Кире Лазаров останува во Нант до 2021

Најдобриот македонски ракометар и капитен на нашата репрезентација , Кире Лазаров ќе настапува во тимот на француски Нант до 2021 година.

Лазаров доби продолжение на договорот со Нант за уште две сезони , односно до јуни 2021 година. До крајот на оваа сезона му истекуваше договорот на Кире , така што Нант реши да го задржи уште две сезони својот најдобар стрелец.

„Работата беше лесно завршена бидејќи желбата беше иста на двете страни. Кирил е еден од најдобрите играчи во светот и го покажа тоа и по неговото пристигнување во Нант. Оваа година тој има доминантна улога во резултатите на тимот. Затоа сакаме да ја продолжиме соработката. За клубот претставува големо задоволство што имаме играч од ваков калибар во нашите редови“ – изјави претседателот на Нант, Гаел Пелетие.

Задоволен од продолжувањето на соработката е и Кире Лазаров кој и на 38-годишна возраст.

„Среќен сум што соработката со Нант ќе продолжи и во наредните две годиниу. Дојдов во Нант бидејќи знаев дека тоа е тим што игра со карактер. Не беше лесно кога дојдов, дојдов со големи амбиции, но не зборував француски. За една година ситуацијата се смени многу. Сега во Нант се чувствувам многу добро, ми се допаѓа клубот и ги сакам неговите навивачи. Играњето овде пред полна сала е вистинска привилегија. Јас сум лојален човек и сакам да му возвртам на клубот за довербата што ми ја даде раководството“ – изјави Кире Лазаров за официјалниот сајт на клубот.

По сударот на Фетел , Хамилтон победи во драматичната трка во Монако (ВИДЕО)

Британскиот возач на Мерцедес , Луис Хамилтон победи на трката за Големата награда на Монако пред Себастијан Фетел и Валтери Ботас.

Екипата на Мерцедес и во оваа трка , како и во целата сезона имаше двојна победа , зашто и Хамилтон и Ботас се пласираа на првите места. Ферстапен имаше неколку шанси за да го помине Хамилтон , но пред крајот го допре ѕидот на патеката во Монако и остана без борба.

Ферстапен при излегувањето од боксот го удри Валтери Ботас и затоа доби пет секунди казна.

Ваквата ситуација сакаше да ја искористи Себастијан Фетел , кој се најде на втората позиција со големи шанси за неговиот тим Ферари.

Но и неговиот болид заврши неславно.

Гореше Торонто по влезот во првото НБА финале (ВИДЕО)

Торинто го слави првиот влез во финалето на НБА лигата , откако Рапторси ги победија Милвоки Бакс со 100:94 и го освоија Истокот.

Иако Канада се гледа како земја на хокејот , неверојатно славје се случи на улиците на Торонто по победата. Но , откако Винс картер заигра во Торонто , градот стана непрепознатлив , а навивачите се најбројни , најверни и најгласни во НБА лигата.

Десетици илјади дојдоа на натпреварот во Скотиабанк Арената , во која беше сепак претесно , така што навивачите заминаа на гледање под отоверено во паркот Џурасик , како што се нарекува подрачјето зад салата , каде имаше голем видеоѕид.

По историскиот успех , илјадници се радуваа не само во арената и во паркот , туку и низ цело Торонто.

,,Требаше да ми ја ампутираат ногата” – светски борец се бори со опасна инфекција (ВИДЕО)

Познатиот УФЦ борец Александер Волкановски ќе ја изгубеше ногата , а можеби и животот , да не беше веднаш хоспитализиран во болница во Чиле.

Тој по борбата на приредбата  УФЦ 237 , бил примен во болница во критична состојба и со силна инфекција на ногата. Волкановски  пред десетина дена во Рио де Женеиро го победи легендарниот Хосе Алдо.

На враќање кон Сиднеј , веќе му се слошило. Се симнал од авионот во Чиле , од каде требало да лета кон Нов Зеланд. Но , поради високата температура и отокот бил однесен во болница во Чиле, каде докторите откриле опасна бактериска инфекција.

,,Да седнев на вториот лет , инфекцијата можеше да се прошири на коските и тетивите , особено поради притисокот на воздухот во авионот. Беше толку сериозно што ми се закануваше ампутација на ногата. Постоеше шанса и да го загубам животот.” , раскажа борачот за американските медиуми.

 
 
 
 
 
 
 
 
 
 
 
 
 

Chile hospital update

A post shared by Alexander "The Great" (@alexvolkanovski) on

притисни ентер