Забава

Жители на сибирски град бараат мачор за градоначалник!

Дури 91% од анкетираните изјавиле дека би гласале за мачорот Барсик!

На жителите на сибирскиот град Барнаул им е смачено од корупцијата и непотизмот на локалните политичари. Во онлајн анкета, 18 месечниот мачор Барсик доби неверојатни 91% од гласовите на анкетираните 5 400 граѓани, со што ги победи сите „човечки“ кандидати!

List of candidates that includes proposed cat. The feline contender called Barsik was put on to the ticket via the Russian social media website Vkontakte.

Градот Барнаул има 700 000 жители и лоциран е 3 600 километри источно од Москва.

- Луѓето веќе не знаат кому да му веруваат. Дојдоа до заклучок дека на локалните политички авторитети сигурно не можат да им веруваат - вели пензионерот Евгениј Казнецов.

Досегашниот градоначалник Игор Савинцев, кој на позицијата бил од 2010 година, се повлекол во август годинава по тежок корупциски скандал со кој било поврзано неговото име. Тој наводно го распродавал општинското земјиште на фирми во сопственост на членови на неговото семејство и со тоа ја оштетил градската каса за 11 милиони рубљи ( 157 000 долари).

Еден од администраторите на онлајн анкетата на која победи Барсик, лансираше иницијатива да се соберат пари да с еподигне билборд со мачорот на кој ќе пишува: Само глувците не гласаат за Барсик!


/ извор: wort.lu

Свет

Белгискиот Универзитет во Гент ја прекина соработката со три израелски институции

Белгискиот Универзитет во Гент (UGent) ги прекинува врските со три израелски образовни и истражувачки институции поради тоа што повеќе не се усогласени со политиката за човекови права на Универзитетот, изјави ректорот Рик Ван де Вале.

- Прекинати се врските со Технолошкиот институт Холон, Истражувачкиот институт МИГАЛ Галилеја и Центарот Волкани, што врши земјоделски истражувања. Во моментов ги оценуваме тие три партнери како (многу) проблематични според тестот за човекови права на Универзитетот во Гент, за разлика од позитивната оценка што ја дадовме на овие партнери на почетокот на нашата соработка, посочи Ван де Вале.

Тој додаде дека соработката е прекината поради поврзаност со израелските министерства и поддршката на армијата во операциите во Појасот Газа.

Пропалестински демонстранти во Гент протестираа против израелската воена офанзива во Газа и окупираа делови од Универзитетот од почетокот на мај.

Демонстрантите ја поздравија одлуката на Универзитетот во Гент, но ја оценија само како прв чекор. Тие најавија дека ќе продолжат со блокада на делови од образовната институција „додека Универзитет не ги прекине врските со сите израелски институции“. /МИА

Фото: Фејсбук на Гент

Македонија

Одбележани 81 година од смртта на првоборецот Иљо Антески Смок во Тетово

Во Тетово денеска се одбележаа 81 година од смртаа на првоборецот Иљо Антески-Смок. Одбележувањето се одржи пред неговиот споменик во населбата Два бреста каде повеќе делегации положија букети цвеќе, а беше одржан и историски час за негово дело и лик

-Иљо Антески Смок загина на неполни 24 години и немаше можност и среќа да ја почувствува и да ја дочека слободата во која толку многу веруваше. Тој како член на Мавровско-гостиварскиот одред во април 1943 во битката кај Ново Село, Гостиварско бил заробен заедно со 12 други соборци од балистичките одреди кои служеле на италијанскиот окупатор. Подоцна фашистите го осудуваат на смрт, а на денешен датум 17 мај во 1943 година Иљо е обесен. При бесењето извикува „Смрт на фашизмот-слобода на народот“ и самиот го поттурнува столчето за да биде обесен, беше истакнато во пригодниот реферат од наставникот по историја, Љубиша Марковиќ.

Во Тирана покрај Иљо Антески Смок, италијанските фашисти осудиле на смрт и обесиле уште петмина други негови соборци Душко Поповиќ, Раде Угриновски, Христо Оџаклиески, Драги Тодоровски и Трифко Андоновски. /МИА

Свет

Унгарија стави вето на резолуцијата на Советот на Европа за Украина

Унгарскиот министер за надворешни работи Петер Сијарто денеска изјави дека Унгарија стави вето на резолуцијата на Советот на Европа со која се признава планот на претседателот на таа земја, Володимир Зеленски, како единствен предлог за мир во Украина.

„Советот и денеска сакаше да донесе резолуција со која сакаше да го признае мировниот план на претседателот Зенески како единствена мировна формула која треба да се разгледа и поддржи. Тоа за нас е неприфатливо. И други направија мировни планови што не полоши“, напиша Сијарто на Фејсбук.

Тој изјави дека ставил вето на резолуцијата бидејќи бил одбиен неговиот предлог во неа да се вклучат и други мировни планови. /МИА

притисни ентер