Шоу биз

Жерар Депардје го нападна Кустурица со навреди - тој возврати брутално!

Не може да се влезе во трага на патологијата на Депардје - вели Кустурица откако беше изнавреден од францускиот актер кој го нарече Кустурица „лажго и измамник“, „ужасен лик кој Србите го презираат и кој се претставува дека е Србин а не е“, „се претставува дека е популарен а не е“...

Депардје не застана тука - рече дека е апсурд што една убавица како Моника Белучи, која ја игра главната улога во филмот на Кустурица „На млечниот пат“, се согласила да работи со Кустурица , кај кого е „се лажно“.

Во првата реакција, Кустурица врати со иста мерка.

- Замислете кога јас би рекол за Депардје дека е распаднат алкохоличар, измамник кој поради даночни олеснувања а не поради љубов кон руската култура зеде руски пасош, дека е неморално дртало кое не може да ја издржи вистината дека Русите ги сакаат моите филмови и музиката која ја свирам, како и Французите - рече Кустурица.

- Замислете кога јас за Депардје би рекол дека од допадлив млад човек с епретвори во буре и дека нема принтер кој ќе ги затне сите дупки низ кои тече мев, дека наместо мала нужда во првата класа на „Ер Франс“ остави зад себе гом.о, клептоман кој своето работничко потекло го докажува гласајќи за Саркози а кога ќе ја заврши рекламата за шпагети ги краде садовите - вака гласеше првата реакција на Кустурица на навредите од Депардје, во изјава за порталот „Искра“.

Emir Kusturica

Но откако се смирија првите впечатоци, Кустурица во изјава за Блиц признава дека се изненадил од навредите на Депардје.

- Јас тој човек го сретнав еднаш пред 20 години, требаше да го правиме филмот „Собарката од Титаник“. Потоа се видовме на премиерата на мојот филм „Марадона“ во Париз, и подоцна сите наши средби беа срдечни. Нема тоа причинско - последична врска - вели Кустурица за Блиц.

- Тоа нешто му дошло од главата,пртпоставувам. Како во случајот со Жилиет Бинош. патологија на која не можеме да и влеземе во трагата - изјави режисерот.

Имено, Депардје во 2010 година се прашуваше „зошто Жилиет Бинош е ценета кога во неа нема ништо“?

Свет

Блинкен го повика Хамас да се согласи за примирје за да им помогне на луѓето во Газа

Хамас соопшти дека ќе одговори „во многу краток период“ на предлогот.

Највисокиот американски дипломат Антони Блинкен го повика Хамас да го прифати планот за примирје во Газа и покрај израелското предупредување дека армијата ќе продолжи да се бори против палестинската милитантна група по каков било прекин на огнот.

Посредниците предложија договор за примирје со кој би се запреле борбите на 40 дена и би се размениле заложници.

Хамас соопшти дека ќе одговори „во многу краток период“ на предлогот.

„Хамас треба да каже „да“ и треба да го заврши тоа“, рече Блинкен синоќа додека беше во Израел на својата седма турнеја на Блискиот исток од почетокот на конфликтот во октомври.

Тој подоцна додаде: „Ако Хамас всушност тврди дека се грижи за палестинскиот народ и сака да види итно олеснување на неговото страдање, треба да го прифати тој договор“. /МИА

Свет

Фон дер Лајен во посета на Либан

Претседателката на Европската комисија, Урсула фон дер Лајен денеска во придружба на шефот на кипарската држава Никос Христодулидес ќе престојува во посета на Либан.

Како што соопшти Европската комисија, предвидено е Фон дер Лајен и Христодулидес во Бејрут да се сретнат со либанскиот премиер Наџиб Азми Микати и со претседателот на Парламентот, Набих Бери.

Либан нема претседател од октомври 2022 година кога истече мандатот на дотогашниот шеф на државата Мишел Аун, а Парламентот од тогаш не успеа да обезбеди мнозинство за избор на негов наследник.

Според најавите, се очекува Фон дер Лајен и Христодулидес на своите либански домаќини да им претстават пакет економска помош за земјата за справување со проблемот стотициите илјади сириски беглаци за кои постои стравување дека би можеле да се упатат кон Кипар, во обид да дојдат на територијата на ЕУ.

Дополнително на средбите ќе стане збор и за билатералните односи, безбедносните предизвиците со кои се соочува Либан и неопходните рефоми во земјата. /МИА

Македонија

Битиќи и кандидатите од ИЕ2: Во коалиција сме со граѓаните за европска Македонија

Во видео пораката на Битиќи и дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Билјана Муиќ), се вели дека имаме избирачки процес кој доликува на една европска и демократска државата.

„Ја слушнавме и прифативме пораката која ни ја упативте на 24-ти април. Го имавте тоа право и слобода да ни ја испратите таа порака во фер и демократска атмосфера, која грижливо ја градевме седум години“, вели во видео обраќање Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Во видео пораката на Битиќи и дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Билјана Муиќ), се вели дека имаме избирачки процес кој доликува на една европска и демократска државата.

„На избирачките места не ве принудувавме да климате со главата, кога на ВМРО ДПМНЕ идеалот им беше од типот на 'човечињата идаат и гласаат и ќутат' - имавте можност својот глас да го дадете без страв и уцени. Слободно!“, се порачува во видеото.

„Демократијата не напредува во молк и согласување, со уцени и закани, таа бара дијалог, со вас, граѓаните. Затоа и ве слушаме, ги прифаќаме критиките, се поправаме. Ние сме партија која работи и греши, но и се поправа, а за тоа имаме јасен план и програма. А тоа нема сами да го направиме, во коалиција сме со вас за да ги одбраниме нашите европски вредности и нема да се откажеме од борбата за напредна и прогресивна Македонија“, се вели во видео обраќањето на Битиќи заедно со дел од кандидатите и кандидатки за пратеници на Коалицијата за европска иднина во ИЕ2.