Словачкиот премиер Роберт Фицо на самитот на лидерите на Европската унија изјави дека украинскиот претседател Володимир Зеленски му понудил 500 милиони евра од рускиот имот во замена Словачка да гласа за членство на Украина во НАТО, пишува денеска Политико.

Како што рече Фицо за време на самитот во четвртокот, Зеленски и понудил на Словачка 500 милиони евра замрзнати руски средства, кои Словачка се очекува да ги загуби откако Киев ќе го прекине трансферот на руски гас преку Украина од 1 јануари.

Условот, според Фицо, бил словачка поддршка за пристапот на Украина во НАТО, а словачкиот премиер ја одбил понудата.

Зеленски ме праша дали би гласал за членство во НАТО ако ми даде 500 милиони евра руски имот, а јас секако реков „никогаш“, рече Фицо.

Зеленски во четвртокот објави дека Украина нема да го обнови договорот за транзит на руски гас преку украинска територија, кој истекува на 31 декември, за да ја спречи Русија да „заработи милијарди“ додека трае војната во Украина.

Оваа одлука предизвика загриженост кај Словачка, Унгарија, Италија и Австрија, чии државни енергетски компании во заедничка декларација повикаа на продолжување на транзитот на гас преку Украина.

Словачките медиуми објавија дека Зеленски и Фицо разговарале за ова прашање вчера, но дека деталите не се познати.

Светската музичка ѕвезда и актерка Џенифер Лопез е забележана на шопинг во Брентвуд, но не била сама. Имено, Џенифер ја следел висок млад човек кој не ја испуштал од пред очи.

Станува збор за новиот телохранител на познатата поп дива. Лопез за време на шопингот изгледа безгрижно и се насмевка на лицето, во опуштената прошетка со телохранителот.

Кон крајот на 2024 година, Џенифер Лопез си даде пауза и отиде на шопинг. Ова е секако една од најлошите години за неа и на личен и на професионален план, а нема сомнеж дека и таа ги брои деновите до доаѓањето на 2025 година.

Како што е познато, Бен Афлек и Џенифер Лопез се среде развод што го поднесе пејачката.

Актерот во последно време е често во друштво на поранешната сопруга, актерката Џенифер Гарнер и нивните деца.

„Има повеќе трофеи од моите години“.

Фудбалерите на Реал Мадрид го освоија премиерното издание на Интерконтиненталниот куп на ФИФА во средата во Катар.

Во финалниот натпревар одигран во Лусаил, актуелниот европски првак ја совлада мексиканската Пачука со 3:0 и освои нов трофеј. Капитенот на хрватската репрезентација и капитен на Реал, Лука Модриќ ги одигра последните 20 минути и на крајот го подигна пехарот.

Модриќ го освои 28. трофеј во дресот на Кралевите. Во 122-годишната историја на клубот од Мадрид, ниту еден фудбалер не освоил повеќе. Еден трофеј помалку има Даниел Карвахал, а два помалку има Начо кој летово го напушти клубот. Марсело и Карим Бензема имаат по 25 трофеи.

Kylian Mbappé finding out Modrić has more Real Madrid trophies than he has yeaes. 😂

pic.twitter.com/6kIuB3VC1k

— TC (@totalcristiano) December 20, 2024

На социјалните мрежи се појави снимка од соблекувалната на Реал на која 26 годишниот Килијан Мбапе дознава дека Модриќ освоил 28 трофеи во дресот на Реал: „Па, тој има повеќе трофеи отколку јас години “, изјави Французинот и ги насмеа колегите. Видеото веднаш стана вирално меѓу фудбалските фанови.