КВАТРО ЧОКОЛАДНА ТОРТА

Рецепт на: Снежана Ангеловска

Потребни состојки за пандишпанот:  4 јајца, 50 гр.какао, 50 гр. шеќер, 70 гр. брашно и малку масло.

Потребни состојки за филот: 500 мл млеко, 2 чоколадни пудинга, 200 гр шеќер, 150 мл. вода, 100 гр. какао, 100 гр.млечно црно чоколодo, 100 гр, млечно кафеано чоколадо, 100 гр.горко црно чоколадо и 100 гр.бело млечно чоколадо

Постапка:

 Најнапред се подготвува пандишпанот.

 Се одвојуваат жолчките од белките.

 На белките се додава шеќерот и се матат со миксер неколку минути.

Во матените белки се додаваат жолчките и се мешаат полека.

Се додава просеано брашно и какао и малку масло.

Сите состојки добро се мешаат за да се добие хомогена смеса.

Смесата се става во калап со пекарска хартија и се пече 10 минути на 170 степени.

Додека се пече пандишпанот се подготвува филот.

2 пудинга се мешаат со шеќер и се варат со млеко.

Откако ќе се излади пудингот се меша со миксер.

Во тенџере со 150 мл. вода се става: 100 гр. шеќер, 100 гр. какао и по 100 гр. од сите 4 видови на чоколади

Тенчерето со состојките се става на рингла.

Состојките се мешаат се додека не се стопат.

Пандишпанот се сече на половина.

Врз првата половина се нанесува еден слој од филот и се става втората половина.

Потоа тортата целосно се филува и се украсува со чоколадни украси.

Близнакот Андреа роден два месеци по својот брат Алесандро

Две машки бебиња, близнаци родени се со два месеци разлика во место близу Милано..

Алесандро е роден на 24 декември, а братот Андреа на 22 февруари, што е исклучително ретка појава.

Четириесетгодишната мајка морала итно да биде хоспитализирана во декември 2018 и тогаш се родил Алесандро, роден во 24. недела од бременоста со само 800 грама. Благодарејќи на медицинскиот тим, постелката останала цела, па братот близнак продолжил да се развива во утробата на мајка си.

Од медицинска гледна точка тоа било исклучително сложена бременост со среќен крај, кога со 33 недели е роден Андреа со тежина од три килограми.

УНЕСКО: Нотр Дам не мора да биде ист како што беше!

Обновата на катедралата Нотр Дам мора да ги заштити универзалните вредности на тоа место, но тоа не значи дека црквата во Париз стара повеќе од 850 години, мора да биде реконструирана иста као што била.

Ова го соопштила делегацијата на УНЕСКО по состанокот со францускиот претседател Емануел Маркрон.

Како што се наведува во соопштението од кабинетот на Макрон, претставниците на УНЕСКо навеле дека се подготвени да помогнат во обновата на Нотр Дам, нарочито во давањето на техничка екпертиза, пренесе АП.

Генералната директорка на УНЕСКО Одри Азули изјавила дека мора да се почитува „Интегритететот и автентичноста “ на споменикот бидејќи тој е дел од светското културно наследство, но и дека тоа не значи дека црквата мора да остане непроменета“, информира АП.

Унеско, според наводите формално го признава правото на секоја генерација да учествува во наследството на човештвото, меѓудругото и со прилагодување на природните и историските процеси на промена со новите можности кои ги нуди напредната технологија.

Велигденска честитка на бискупот скопски и епарх струмичко-скопски Киро Стојанов

Бискупот скопски и епарх струмичко-скопски Киро Стојанов по повод празникот Христово воскресение – Велигден, што утре (21 април) го слават граѓаните со католичка вероисповед, упати велигденска честитка.

– Христијанскиот начин празнување на поедини настани од историјата на спасението не се само споменување на нешто што било, туку е доживување на нешто што постојано трае. Исус Христос во одредено историско време беше мачен и распнат, убиен и погребен во Ерусалим. Неговото материјално битие излезе од законот на нашата физика и во преобразеното тело и денес е присутен. Разбирливо дека поединостите на таквото тело нам не ни се познати, но тоа, што со очите на верата го гледаме и со душата веруваме не прави денес среќни, бидејќи е врв, а и извор на нашата вера: Христос е жив, воскреснат, прославен и сега е меѓу нас.

Како католичка заедница невообичаено сме збогатени со овој Велигден не само со празнувањето на таинството на верата, туку со фактот дека токму во тоа Воскресно време ни доаѓа во пасторална посета поглаварот на нашата Црква, папа Фрањо. Веруваме дека Тој ќе ни го навести Христовиот мир, ќе не охрабри и ќе ни ја зајакне нашата надеж да не се пребројуваме според бројот, туку да настојуваме својот живот да го направиме богат во даровите кои само Бог може да ни ги дарува. Во многу сфери на нашата цивилизација и култура полагаме испит на опстанок и затоа се молиме прославениот и воскреснат Бог, преку оваа Апостолска посета, да нѐ обнови во духот, зајакне во мирот и зацврсти во заедништвото со сите луѓе со добра волја што на ова земја и на сите граѓани во неа им посакуваат напредок, соживот, успех, а пред сѐ мир.

Нека доаѓањето на Папата, на секој верник и секој човек во нашата Татковина ги зајакне чекорите за мир, сигурност во животот и надеж за подобро утре. Со тие мисли се среќаваме во славата на Воскресението и нашиот Господ Исус Христос, што не прави способни да можеме искрено да порачаме: „Не бој се, стадо мало!" – Небесниот Отец ви го предаде Царството на животот. Христос воскресе!, се вели во велигденската честитка на бискупот скопски и епарх струмичко-скопски Киро Стојанов. 

притисни ентер