Тенис

Алкараз: Сакам годината да ја завршам како прв светски рекет

Шпанскиот тенисер Карлос Алкараз ги кажа своите цели за до крајот на сезоната.

Оваа недела Шпанецот ќе настапи во Синсинати, каде лани стигна до финалето.

- Се разбира, секогаш се стремам кон првото место. Трката за АТП шампионатот е важна за мене. Сум фокусиран да играм одличен тенис на секој турнир, да добивам добри резултати и да победувам. А да ја завршам сезоната прво сега е една од моите главни цели. Затоа, навистина сакам да го постигнам тоа, изјави Алкараз.

Тој зборуваше и за својот одмор по Олимпијадата.

- Ми требаше да се исклучам од тенисот неколку дена. Мило ми е што повторно ќе играм овде, среќен што се враќам. Секако, има одлични спомени од минатата година. Стигнав до финалето и загубив од Новак Ѓоковиќ во многу интензивен, епски натпревар. Сакам да го играм овој турнир, па со нетрпение го очекувам, потенцира Шпанецот.

Во Синсинати, Алкараз е втор носител, прв фаворит за трофејот е Јаник Синер од Италија.

Регион

Момче загина во експлозија во хрватскиот град Книн, четворица се повредени

Синоќа дошло до експлозија во зграда во Книн.

Едно лице загинало, а четворица се ранети, објави Индекс.

Полицијата соопшти дека во 23.01 часот добиле дојава дека во станбена зграда во Книн се случила експлозија на неидентификувана експлозивна направа, при што едно лице загинало, додека четири лица се повредени и итно пренесени во болница. На местото на настанот се испратени сите служби за итна помош.

Вработени во Итната медицинска помош го пренеле повредениот во болницата „Хрватска општа и ветеранска гордост“ во Книн. Се уште не е позната тежината на повредите. Полициски службеници го обезбедуваат местото на инцидентот, а околностите за експлозијата ќе се утврдуваат со истрага.

Неофицијално, се дознало дека сите жртви се млади луѓе и дека несреќата се случила во подрумот на зградата каде се дружеле.

Свет

Украинска армија: Уништени повеќе од десет руски дронови што во текот на ноќта го нападнаа Киев

Украинските единици за противвоздушна одбрана уништија повеќе од десет руски беспилотни летала што во текот на ноќта го нападнаа Киев, соопшти денеска украинската војска.

Воената управа на Киев на мрежата Телеграм објави дека нема непосредни извештаи за штети или жртви во нападот со дронови и дека денеска ќе бидат објавени дополнителни информации за нападот.

„Дроновите летаа од различни правци кон Киев. Тревогата за воздушен напад во градот траеше повеќе од три часа“, изјави шефот на воената управа на Киев, Сергеј Попко.

Очевидци потврдија дека во текот на ноќта се слушнале експлозии во Киев, како и дека дејствувале украинските единици за противвоздушна одбрана. Засега нема коментари од Русија за овој напад.

Свет

Претседателски избори во Романија, најголеми шанси има десничарскиот кандидат

Романците денеска избираат нов претседател од 13 кандидати.

Романците денеска избираат нов претседател од 13 кандидати, а најголеми шанси имаат премиерот Марсел Чолаку, кој е поддржан од најголемата романска партија - Социјалдемократската партија и лидерот на десничарската Алијанса за обединување на Романците, Џорџ Симион.

Право на глас имаат нешто повеќе од 18 милиони Романци, а во странство живеат над 989.000 гласачи. Гласањето во странство почна завчера.

Најмладиот кандидат за претседател на Романија има 37 години, најстариот - 66. Меѓу нив има искусни политичари и претставници од различни професии - ветеринари, новинари и адвокати, поранешен генерал и поранешен офицер.

Главен фаворит на претседателските избори е актуелниот премиер Чолаку.

Гласањето ќе заврши во 21 часот по локално време.

притисни ентер