Научниците откриле 20 до сега непознати месечини околу Сатурн

Сатурн го надмина Јупитер по бројот на природни сателити , што орбитираат околу оваа планета , објави Science Alert.

Научниците од Институтот за наука на Карнеги објавија дека откриле 20 досега непознати месечини кои орбитираат околу тој гасовит гигант, а сега Сатурн има вкупно 82 познати природни сателити, за разлика од Јупитер, кој има „само“ 79.

„Користејќи ги најголемите телескопи во светот, ние го комплетиравме списокот со помали месечини кои орбитираат околу џиновските планети“, рече астрономот Скот Шепард од Институтот за наука Карнеги.

„Тие можат да ни помогнат подобро да разбереме како се формирале и еволуирале планетите на нашиот Сончев систем“, додаде тој.

Секоја од новооткриените месечини е со дијаметар од околу 5 километри, а 17 имаат ретроградна ротација, односно се движат во спротивна насока од ротацијата на Сатурн. Тие припаѓаат на трите групи на надворешните месечини на Сатурн. Ретроградни природни сателити припаѓаат на норвешката група (тие се именувани по термини од скандинавската митологија), два месеца припаѓаат на групата Инуит (тие се именувани според термини во митологијата на Ескимите), а една е на галската група (тие се именувани според термини од галската митологија).

Астрофизичарите веруваат дека секоја од овие групи е формирана од една поголема месечина што се распаднала во помали тела.

„Оваа групација на надворешните месечини е забележана и на Јупитер, што укажува на насилни судири меѓу месечините на системот Сатурн или судири со надворешни предмети; како астероиди или комети“, рече Шепард.

Интересен факт е дека галските месечини орбитираат многу подалеку од нејзините колеги, што укажува дека нешто ја турнало во подалечната орбита или воопшто не настанала од истиот судир како и другите месечини.

Постојат две месечини кои орбитираат околу Сатурн што ги интересираат научниците затоа што може да има живот на нив. Титан е единствениот природен сателит со значителна атмосфера и единственото познато место за нас, освен Земјата, која има свои реки, езера и мориња на нејзината површина. Покрај различните течности на површината, поинтересни феномени се кријат под нејзината ледена површина. Имено, постојат океани каде има повеќе вода отколку метан.

Затоа, НАСА има намера да испрати беспилотно летало со име Dragonfly на тој месец во 2026 година за да бара траги од едноставни организми.

Порше смета дека не може да преживее од автомобили, ќе ја проширува дејноста

Поради драстичните промени во патничкиот превоз , како и начините за користење на автомобилите , од компанијата Порше сметаат дека нема да преживеат ако само произведуваат автомобили.

Ова е токму она што шефот за информатичка технологија и финансии на Порше, Лут Мешке, изјави за британскиот Autocar дека Порше не може да заработува од традиционалните автомобили. Се разбира, и натаму Порше ќе произведува автомобили кои обезбедуваат задоволство при возењето, но ќе мора да го диверзифицираат нивниот бизнис.

"Градовите сакаат да го намалат сообраќајот, затоа треба да најдеме решенија во рамките на нашата марка. Автомобилот не е доволен - нема да ни донесе значителен профит. Ако сакате парче од тортата, треба да размислите да инвестирате во други брендови или во сообраќајни решенија. Ако зборуваме само за автомобилите на Порше и подготвување за идна подвижност , тоа не е доволно. Треба да размислиме за инвестиции и да бидеме профитабилни во други индустрии “.

Мешке е многу јасен, велејќи дека 60% од нивните клиенти наскоро ќе живеат во големите градови, што значи дека ќе има помалку клиенти, особено колекционерите кои претпочитаат да имаат повеќе Поршеа. Затоа, ќе биде тешко да се постигне маргина од 15%.

И првото нешто што Порше го воведува е програма за лојалност, односно изнајмување на автомобилите „Порше“ преку месечно изнајмување кое обезбедува пристап до скоро сите модели. Истата програма ќе пристигне во Америка и Европа во наредните две години.

Ајкула изгриза Французинка пред нејзиното шестгодишно дете

Французинка остана без двете раце и едната града во напад на ајкула во едно од најатрактивните летувалишта на светот , во близина на полинезискиот остров Мооре.

Додека 35- годишната Французинка пливала во близина на брегот и ги гледала китовите, била нападната од ајкула. На страшниот настан сведоци биле нејзиниот шестгодишен син и другите членови на семејството. таа била пренесена во хотел , каде и била укажана прва помош.

„Видов жена без раце, левата рака и висеше. Ребрато на десната страна и беше отсечено. Имаше голема паника“, рече еден од сведоците за локална радио станица.

Според сведоците, Французинката била свесна кога била пренесена на брегот. Потоа, таа, наводно, го поставила прашањето: „Но, зошто ме одведовте таму ако не беше безбедно?“

Пожарникарот Жан-Жак Ривета изјави за АФП дека жртвата имала среќа што имало две медицински сестри во близина на несреќата, кои можеле да и дадат прва помош.

Жртвата изгубила многу крв и во тешка состојба била пренесена во болница на блискиот остров Тахити. Нејзината состојба е сериозна, но стабилна, велат од болницата. Околностите на нападот се во фаза на истрага.

Вистинско чудо го спасило возачот од сигурна смрт (ФОТО)

Пожарникарите од американската држава Џорџија снимиле страшни фотографии од сообраќајна несреќа во која џип Нисан се заби во камион со дрва.

Според фотографиите , вистинско чудо е што возачот ја преживеал оваа несреќа , зашто стеблата се забиле преку ветробранското стакло во целата кабина.

Возачот имал неверојатна среќа што во моментот на сударот се наведнал под седиштето за да собере нешто што му паднало. Во тој момент, камионот запрел и Нисанот удри во приколката. Пожарникарите морале да исечат скоро 40 трупци за да стигнат до повредениот возач. Им требало околу 15 минути да стигнат и сцената била страшна.

Началникот на пожарникарите Едвард О’Брајан изјави за Си-Ен-Ен дека било неверојатно. Повредениот возач бил пренесен во болница каде биле утврдени повеќекратни фрактури, но не опасни по живот.

притисни ентер