Развојот на науката и технологијата денес наметнуваат брзо, динамично темпо на живеење кое е пропратено со постојан притисок за повеќе работа, повеќе заработка и непрестано освојување на нови позиции, во општеството, во економијата и во животот. За жал ваквото темпо денес остава многу малку простор за здрав начин на живот!
Зошто е важно да имаме здрав начин на живот?
И покрај големиот напредок на медицината, голем број на болести денес, како на пример кардиоваскуларните болести, дијабетот, деменцијата и неуродегенеративните болести, заболувањата на коскено зглобниот систем и други болести се во постојан пораст и водечка причина за смртност или инвалидитет на населението во развиениот свет. Едноставно, модерното живеење не го поддржува здравјето, зошто денес луѓето имаат се помалку време за квалитетна исхрана, редовна физичка активност, и грижа за психичкото здравје со релаксација, одмор и квалитетен сон, што е директна причина за појава и развој на широк спектар здравствени проблеми. Токму затоа водењето на здрав начин на живот значи и добра превенција од појавата на хронини болести, и одржување на виталноста и благосостојбата на организмот до длабоко во староста. Тоа треба да ви биде доволна мотивација, а ние со препораките дадени подоле ќе ви помогнеме полесно да направете целосен план и рутини за остварување на мисијата!
Што значи здрав начин на живот?
Експертите велат дека за да постигнете здрав начин на живот важно е да се фокусирате на следните 3 клучни аспекти:
здрава исхрана,
физичка активност и
психичко здравје.
Само водењето грижа за сите 3 клучни фактори ќе ви обезбеди добри резултати на долг рок.
Што треба да избегнуваме во исхраната и што претставува здрава исхрана?
Овде нутриционистите се речиси едногласни! Ако сакате здрав начин на живот, направите ги следните промени во исхраната.
Колку можете повеќе од исхраната да ги елиминирате брзата и процесирана храна која е полна со адитиви, конзерванси и токсини, како и храната со додадени рефинирани шеќери (кондиторски производи, слатки и засладени сокови), бели брашна и процесирани, хидрогенизирани масти. Внесот на ваква храна доведува до зголемена токсификација и оксидативен стрес на организмот, појава на воспаленија и развој на болести на метаболизмот, а едновремено го намалува и имунитетот.
Избегнувајте го внесот на конвенционално–индустриски одгледана храна од животинско потекло и секаков вид месни или млечни преработки. Животинските продукти како месото, млекото и јајцата треба да бидат застапени во здравиот начин на исхрана, но само доколку се органски и домашно одгледани на природен начин.
Здрав начин на живот значи секојдневно, обилно внесување на различни видови зеленук. Овошјето исто така е важно и треба да биде застапено секојдневно во исхраната, но умерено, еден до два плода на ден, а предност дадете на овошјето со понизок ГИ и изобилство на антиоксиданти, како шумското овошје. Најголем дел од овошјето и зеленчукот треба да ги внесуваме свежи, во салати, смудија или како ужинка, а само помал дел термички обработени како додаток на оброкот.
Продуктите направени од брашна од житарки (леб, пецива и тестенини) заменете ги со внес на цели зрна од житарки, приготвени во салати или варива, или најдобро замнете ги со мешунки семиња и јаткасти плодови, кои имаат избаланзиран нутритивен состав, повеќе протеини, влакна, витамини и минерали, а помалку јаглехидрати од житарките, со што се подобри и за одржување на здравјето и за регулирање на тежината.
Внесувајте и природно ферментирани производи кои се неопходни за добро здравје на цревната микрофлора која влијае на целото здравје. И секако не ја заборавајте хидрацијата на организмот. Водата е неопходна за сите животни процеси и затоа секогаш хидрирајте го телото со свежа вода или незасладени билни чаеви.
Колку физичка активност е потребна?
Физичката активност треба да биде составен дел од промените кон здрав начин на живот, треба да биде редовна, но сепак умерена. Зависно од возраста, физичката способност или времето, обидете се барем 3-4 пати во неделата да практикувате возење точак, активно пешачење, пливање, пилатес или фитнес, што и да одберете придржувајте се кон поставениот план и рутини и резултатите нема да изостанат.
Како да се справиме со стресот и психичкото здравје?
Денес стресот е големо, секојдневно оптеретување од кое се чини нема излез. Постојаниот стрес сериозно може да го наруши здравјето затоа учењето како да се справиме со стресот е неопходно за да постигнеме здрав начин на живот. И овде е потребен план и рутина, изберете јога, медитација, релаксација во природа, или спорт и рекреација и секогаш одвојте доволно време за одмор и доволно сон кој е неопходен и за здравјето на телото и за духот. Што и да ви одговара, бидете постојани, упорни и работете на намалување на стресот, бидејки без добро психичко здравје не постои здрав начин на живот.
Здравјето денес е поважно од кога било. Следете ги дадените совети, поставете план и не се откажувајте. Потрудете се колку повеќе можете да се храните добро, да вежбате и да го намалите стресот. Но доколку не можете да постигнете се не грижете се, многу нутриционисти и здравствени консултанти препорачуваат дека секогаш можете на исхраната на внесете природни додатоци на Натура Терапи кои се базирани на растителни екстракти, минерали, витамини и други нутриенти кои научно докажано можат да помогнат во одржување на здравјето, заштита од болестите и регулирање на тежината. Квалитетните додатоци на исхраната нека бидат ваша мала тајна и ефикасна кратенка за постигнување на подобри резултати кон остварување на мисијата за здрав начин на живот.