 година ги посетиле 13,8 милиони туристи.

притисни ентер