Здравје

За првпат во Mакедонија изведена операција на мозок кај буден пациент-сторија на Kанал 5

„Добра е? Движи ли рака нога? Се е во ред, добра и е раката. Зборува? Ајде кажете ми од каде сте? Каде сте родиле? Битола. Од Битола! Браво одлично!

42 годишна пациентка за време на операција на мозокот е свесна зборува со анестезилогот. За прв пат на Клиниката за неврохирургија направена е операција на мозок кај пациентката, а за време на интервенцијата била свесна и разговрала со анестезилогот. Операцијата е направена од тимот на неврохирурзи предводен од Филипче заедно со хирурзите Рендевски и Жупановски и тим на помлади доктори и медицински персонал. Филипче вели дека свесен пациент за време на операција е можно и многу полезно бидејќи додека се отстранува туморот има комуникација со жената со цел да не се повредат нервите на органи кои се во близина на туморот.

За оваа интервенција клучен е анестезилогот. На оваа операција анестезилогот бил Игор Лазиќ од Србија од клиниката за неворхирургија. Тој вели дека за ваков тип на анестезија е потребен баланс во делот на анестиците и анестезијата. Ова е важно бидејќи пациентот е буден, но нема болка или било какво страдање за време на операцијата.

-Пациентот е успиен на почетокот. Но, кога ќе се дојде до лезијата која треба да се отстрани која е многу комплицирана во тој момент се прави будење на пациентот без посебно напнување на пациентот кои не би му одговарале на пациентот. И многу е специфично што во тој момент додека трае операцијата на отворен мозок пациентот се разбуди. Тогаш пациентот мора да соработува со вас да зборува константно додека главниот хирург и асистентите оперираат и тоа бара мултидисциплинарен пристап. Потребно е пациентот да помине една психолошка подготовка.

42 годишната пациентка имала голем тумор на левата страна од главата. Еден од симптомите е што таа на возраст над 40 години добила епилептичен напад и тоа било знак за итна магнетна резонаца каде била потврдена состојбата. Вакви интервенции во годината имало и до четири, но пациентите оделе на лекување и операција во странство.

Регион

Хасани:Руската агресија во Украина останува најкритична закана за мирот и безбедноста во Европа

Албанскиот министер за Европа и надворешни работи Игли Хасани смета дека руската агресија во Украина останува најкритична закана за мирот и безбедноста на европскиот континент и пошироко.

Хасани на меѓународната конференција „Ленарт Мери“ (Lennart Meri) во главниот град на Естонија, Талин изјавил дека „Албанија продолжува со својата јасна и цврста позиција во одбрана на територијалниот интегритет, суверенитет и независност на Украина, во согласност со ставот на ЕУ, НАТО и САД".

-Албанија активно ги поддржува напорите и преземените иницијативи за да се обезбеди целосна одговорност за најтешките злосторства според меѓународното право извршени во Украина. Застанувајќи покрај Украина, Албанија ја поддржува политички, економски и воено, до постигнување праведен и стабилен мир, нагласил тој, јави АТА.

Прашан за улогата на Русија во светската безбедност, министерот Хасани, рекол дека „единствениот победник во овие турбулентни времиња е НАТО, сојузот на вредности и нации кои го сакаат мирот и ги почитуваат правата на народите".

Министерот Хасани остварил средби со премиерката Каја Калас, неговиот естонски колега Маргус Цахкна и шефот на Комисијата за надворешна политика во естонскиот парламент, Марко Михкелсон на кои изразил благодарност за континуираната поддршка на Естонија за процесот на интеграција на Албанија и Балканот во ЕУ./МИА

Фудбал

Фоден: Горд сум на наградата фудбалер на сезоната во Премиер лигата

Фудбалерот од средниот ред на Манчестер сити, Фил Фоден ги искажа впечатоците по добивањето на наградата за најдобар играч во сезоната 2023/24 во англискиот шампионат.

- Добивањето на оваа награда е достигнување на кое сум исклучително горд. Англиската Премиер лига е препознаена како најдобра лига во светот и среќен сум што сум номиниран заедно со многу други одлични играчи кои имаа посебни сезони во своите клубови. Би сакал да му се заблагодарам на целиот персонал на Сити, тренерите и особено на моите соиграчи, бидејќи без нив тоа немаше да биде возможно, изјави Фоден на официјалната веб-страница на „Граѓаните“.

Оваа сезона во Премиер лигата, 23-годишниот играч од средниот ред одигра 34 натпревари, постигнувајќи 17 гола и постигна осум асистенции.

Трансфермаркт го проценува Фоден на 130 милиони евра.

Договорот на играчот со Манчестер сити е до летото 2027 година. /МИА

Фудбал

Чави за Барселона: Среќен сум затоа што сум во најдобриот клуб во светот

 Тренерот на Барселона, Чави проговори за расположението во кое работи во Барселона.

Претходно беше објавено дека претседателот на каталонскиот клуб Жоан Лапорта решил да ја прекине соработката со тренерот на крајот од сезоната.

- Среќен сум затоа што сум во најдобриот клуб во светот. Критиката ме тера да се подобрам. Ништо не се менува кај мене. Нестрплив сум да покажам дека можеме да продолжиме да бидеме конкурентни. Оваа сезона не беше успешна за нас, но убеден сум дека во иднина се може да излезе добро, изјави Чави.

Барселона утревечер од 19 часот го пречекува Рајо Ваљекано.

На две кола до крајот на сезоната во шпанската Ла Лига, Барселона се наоѓа на второто место со 79 бода, далеку зад лидерот Реал Мадрид кој има 93./МИА

притисни ентер