Британија и Бугарија со заедничка истрага за труењето со нервен отров

Бугарија ја истражува поврзаноста на труењето на шпионот Скрипал со нервен отров со труењето на трговец со оружје во Софија.

Бугарскиот државен секретар Сотир Цацаров изјави денеска дека Сергеј Федотов , осомничен за труењето на рускиот двоен шпион Сергеј Скрипал со нервен гас во Британија , три пати ја посетил Бугарија во 2015 .

Една од посетите на Федотов се поклопува со труењето на бугарскиот трговец со оружје , Емилијан Гебрев во април 2015. Лани во октомври дел од руските медиуми објавија дека Федотов е агент на руската воена разузнавачка служба ГРУ и третоосомничен за труењето на Скрипал во Британија.

Како што изјави денеска Цацаров , бугарските истражители собрале важни докази за престојот на Федотов во Софија во врска со истрагата за труењето на трговецот со оружје.

Москва ги отфрла наводите за каква било поврзаност со труењето на Скрипал , или на Гебрев или за нивна поврзаност со Федотов.

Британската амбасадорка во Софија , Ема Томсон денеска изјави дека Британија продолжува со блиската соработка со Бугарија.

Собраниската расправа за нов заменик-министер за здравство ќе продолжи по паузата

Собранието на Република Македонија ја прекина расправата по точката за избор на заменик-министер за здравство на денешната 120-та седница и даде пауза до 15.15 часот.

Премиерот Зоран Заев го предложи д-р Арменд Арслани, специјализант по урологија на Медицинскиот факултет при УКИМ, кој претходно работел како доктор по општа медина во Специјализираната болница за нефрологија во Струга.

Во образложението за назначување на Арслани, кој доаѓа од редовите на ДУИ, Заев рече дека е во тек негово професионално и научно усовршување како специјализант по урологија и уролошка хирургија, а од 2018 е член на Управниот одбор на специјализираната болница по Урологија во Струга.

Заев посочи дека во текот на својата професионална кариера Арслани редовно посетувал специјалистички семинари и учестувал на студиски престои во земјата и странство, со што го усвовршува своето образование. Тој, како што рече Заев, од неговите работи поврзани со медицината се издвојува работата на преводот на Водичот на Европската асоцијација на уролозите, со што има придонесено во теоретската надоградба на оваа област.

Опозицијата за време на расправата ја обвини власта за лоши политики во здравството, како и за предизборно зголемување на платите на специјалистите.

Пратениците на ВМРО-ДПМНЕ обвинија дека не треба нов заменик-министер за здравство, туку нов министер за здравство, бидејќи како што рекоа, работата на Венко Филипче е скандалозна и на сите анкети граѓаните се незадоволни од неговата работа.

Според нив, највисоките претставници на здравството се зафатени со корупциски скандали и разликата меѓу нив е само во тоа што дали некој бил фатен или ќе биде фатен во примање поткуп.

Тие обвинија дека изградбата на новиот Клинички центар од 500 милиони евра е прескапо, истакнувајќи дека до крајот на изградбата би можел да достигне и до 700 милиони евра.

Тие побараа од власта и да преземе конкретни мерки против загадувањето, бидејќи 16.000 граѓани во државава, како што посочија, се директно здравствено засегнати од загадениот воздух.

Заев рече дека треба да се признае сработеното на оваа Влада, додавајќи дека целиот медицински персонал треба да се задржи и да се мотивира да остане во земјава.

Посочи дека зголемените плати на матичните лекари, специјализантите и на медицинскиот персонал се во период од две и пол години во мандатот на оваа Влада.

– Две години и пет месеци сум јас претседател на Владата, немав можност да бидам четири години колку што е мандатот на претседател на Влада, од некои просечни примања од 42 до 45 илјади денари, вкупни приходи со дежурства, успеавме да достигнеме специјалистите во Клиничкиот центар да имаат 100 денари со ова ново покачување заедно со дежурствата, тоа е големо покачување од 42 илјади на 100 илјади денари, рече Заев.

Премиерот информираше дека очекува реализација на капиталниот проект за новиот Клинички центар, согласно објавената динамика. /МИА

Прва детска градинка во Сопиште

Прва детска градинка „Виножито" во која се згрижени триесеттина деца почна да работи во Општина Сопиште. Градинката е изградена и опремена со средства од ИПА програмата.

-Намера на Владата е постојано да го зголууваме инфраструктурниот капацитет за опфат на деца во предучилишно образование затоа што инвестицијата во децата помеѓу три и пет години е најважна. На тој начин децата покажуваат подобри резултати и во основно и во средно образование и натаму во економската продуктивнодст што ја даваат во државата, рече министерката за труд и социјална политика Мила Царовска.

Таа додаде дека во изминатиот период почнале со изградба на 43 градинки, и оти дел од нив се во тек на градба или во процес на доопремување. На ваков начин, рече министерката, сакаме да си го исполниме индикаторот што си го поставивме, а тоа е за период од четири години да се  зголеми опфатот на деца до 50 отсто, кој претходно изнесувал околу 30 отсто.

Сигурна сум, додаде Царовска, дека оваа инвестиција во децата од три до пет години на долг рок ќе има големи позитивни резултати за нашата држава.

Градоначалникот на Општина Сопиште Стефче Трпковски истакна дека детската градинка „Виножито" е изградена и опремена со средства од ИПА програма 2014 година.

– Во Сопиште ова е прва градинка. Се надевам дека за скоро време ќе почнеме со изградба и отворање на уште една градинка. Бројот и капацитет на дечиња во моментов е 30, а се надеваме на проширување на бројката, рече тој.

Градоначалникот додаде дека во општината има 623 деца кои чекаат згрижување во една ваква установа. Со отворањето на детски градинки во општината, додаде, не само што се задоволува потребата на згрижување дечиња, туку се намалува и притисокот врз соседните општини.

Директорката на градинката Светлана Матеска Трпеска истакна дека со вложување и инвестирање во детската заштита се дава шанса секое дете да се вклучи во воспитнообразовниот процес.

Ова, рече, е прва градинка во нашата рурална средина, што е од голема важност бидејќи секое дете добива шанса и можност за полесно вклучување во основното образование. /МИА

Во Црна Гора се појави ретка болест која ја пренесуваат животните

Во Црна Гора се појави ретка болест којашто ја пренесуваат животните. Паразитското заболување Лајшманиоза коешто го пренесуваат комарците, се појави во Колашин, јавуваат медиумите.

Болеста е смртоносна за кучињата, кои мора да се успијат кога ќе биде откриена болеста, а ризични групи кај луѓето се децата и лица со намален имунитет, пишуваат медиумите.

 Според управата за храна, ветеринарна и фитосанитарна болест, оваа болест е откриена и во Подгорица, Бар и Улцињ.

 Ветеринарот на Колашин, Саша Дрљевиќ објаснува дека лајшманиозата е паразитско заболување, кое се пренесува меѓу животните и од животните на луѓето со помош на мушички, поради што најчесто се појавува во потоплите краеви.

притисни ентер