Почнува незадолжителната вакцинација од пневмокок и рота вирус

На денешната седница на Владата беше прифатена и Информацијата за прогресот на активностите во реализацијата на Акцискиот план за воведување на вакцинација за заштита од пневмокок и рота вирус.

Во текот на овој месец до службите за имунизација ќе бидат дистрибуирани по 90 илјади дози од обете вакцини. Почнувајќи од следниот месец, родителите коишто сакаат нивното дете да прими некоја од вакцините, ќе имаат можност за тоа.

Според светската здравствена организација, вакцината против Streptococcus pneumoniae ги штити децата од тешки заболувања, како пневмонија, отитис и менингит.

Со воведување на вакцинацијата против Rotavirus, смета СЗО, децата ќе бидат заштитени од тешка форма на дијареи, како и од компликациите предизвикани од истите, се наведува во соопштението од Владата.

Обвинителка Катица Јанева утре треба да се појави во Обвинителството за да даде исказ

Специјалната јавна обвинителка Катица Јанева чиј глас се слушна на снимките на италијанскиот медиум „Ла Верита" за случајот „Рекет", утре треба да се појави во обвинителството во улога на сведок за да даде исказ пред обвинителката  Вилма Русков

Јанева  во видеата на италијанскиот „Ла Верита“  му вели на Орце Камчев „се ќе биде добро" за што се правдаше дека го барала како сведок во предпостапка.

До сега за случајот кој ја тресе  македонската јавност и политичка сцена сведочеа обвинителките Лиле Стефанова која исто така беше спомната во снимките од страна на Орце Камчев, и обвинителите  Елизабета Јосифовска и  Бурим Рустеми, меѓу кои и шефицата на кабинетот на Јанева.

Фетаи: Не коментирам постапки на други Обвинителства

Пред денешниот почеток на судењето за предметот „Титаник 3", обвинителката Фатиме Фетаи од Специјалното јавно обвинителство одби да го коментира случајот „Рекет“, што го води Јавното обвинителство за борба против организираниот криминал.

– Не би можела да коментирам за тоа. Постапката „Рекет" ја води друго Обвинителство кое што е надлежно. За тоа навистина не сакам во ниту еден момент да се мешам, нагласи Фетаи.

Таа додаде најважно е тоа дека СЈО продолжува со својата работа.

– Ете денеска имаме судење за предметот „Титаник 3" кое е пред завршна фаза. Ние си продолжуваме со работа, потенцира Фетаи./МИА.

Трета фаза превентивна дезинсекција во Демир Хисар

Запрашувањето ќе се врши во периодот од 19:00 до 02:00 часот, со апаратура за УЛВ ладно запрашување поставена на пикап-возило.

 Центарот за јавно здравје-Битола денеска и утре ќе ја реализира третата фаза на превентивната систематска дезинсекција за уништување на комарците, согласно Законот за заштита на населението од заразни болести и препораките на Министерството за здравство, а врз основа на одлука на Советот на Општина Демир Хисар.

Запрашувањето ќе се врши во периодот од 19:00 до 02:00 часот, со апаратура за УЛВ ладно запрашување поставена на пикап-возило.

Со дезинсекцијата ќе бидат опфатени зелените површини во Општината, подрачјата по течението на реките и водотоците, застојни води и подрачјата околу каналниот систем на територијата на Општина Демир Хисар, урбани населби и локалитети предвидени во планот и програмата.

-Со информации за превентивната дезинсекција известени се и здруженијата на пчеларите, здравствените институции, локалната самоуправа и други институции, нагласуваат од ЈЗУ Центар за јавно здравје-Битола. 

притисни ентер