За многумина беше шок пуштањето на Катица Јанева во домашен притвор без притоа судот да не побара финансиска гаранција. И од тој момент, почнаа да работат „гранапите“ но и „фабриките“ за шпекулации и оговарања.
Додатно, започна и ново „реално шоу“, во кое во куќата на „праведниот брат“ влегоа Вилма Рускоска и судиите од Апелација кои одлучуваа за притворот на Катица, за да тие самите си докажат - кој е „на прав пат“, а кој има намера да го „обнови“ правосудниот систем.
Последните вести се овие:
Вилма Рускоска, фуриозна и вино разочарана се „закани“ дека ќе започне финансиска истрага против судиите, кои според нејзе, не требале да дозволе домашен притвор за сињора Катица.
Судиите го возвратија ударот, и неофицијално се дознава дека денес ќе поднесат пријава против Вилма Рускоска, за наводни закани по пат на СМС пораки.
Неколку дена пред ова, дознавме дека Фросина Ременски и таа ќе поднела преставка до МВР, ама овојпат нема да ги „тужи“ судиите или Рускоска, туку самите МВР.
Причината за оваа преставка е што МВР направиле претрес во нејзиниот дом, и наводно пронашле доверливи „строга тајна“ документи, а таа не била во тој момент присутна во домот. А што бараат строго доверливи документи во домот на Ременски...тоа веројатно е дозволено за сите оние кои имаат сертификат за државна тајна. Само се прашуваме дали и почитуваниот колега Сашо Орданоски, кој потврди дека поседува највисок сертификат за државна тајна, има ваков „табиет„ како Ременски?
А малку пред оваа изјава на Ременски, според нашите информации, во обвинителството како сведоци беа повикани преку 80 лица кои биле на директен или индиректен начин поврзани со аферата Рекет.
Јавен интерес е да дознаеме дали исказите на тие наши сограѓани имплицираат сериозна инволвираност и на други лица во овој скандал, и веруваме дека ако е тоа точно, обвинителството ќе има дополнителна работа.
Во меѓувреме , Канал 5 ТВ чека речиси 4 месеци за конечна реакција од ОЈО по повод нашата кривична пријава за лицето Саше Ивановски, а „Ведетите“...си знаат тие што сакаме да кажеме.