Шоу биз

Земјотрес во Холивуд: и Дастин Хофман обвинет за сексуален напад

Холивуд го тресе најголемиот скандал досега . По серијата сведоштва за сексуални напади од продуценти и актери , излезе и сведоштво за Дастин Хофман .

Писателката Ана Грем Хантер тврди дека актерот Дастин Хофман, кој има 80 години, ја пипкал за интимните делови за време на снимањето на филмот „Смртта на еден продавач“ .
„Тој на мојот прв ден на сетот ме замоли да му ги измасирам нозете, што и го сторив“, пишува Хантер во текст за „Холивуд репортер“.
„Дастин отворено флертуваше и ме фати за задникот, постојано зборуваше за секс со мене. Едно утро отидов во неговата гардероба да го земам својот појадок, ме погледна и се насмевна. Потоа рече: ‘Имам цврсто варено јајце… и меко варен клиторис’. Останав без зборови. Потоа отидов во бањата и плачев “, пишува Хантер .
Таа тврди дека од страна на претпоставениот ѝ било кажано да го поправи своето однесување. Тој ѝ рекол да жртвува некои од своите вредности за доброто на филмот.
„Сега, кога имам 49 години, разбирам што направи Дастин Хофман бидејќи така се чувствуваат жените во Холивуд и насекаде“, пишува таа навраќајќи се наназад. „Тој беше предатор, јас бев дете, а тоа беше сексуално вознемирување“.
Хофман на написот во „Холивуд репортер“ одговори со извинување: „Јас имам најголема почит кон жените и се чувствувам ужасно што некоја моја постапка ставила некого во непријатна ситуација. Жал ми е. Овие постапки не се одраз на тоа кој сум јас“, напиша Хофман во извинувањето.

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.

Кошарка

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.

Македонија

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, утре Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска-Давкова на ВМРО-ДПМНЕ и Стево Пендаровски на СДСМ.

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои?

Лојален на ветеното или на партијата, каков претседател сакаат граѓаните?

Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот?

Продолжување на европскиот пат или отворање на Пандорината кутија, што ќе се случува на 9 Мај?

Утре во Само Вистина последното ТВ соочување кај Гоце Михајлоски со Гордана Сиљановска -Давкова и Стево Пендаровски во решавачкиот ПРЕТСЕДАТЕЛСКИ ДУЕЛ ЗА МАКЕДОНИЈА... Веднаш по вестите.