Македонија

Заев: Нема да дозволам педер, суетен новинар и криминалци да ја урнат Владата

„Секако дека нема да дозволам неколку криминалци, еден суетен новинар и да ме извини ЛГБТ заедницата еден педер да ја симнат оваа Влада од власт. Не. Ќе се бориме до крај затоа што секој кој се инволвирал секако ќе си носи одговорност, рече Заев.

Премиерот Зоран Заев изјави дека нема да дозволи индивидуалци ја срушат власта, верува во темелна и брза истрага за случајот „Рекет", којашто ќе ги покаже доказите за, како што вели, секој случај, вклучително и за Катица Јанева, Зоран Заев и за кој било.

Смета дека сега не е момент за предвремени избори со оглед на очекувањата за добивање датум за преговори за членство со Европската унија, повторувајќи дека октомври следната година е најидеален термин за избори.

– Верувам во транспарентни, многу прецизни и брзи истраги, посебно за ваквите случаи. Јавно отфрлив секаков вид шпекулации и споменувања со моето име и стојам целосно зад тоа. Оваа политичка гарнитура преку извршната власт создаде услови правосудството, Јавното обвинителство, да работи непречено без разлика дали некој бил газда на медиум што ја поддржувал власта, денеска тој е во притвор, изјави Заев, одговарајќи на новинарски прашања на приемот по повод 18 годишнината од потпишувањето на Рамковниот договор.

Тој дополни дека презумпцијата на невиност треба да се почитува без разлика дали е некој инкриминиран и има индиции за некој што е на висока позиција како што е и специјалната јавна обвинителка Катица Јанева.

– Без оглед дали е таа или кој било законот мора да важи еднакво за сите. Затоа повторуваме постојано дека очекуваме темелна истрага, презумпцијата на невиност ни дава обврска на сите да не го квалифицираме никој дека е виновен без докази, но секаде каде ќе се утврдат докази, секој кој е инволвиран со земање пари што се појавува во тој скандал, секој кој го прекршил законот треба да си одговара, рече Заев.

Според него, актуелната политичка гарнитура многу одамна испратила порака дека кај неа нема политички калкулации, напоменувајќи дека и кај кај како како и сите држави коишто создавале услови органите на прогонот да си ја вршат работата процесите не биле лесни, туку трауматични. – Секаде било трауматично. И кај нас не е лесно и е трауматично, но така ќе бидеме правна држава која што ја посакуваме сите, рече Заев.

Во однос на шпекулациите, како што рече, коишто одат дотаму, обидувајќи се да го инволвираат во случајот, порача дека дошол на власт благодарение на гласот на граѓаните, борејќи се за слобода, демократија, правна држава, владеење на правото и нормална земја и оти ќе продлжи да се бори за тие вредности.

– Јас сум човек борец и ќе продолжам да се борам за овие вредности до крај додека граѓаните ми даваат позиција. Секако дека нема да дозволам неколку криминалци, еден суетен новинар и да ме извини ЛГБТ заедницата еден педер да ја симнат оваа Влада од власт. Не. Ќе се бориме до крај затоа што секој кој се инволвирал секако ќе си носи одговорност, рече Заев.

Прашан дали смета дека Јанева го изневерила рече дека „за него е идиотски настапот засега согласно со досегашните докази". – Очекувам истрагата да ги покаже доказите за секој случај, вклучително за Катица Јанева, Зоран Заев, за кој било случај. Апсолутно само така ќе покажеме дека има владеење на правото, изјави Заев, посочувајќи дека и народот чека разрешница која што смета дека ќе ја донесе истрагата, а се друго, како што нагласи, е политиканство и политики.

Технологија

Кои се најпродаваните мобилни телефони во првиот квартал?

Телефоните од два производители доминираат на листата на најпродавани телефони во првите три месеци од оваа година.

Според резултатите од истражувањето на аналитичката компанија „Counterpoint Research“, „Apple“ и „Samsung“ доминираат на листата на топ-10 најпродавани паметни телефони во првиот квартал од 2024 година.

Најпродаван телефон во периодот јануари-март е „iPhone 15 Pro Max“, од „Apple“, со пазарен удел од 4,4%.

По него следат „iPhone 15“ и „iPhone 15 Pro“ на второто и третото место. На четвртата позиција по продажба се најде „iPhone 14“, кој беше најпродаван телефон во истиот период минатата година.

Петтото место го зазема првиот телефон кој не доаѓа од понудата на „Apple“, а тоа е „Galaxy S24 Ultra“ на „Samsung“.

Истражувањето на „Counterpoint“ покажува некои други интересни трендови во телефонската индустрија во првите месеци од оваа година:

• за прв пат, сите модели во топ-10 имаат „5G“ способности;

• трендот на купување на премиум модели е очигледен, бидејќи седум од 10 модели припаѓаат на премиум сегментот (цена од 600 долари или повеќе);

• потрошувачите побавно ги менуваат своите постоечки телефони, бидејќи надградените модели нудат помалку разлики во функциите.

Последната ставка доведува до тоа потрошувачите да претпочитаат да се одлучат за премиум модели на телефони, со премиум карактеристики, за да се осигураат дека нивните уреди ќе останат технолошки релевантни во годините што доаѓаат.

