Македонските ракометари со убедлива победа го почнаа Мундијалот

Македонската ракометна репрезентација со убедлива победа од 38: 29 против Јапонија , го почна Свестското првенство.

Македонските репрезентативци  влегоа како фаворити во овој дуел, но Раул Гонзалес порача дека истата треба да се оправда на теренот, нешто што нашите избраници го одработија во салата во Минхен каде победата не беше доведена во прашање во ниту еден момент. Јапонија водеше само на стартот на мечот при резултат 4:3, но потоа серијата од 4:0 на нашата репрезентација значеше прво значајно одлепување, кое во продолжение од мечот само се надополнуваше.

Во вториот дел, македонските репрезентативци најчесто ја одржуваа предноста од пет гола, но во самата завршница комплетно го скршија отпорот на играчите од Азија, па така на крајот ја забележавме првата победа на мундијалот во Германија и Данска со конечни 38:29.

Кирил Лазаров со осум погодоци беше најефикасен играч на теренот, а исклучително добри во офанзивата беа и Дејан Манасков и Стојанче Стоилов кои постигнаа по седум погодоци. Извонредна работа денеска заврши и голманот Борко Ристовски кој со 20 интервенции ги откажа противниците. Со првата запишана победа, Македонија ја оствари посакуваната цел и ги освои првите бодови во групата, а идентично сценарио секако очекуваме и на мечот со Бахреин кој го играме в недела.

Скопје домаќин на Европскиот шампионат во шах во поединечна конкуренција

Претседателот на Европскиот шаховски сојуз г-дин Зураб Азмаипарашвили ги поздрави сите учесници и гости, укажувајќи на важноста на настаните како што се Европското првенство во шах. 

Европскиот шампионат во шах во поединечна конкуренција беше свечено отворен со пригодна церемонијата во хотелот Хилтон, во Скопје.

Претседателот на Европскиот шаховски сојуз г-дин Зураб Азмаипарашвили ги поздрави сите учесници и гости, укажувајќи на важноста на настаните како што се Европското првенство во шах. Тој им посака на сите играчи фер игра и добри резултати и го прогласи шампионатот официјално отворен.

Претседателот на шаховската федерација на Северна Македонија, Благоја Богоевски, им се обрати на присутните и им се заблагодари на Владата и Агенцијата за млади и спорт на Република Северна Македонија,  менаџментот на Хилтон и Европската шаховска унија за организација на Првенство.

Претседателот на Европскиот шаховски сојуз г-дин Зураб Азмаипарашвили му додели на директорот на Агенцијата за млади и спорт на Северна Македонија, Дарко Кaевски почесна плакета како симбол на благодарност за поддршка на настанот.

Г-дин Дарко Кaевски  не го криеше своето задоволство и истакна дека е многу среќен што во моментов во Скопје е во тек еден од најпрестижните шаховски настани ширум Европа  им се заблагодари на организаторите а посебно на Претседателот на шаховската федерација на Северна Македонија, Благоја Богоевски за целокупниот ангажман а исто така и на Европскиот шаховски сојуз.

Техничкиот состанок на настанот се одржа по церемонијата на отворање во салата за игра.

На состанокот претседаваше главниот арбитер, г-дин Ашот Вардапетјан, началникот на Апелациониот комитет, г. Адријан Михалчишин, и началникот на организациониот одбор, г. Благоја Богоевски. Распоредот и правилата на натпреварот беа објаснети на учесниците.

Првиот круг започнува денес во 15:00 часот по локално време, а емитувањето во живо на првите 50 одбори е достапно на официјалната веб-страна на шампионатот.

Видео: Ново ремек-дело на „волшебникот “Лео

Најдобриот светски фудбалер, Аргентинецот Лионел Меси одигра уште еден маестрален натпревар во дресот на шпанскиот шампион Барселона.

Меси имаше свое гол шоу на гостувањето во Севилја кај Бетис и со уште еден хет-трик обезбеди нова убедлива победа на Барселона, Бетис беше декласиран со 4-1.

Сите три гола на Меси беа приказни сами за себе, но сепак третиот беше гол што долго ќе се памети.

Волшебникот Лео по третиот гол во мрежата на Бестис доби овации од полните трибини.

Вознемирувачки сцени од Неапол – голманот на Наполи заврши во болница (ФОТО)

Наполи славеше на свој терен од серијата А по месец и пол пауза.

Наполи славеше победа против Удинезе , но победата и резултатот паднаа во втор план по драматичната сцена на теренот. Голманот на Наполи во четвртата минута доби удар во глава од напаѓачот на Удинезе, Игнацио Пусети.

Голманот Давид Оспина , откако му ја врзаа главата , продолжи да го брани голот на Наполи. Но , во 40. минута од натпреварот наеднаш падна во несвест.

Неколку моменти лежеше неподвижно на теренот , додека другите играчи не увидоа дека нешто страшно се случува и повикаа помош.

Оспина на носилки беше изнесен од теренот и однесен во болница , а медиумите наведуваат дека во моментов е буден и е во стабилна состојба.

притисни ентер