Ќе се засилува информираноста на земјоделците од придобивките на осигурителните полиси за посевите. Во време на се поизразени негативни влијанија на временските услови врз посевите осигурувањето останува како најефикасен начин на заштита на земјоделците на своето производство под отворено небо.

- Купувањето на полиси за земјоделско осигурување преставува најефикасен начин за тоа како земјоделците да се справуваат со ризиците со кои се соочуваат во однос на овие временски неприлики рече Климе Поповски директор на агенција за супервизија на осигурувањето

Асоцијацијата на осигурително брокерските друштва со платежната агенција на министерството за земјоделство потпишаа меморандум за соработка со кој ќе се опфата што помасовен број земјоделци за да им се објаснат предносите од осигурувањето, да се слушнат и нивните потреби за модели за осигурување на производство и да се искористат поволносите што државата покрива 60% од полисата а во случај на осигурување преку задруга и до 80% од трошоците ги покрива државата.

- Сега оваа година имаме рекордни 35 милиони денари наменети за осигурувањето на земјоделските посеви. Нашата цел и ние ќе сметаме дека мерката е успешна ако 100% од овие пари би се искористиле бидејќи тие се пари се наменети за земјоделците и не се пари наменети да ни останат во нашата програма рече Зоран Коњановски заменик министер за земјоделство

Моделите на осигурување прецизно ќе зависат од секоја компанија и од специфките на секој земјоделец но ориентационо за еден хектар лозје со очекуван род од 10 тона осигурителната полиса е 140 евра од кои земјоделецот плаќа само 55 евра. Но во случај на некоја елементарна непогода- поплава или град или било што друга тој од осигурителната компанија би добил 1600 евра односно исто како нивата да родила и родот да се продал. Ваква слична е сигурноста и за сите други земјоделци кои ќе се одлучат да го осигураат своето земјоделско производство..