„Counterpoint Research“ предвидува дека 10-те најпродавани паметни телефони ќе заземат поголем дел од вкупната продажба на паметни телефони во иднина, бидејќи производителите се фокусираат на понудата на помалку модели што ќе се пофалат со врвни карактеристики, вклучувајќи го и „GenAI“.

Извор: Б92

Македонија

Самит на „Македонија 2025“ на 15 и 16 мај во Скопје

Над 400 гости, околу 50 панелисти поделени на 12 панели и три главни говорници ќе има на годинашниот Самит во организација на невладината „Македонија 2025“, што на 15 и 16 мај ќе се одржи во Скопје.

Над 400 гости, околу 50 панелисти поделени на 12 панели и три главни говорници ќе има на годинашниот Самит во организација на невладината „Македонија 2025“, што на 15 и 16 мај ќе се одржи во Скопје, на кој главен фокус ќе биде како да дојдеме до повисоки стапки на раст на економијата.

-На Тринаесеттото издание на Самитот на Македонија 2025 ќе бидат обработени теми како да дојдеме до повисок економски развој, подобра регионална соработка, лидерство, развој на семејни бизниси, дигитална трансформација на бизниси, механизми за намалување на корупцијата. Ќе порачаме дека ние како организација сме спремни и отворени за поддршка на новата влада за постигнување на повисоки стапки на раст од 5 или 6 проценти и за начинот како да дојдеме до тоа, истакна извршниот директор на „Македонија 2025“ Никица Мојсоска Блажевски на денешната средба со новинарите.

Во периодот од мај 2023 до мај годинава, како што кажа, „Македонија 2025“ имплементира околу 40 програми, во септември лани организира Хуманитарна гала во Америка на која се собраа финансиски средства за имплементација на програмите на невладината организација.

-Таму успеавме да собереме околу 450 лица од нашата дијаспора кои се надевам дека во иднина ќе придонесуваат повеќе во развојот на „Македонија 2025“, рече Мојсоска Блажевски.

Нагласи дека „Македонија 2025“ пред два месеци излезе со програма „Една визија за забрзан раст“ со која планира да влијае врз носителите на политики за да има побрз и поголем просперитет во државава.

-Изминатите месеци повеќе бевме фокусирани на разговори со политичките чинители. Се обидувавме да ги убедиме да применат или во идните програми да предвидат мерки и активности за кои сметаме дека се клучни за развојот на Македонија, почнувајќи од намалување на корупција, зголемување на конкурентноста на компаниите, дигитализација на владини услуги и подобрување на односите со дијаспората, потенцира Мојсоска Блажевски.

Во деновите до почетокот на Самитот, додаде, „Македонија 2025“ ќе организира околу пет предавања на високообразовни институции и исто толку работилници во коморите и во некои компании со совети како да растат бизнисите, но и неколку средби со државни институции во областа на дигтализацијата, економијата и привлекување на инвестиции, како и со политичките партии.

Македонија

Во Штип од утрово гласаат 208 болни и немоќни лица, а во Затвор-Штип 206 осуденици

Без проблеми се одвива гласањето на болните и немоќни лица во Општина Штип, информира денеска за МИА претседателот на Општинската изборна комисија (ОИК)-Штип, Виктор Вацев.

Вкупно 208 болни и немоќни лица ќе го остварат своето право на глас на двојните избори, односно гласаат за вториот круг на претседателските избори и за парламентарните избори.

МИА беше на терен со членовите на Избирачкиот одбор 2282 во штипската населба Железничка. Претседателот на ИО 22 82, Марјан Арсов информира дека денеска своето право на глас го остварија три болни и немоќни лица. За утре им е подготвено избирачко место, кое ќе го отворат во 7 часот, а ќе го затворат во 19 часот.

-Согласно правилата од ДИК, имат право еднаш да пристапат и треба да се изјаснат дали ќе гласаат за двата вида на избори или само за едниот. Во зависност од нивната одлука така ќе се спроведе гласањето, односно ќе добијат едно или две гласачи ливчиња, изјави Марјан Арсов, претседател на ИМ 2282-Штип.

Во штипската приградска населба „Железника“ гласаа 76 годишната Слободанка Гошова и 81 годишната Митра Арсова. Велат дека секој треба да го искористи своето демократско право.

- Треба да се излезе на гласање, се знае гласање што е, треба да се излезе, изјави Митра Арсова.

Слободанка Гошева пак вели дека неколку години гласа во домашни услови и добро е што се овозможува на болните и немоќни лица да гласаат.

- Обавезно, обавезно треба да се гласа, посебно младите. Ние кога можевме дотерани одевме на гласање, бидејќи тоа е свечен чин, изјави Гошова.

Во 7 часот наутро беше отворено и избирачкото место во Казнено поправната установа – Затвор – Штип. Андријана Хаџи Николова, заменик претседател на Избирачки одбор вели дека гласањето се одвива без проблеми.

- Имаме 206 избирачи и во двата избирачки списоци, за претседателсио и за парламентарни избори и досега има излезено 71 гласач, вели Хаџи- Николова.

Излезност во Затвор Штип до 11 часот е скоро идентичен со првиот круг претседателски избори, односно, своето право на глас го искористиле 35 проценти од избирачите.

притисни ентер