Заврши Фестивалот на дувачки оркестри во Пехчево

 Со концерт на екс-ју звездата Ален Исламовиќ синоќа во Пехчево заврши деветтото издание на Фестивал на дувачки оркестри.

Во рамки на одбележувањето на денот на градот се одржа и 11-тото издание на етно саемот „Пехчевски Павловден” чие одржување, како што истакна Николчо Јовчев, претседател на Советот на општината, придонесува да се подобри постоечката рурална туристичка понуда за одржлив развој на регионот преку соработка во полето на фестивалскиот туризам.

-Традиционалниот етно саем прв пат бил организиран од страна на група угостители, туристички работници и занаетчии во соработка со организацијата на жени од Пехчево, за што јас сум им многу благодарен, бидејки преку негова организација, општина Пехчево се стреми да предизвика долготрајно влијание кон локалната економија и да биде пример за руралните заедници. Верувам дека на оцој начин ќе ја подобриме сегашната сосројба и трендовите во руралниот туризам, истакна Јовчев.

Покрај етно саем во рамки на дневната програма на Фестивалот на Дувачки оркестри настапија голем број на фолклорни групи и солисти како од Пехчево, така и од соседните градови, но и од Република Бугарија претставувајки го автентчниот фолклор на својот крај.

Во рамки на последната фестивалска вечер на сцената свој настап имаа оркестрите Џипси тајфа од Кочани и Уска Кан од Берово, а поради дождот беше прекинат дел од концертот на Исламовиќ како и на Bras Brothers, оркестарот кој требаше да го затвори фестивалот.

Сепак и покрај тоа деветтото издание на Фестивалот на дувачки оркестри во Пехчево за време на дводневната програма успеа да собере над 5.000 гости кои уживаа во прекрасната музика надополнета со скара и пиво. Настанот Општина Пехчево го организираше со поддршка на главните спонзори Хотел Гогов, Кит-Го и ДИК „Фагус”.

Работник бил прободен со шипка од 90 сантиметри- мислеле дека загинал, но се случило чудо

Градежен работник од Бразил имал неверојатна среќа што преживеал страшна несреќа откако се лизнал на скеле од пет метри.

Тој паднал директно на метална прачка долга 90 сантиметри, која го прободела од задникот до градите, ги прободела стомакот, црниот дроб и градите.

Несреќниот 57-годишник итно бил префрлен во болница во градот Куритиба, каде лекарите направиле рендген и сфатиле дека шипката допира до дијафрагмата, пишува Дејли Стар.

За среќа го промашила срцето, но неговата состојба била сериозна и морале брзо да делуваат. Хирурзите опишале како го спасиле, а операцијата започнала со стернотомија (сечење на градната коска).

Потоа го отстраниле оштетеното ткиво и ги санирале внатрешните повреди, по што му била извршена трансфузија на крв.

По неколку дена, пациентот можел да стане и да јаде, а неколку недели подоцна бил пуштен на домашно лекување.

Пред тоа, лекарите забележале големо ткиво со лузна на дел од уретрата, но не е јасно дали било преземено нешто во врска со тоа.

Медицинските експерти велат дека вакви несреќи се ретки, а најчесто се случуваат во градежништвото. Голем процент од нив се фатални, или подоцна доведуваат до компликации.

Спелеолог се борел 27 часа за воздух, заглавен во теснец, над 1.000 спасувачи не му помогнале

Пештерата Nutti Putti, во американската сојузна држава Јута, е озлогласена во спелеолошката заедница, но отсекогаш привлекувала авантуристи.

На крајот на 2009 година станала позната низ целиот свет по несреќата на истражувачот Џон Едвард Џонс. Неговата смрт е опишана како „најлошата што може да се замисли“.

Џон и неговите роднини решиле да ја истражат пештерата што се наоѓа југозападно од езерото Јута и на околу 50 километри од Солт Лејк Сити.

Експертите подоцна рекле дека тој практично се „закопал жив“, бидејќи решил да ги истражи тесните премини, каде што претходно се организирале спасувачки операции.

И покрај ризикот, Џон се заглавил во исклучително тесен премин што имал остар свиок на крајот. За жал, тој погрешил во немапираниот дел, каде што се заглавил.

Несреќниот човек се нашол во пукнатина широка меѓу 25 и 45 сантиметри, заглавен со главата надолу и тогаш почнува неговиот пекол, пренесува LadBible.

Не можел да се сврти, едната рака му била над главата, а другата покрај телото.

Роднините излегле надвор и повикале помош, а волонтерката Сузи Мотола подоцна изјавила дека Џон бил расположен и покрај незавидната ситуација.

„Тој ми рече: „Здраво Сузи, благодарам што дојде. Навистина сакам да излезам надвор“.

Меѓутоа, како минувале часовите, Џон го обзеде паника. Потоа рече:

„Овде ќе умрам. Не излегувам одовде, нели?“.

Повеќе од 1.000 спасувачи се обиделе да го извлечат несреќниот човек, користејќи јажиња, но напорите не вродиле со плод. Еден од нив му пришол на Џон и го прашал како се чувствува:

"Ужасно. Не ми се верува дека сум наопаку. Нозете ме убиваат“, одговорил веќе исцрпено.

По 27 часа исцрпувачка борба за воздух, Џон почнал да губи сила. Спасувачите го слушнале како плитко дише, но не можеле да му помогнат.

На крајот бил прогласен за мртов на 25 ноември, откако срцето му застанало.

Надлежните сметале дека е премногу опасно да се обидат да го извлечат безживотното тело, па одлучено е да се бетонира влезот во пештерата.

Пештерата Нути Пути станала гробница на Џон Едвард Џонс, а неговата трагедија служи како предупредување за сите спелеолози во светот.

Тела на четворица Украинци се извлечени од водите на реката Тиса на границата со Романија

Во изминатите неколку дена од реката Тиса на границата на Украина со Романија се извлечени тела на четири удавени лица, од кои најмладиот имал само 20 години, соопшти Државната гранична служба на Украина.

„Во соработка со колегите од МВР, граничарите добиле информација дека се пронајдени телата на двајца мажи, од кои едниот имал само 20 години“, соопштија од граничната служба.

Еден од удавените го пронашол локален рибар. На местото на настанот биле повикани спасувачи и полиција.

Претходно, на брегот на Тиса било пронајдено уште едно тело на маж.

„Средовечен маж почина со знаци на долготрајна изложеност на вода. Романските граничари го открија телото на нивната страна од границата, а во тек е идентификација на удавениот“, соопшти Државната гранична служба.

Претходниот ден локалните медиуми објавија дека се пронајдени телата на шест удавени лица, а судејќи по состојбата на некои од нив, тие долго време поминале во планинската река.

Во март, украинската гранична служба ја објави 22-та смрт од давење во реката Тиса од почетокот на конфликтот во февруари 2022 година, а десет мртви биле извлечени од Тиса минатата година.

Според официјалните податоци, минатата година 5.400 Украинци илегално ја преминале романската граница во обид да избегнат воен рок, а наводно околу 2.000 од нив успеале да ја препливаат Тиса.

притисни ентер