На отворањето присуствуваа митрополитот кумановско-осоговски г.Јосиф, познати кинематграфи и театарски дејци од Бугарија, доајенот на македонското глумиште, кривопаланчанката Милица Стојанова, годинашниот лауреат Мето Јовановски, како и голем број личности од културниот и јавен живот од Крива Паланка, а фестивалот го порогласи за отворен градоначалникот на Крива Паланка, Арсенчо Алексовски.
- Тајната на успехот зависи од постојаноста на намерата, а ние успеавме со постојана надградба и упорност да го одржиме овој фестивал кој стана вистински интернационален мост на театрите од Балканот, а со тоа, културата од разни поднебја е достапна до моите сограѓани, рече Алексовски.
Тој додаде дека соработка со тетатрите од Балканот вроди со нов импулс на штиците на Кривопаланечката сцена.
- Како сублимат од изминатите прт фестивалски години ја промовираме и монографијата од нашиот сограѓанин, познатиот театарски критичар Гоце Ристовски, каде засекогаш во аналите на историјата ќе останат запишани сите гости-театри, некои од нив од наши збратимени градови, а тука се запишани и досегашните лауреати, истакна Алексовски.
Промотор на монографијата беше Трајче Кацаров, кој рече дека Меѓународниот театарски фестивал „Св. Јоаким Осоговски“ ја потврди главната функција на театарот, да коалицира со публиката, а атмосферата во кривопаланечкиот Центар за култура е вистиски доказ за тоа.
Авторот на монографскиот осврт на петте изминати фестивалски години, Гоце Ристовски изјави дека тоа не е само негов труд, но е дело создадено врз база на нешто веќе направено.
- Ако не беа книгите како меморија на човештвото тоа ќе изгледаше сосема поинаку, рече Ристовски.
Фестивалската програма ќе трае од денеска до 22 септември.